San Mateo 10:3 - TÄ̧DO Ä̧CUÄ̧ I̧HUȨNȨ

³ Ka̧ra̧mä̧ Felipe, ka̧ra̧mä̧ Bartolomé, ka̧ra̧mä̧ Tomás, ka̧ra̧mä̧ Mateo, ru̧hua̧ öäre pärätä ȩmä̧'i̧jö̧ pi̧nö̧. Ka̧ra̧mä̧ Jacobo, Alfeo i̧tti̧ pi̧nö̧do. Ka̧ra̧mä̧ Lebeo, koro i̧mi̧ Tadeo pi̧nö̧do.

Nuevo Testamento Uwotjüja

³ Felipe'i̧nä̧, Bartoromé'i̧nä̧; Tomá'i̧nä̧ ja̧'wa̧ta̧nü̧ pärätä ka̧ka̧tä̧'i̧jü̧ Mateo'i̧nä̧; Alfeo i̧tti̧ Sa̧ti̧a̧ku̧'i̧nä̧, Tadeo'i̧nä̧;

San Mateo 10:3 ပူးပေါင်းရင်းမြစ်များ

San Mateo 18:17

Ucuturu ji̧nä̧ ä̧ju̧cu̧ juiyöttömä, o'ca toi'önä iglesia ruhuä ttä'ca jo̧mȩttö̧ ucuocuirö. Ja̧'hua̧nö̧ ja̧'a̧nä̧ jahuätörö o'ca toi'önärö ä̧ju̧cu̧ juiyöttömä, 'quȩ'i̧pä̧chä̧tu̧cui̧rö̧ ka̧ra̧ Diosrö esetocö ö̧jö̧'a̧nö̧ ö̧ja̧ pä'ö. Ja̧'hua̧ta̧nö̧ ru̧hua̧ öäre pärätä ȩmä̧'i̧jö̧ ö̧jö̧'a̧nö̧ ö̧jä̧cua̧.

San Mateo 27:56

Jahuätö ttö̧'quȩtȩnä̧ María Magdalena'inä, María, Jacobonö, Josénö tta̧ju̧'i̧nä̧, Zebedeo i̧tti̧mö̧ tta̧ju̧'i̧nä̧ ka̧cui̧nä̧tö̧do.

San Mateo 9:9

Jesús juhua'attö rä'opächinödo. Ju̧huȩnȩ yabonänö ya̧tȩ Mateo pä'ö mi̧cua̧rö̧ topinödo. Ja̧u̧ Mateomä, ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Mateo ä̧rä̧mi̧'ö̧ 'chi̧nö̧do Jesúscu.

San Marcos 15:40

Ja̧'hua̧ta̧nö̧ korotö nä̧tö̧'i̧nä̧ otonänö to̧pä̧rö̧ ka̧cui̧nä̧tö̧do. Jahuätö ttö̧'quȩtȩnä̧ ka̧cui̧nä̧tö̧do María Magdalena'inä, María, mö̧ä̧ya̧ Jacobonö, Josénö tta̧ju̧'i̧nä̧, Salomé'inä.

San Marcos 2:14

Ju̧huȩnȩ 'cuä'opö topinödo Leví pä'ö mi̧cua̧rö̧, Alfeo i̧tti̧rö̧. Ja̧u̧mä̧ ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Leví ä̧rä̧mi̧'ö̧ 'chi̧nö̧do Jesúscu.

San Marcos 3:18

Ja̧'hua̧ta̧nö̧ ka̧ra̧mä̧ Andrés, ka̧ra̧mä̧ Felipe, ka̧ra̧mä̧ Bartolomé, Ka̧ra̧mä̧ Mateo, Ka̧ra̧mä̧ Tomás, ka̧ra̧mä̧ Jacobo, Alfeo i̧tti̧, ka̧ra̧mä̧ Tadeo, ka̧ra̧mä̧ Simón, cananista i̧sa̧ pi̧nö̧do.

San Lucas 18:10

—U̧mä̧tö̧ ta̧ju̧ Diosrö ucuocuäcuähuodera̧'a̧ 'chi̧nä̧tö̧, Diosrö ucuocu. Ka̧ra̧mä̧, fariseo i̧sa̧ pi̧nö̧. Ka̧ra̧mä̧ ru̧hua̧ öäre pärätä ȩmä̧'i̧jö̧ pi̧nö̧.

San Lucas 18:11

Fariseo i̧sa̧ ä̧rä̧mi̧'ö̧ ucuocuinö pa̧'a̧nö̧: “Chä̧do̧ ä̧cua̧ Dios, eseunu pä'ösä korotö ttö'a̧nö̧mä̧ huocösä. Nä̧u̧cuä̧rä̧tö̧'a̧nö̧'i̧nä̧, suronä jȩpä̧tö̧'a̧nö̧'i̧nä̧, nä̧tö̧rö̧ suronä usätö'a̧nö̧'i̧nä̧ chujua ru̧hua̧ öäre pärätä ȩmä̧'i̧jö̧'a̧nö̧'i̧nä̧ huocösä.

