San Mateo 11:28 - TÄ̧DO Ä̧CUÄ̧ I̧HUȨNȨ

²⁸ O'ca toi'önä cuaditähuättö'inä, amäcö cuȩpä̧tu̧cua̧'a̧ttö̧ 'cuä'ächi'ätömä, ichätucui ttörö. Ucutu 'cuäcuhuächi'ätucumä ppä̧dä̧dä̧cua̧sä̧.

Nuevo Testamento Uwotjüja

²⁸ O'katoi'ünä̧ aditü usurä ȩmä̧u̧ 'kuä'ächi'inä̧tü̧mä̧ ttüku ichätukui, ttümä̧ usurä chȩmä̧wuö̧ juiyünä̧ jȩchä̧kuä̧u̧jä̧.

San Mateo 11:28 ပူးပေါင်းရင်းမြစ်များ

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

San Mateo 23:4

Koro juäi ttö̧ja̧ yoröiso jȩttö̧ juiyö'a̧nö̧ jö̧ huo̧juȩtä̧tö̧ jȩcu̧'ä̧tu̧cua̧ pä'ö. Ja̧'hua̧nö̧ ttu̧huo̧juȩto̧mȩnä̧, jahuätömä yoröiso ji̧'qui̧cha̧nö̧'i̧nä̧ jȩpo̧co̧tö̧ jitötä ttu̧huo̧juȩtö̧mä̧.

San Juan 6:37

O'ca toi'önä Chä'o ttörö i̧yä̧u̧mä̧, ttörötä ichätö. Ja̧'hua̧ta̧nö̧ ttörö ichätörömä, yoröiso ya'opö icuocösä.

San Juan 7:37

Ja̧u̧ fiesta jȩtto̧mȩnä̧, röji mo̧ro̧tä̧ ji̧nä̧ isocu adiu amöcuädö jȩpi̧nä̧tö̧do. Ja̧u̧nu̧ mo̧ro̧ Jesús ä̧rä̧mi̧'ö̧, pä̧i̧cu̧nä̧ ucuocu pä'inödo: —Ya̧tȩ a̧di̧ rö̧jä̧cu̧mä̧, ttörö ichö ahui.

Hechos 15:10

¿Dä̧bö̧ Dios jȩi̧nö̧mä̧ cuesetätucuoca'a cu̧ja̧cuä̧tu̧cuä̧ttö̧ ucutumä? Ujutu'inä, ujutu tä̧do̧tö̧ mi̧nä̧'i̧nä̧ jȩtto̧cö̧ ji̧nö̧ juäi ucutu hue'ätöjä pitö judíos huocotö jȩtta̧ pä'ö.

Hechos 20:35

Ucuturu huo̧juȩti̧nö̧sä̧ rö̧ȩnä̧ taditö'a̧nö̧ ja̧'a̧ usurä isotörö ppätäda pä'ö. Ja̧'hua̧ta̧nö̧ Tu̧ru̧hua̧ Jesús i̧huȩnȩ tamöcuädö'a̧nö̧ ja̧'a̧. Jesús pä'inö: “Ȩmä̧tö̧ttö̧'i̧nä̧ abonänö eseunu ka̧cuä̧tö̧ iyätömä”, —pä'inödo Pablo.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

2 Tesalonicenses 1:7

Ucutu ubara ttu'ätörö'inä, ujuturu'inä 'cuätächi'a pä'ö ppädäcuotöjä Diosmä, Tu̧ru̧hua̧ Jesús ocuräcu, ángeles juruhuätöcu mo̧ro̧jä̧ra̧'a̧ttö̧ ichö mo̧ro̧ päi'omenä.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.