San Lucas 18:13

Ja̧'hua̧nö̧ ja̧'a̧nä̧ ru̧hua̧ öäre pärätä ȩmä̧'i̧jö̧mä̧ otonänö ki̧'i̧nö̧do. Ja̧'hua̧ta̧nö̧ yoröiso mo̧ro̧jä̧ra̧'a̧'i̧nä̧ bo̧yu̧cu̧ topocö pi̧nö̧do. Ja̧'hua̧ta̧nö̧ a̧mö̧ca̧ 'ta'tapäcuähuinödo. Pä'inödo: “Chä̧do̧ ä̧cua̧ Dios, re rö̧jö̧nä̧ topittö ttörö, suronä jȩpö̧rö̧.”

San Lucas 19:2

Ju̧huȩnȩtä̧ ki̧nö̧do ya̧tȩ järe ru̧hua̧, Zaqueo pä'ö mi̧cua̧, ru̧hua̧ öäre pärätä ȩmä̧'i̧jä̧tö̧ ttu̧ru̧hua̧.

San Lucas 5:27

Ja̧u̧nu̧ o'ca'a Jesús rä'opächö topinödo ya̧tȩ ru̧hua̧ öäre pärätä ȩmä̧'i̧jö̧ Leví pä'ö mi̧cua̧rö̧ pärätä ttȩmä̧'i̧jo̧mȩ ö̧'a̧'a̧. Päinäcudo: Ttöcu ichi.

San Juan 1:48

Ja̧'hua̧nö̧ päomenä, Natanael jä'epinödo: —¿Tta̧'a̧nö̧ cu̧huo̧jua̧'a̧jä̧ttö̧ ttörömä? Jesús pä'inödo: —Felipe ucuru oipäji ä'canä, higuera dau kada'ca cu̧jo̧mȩnä̧, topäjisä ucuru.

San Juan 11:16

Ja̧u̧nu̧ o'ca'a Tomás, Ta̧ju̧hui̧nö̧ pättinäcumä, pä'inödo korotö ahuaruhuärö: —Ujutu'inä ti̧'chä̧tu̧cua̧ ja̧u̧tä̧cu̧ ji̧nä̧ yo̧mȩtȩnä̧ 'corupäti'ätucua.

San Juan 14:22

Ja̧'hua̧ ja̧'a̧ ka̧ra̧ Judas, Judas Iscariotemäcö̧, pä'inödo: —Chu̧ru̧hua̧ ¿dä̧bö̧ cui̧jȩpä̧cua̧'a̧jä̧ttö̧ ujuturutä, pi̧jä̧ ttö̧ja̧rö̧ cui̧jȩpo̧ca̧'a̧nä̧?

San Juan 14:5

Jesús ja̧'hua̧nö̧ päomenä, pä'inödo Tomás: —Tu̧ru̧hua̧, jerupätöjä cui̧'cha̧'a̧mä̧. Ja̧'hua̧nö̧ ja̧'a̧mä̧ ¿tta̧'a̧nö̧ tu̧huo̧jua̧'a̧jä̧ttö̧ mä̧nä̧mä̧?

San Juan 14:9

Jesús ädätinödo: —Felipe ucutucu recuo chö̧jo̧mȩnä̧, ¿ji̧nä̧ jȩru̧pa̧jä̧ tä̧ji̧ ttörö? Ttörö topömä, Chä'orö'inä topö. Ja̧'hua̧nö̧ ja̧'a̧ttö̧ Cuä'orö tota pä'ätöjä, ¿tta̧'a̧nö̧ päcuhuäjättö?

San Juan 21:2

Ju̧huȩnȩ ka̧cui̧nä̧tö̧do Simón Pedro'inä, Tomás, Ta̧ju̧hui̧nö̧ pättinäcumä'inä, Natanael, Caná ötahuiyä Galilea rȩjȩ i̧sa̧'i̧nä̧, Zebedeo i̧tti̧mö̧'i̧nä̧, korotö ta̧ju̧ Jesús u̧huo̧juȩtä̧u̧ttu̧'i̧nä̧ ka̧cui̧nä̧tö̧do.

Hechos 1:13

Ötahuiyänä 'chä̧hui̧'ö̧, isodenä do'ächi'ö, ju'toju i̧so̧ca̧nä̧ 'cha'chepächinätödo. Ju̧huo̧ca̧nä̧tä̧ ka̧cui̧nä̧tö̧do Pedro'inä, Jacobo'inä, Juan'inä, Andrés'inä, Felipe'inä, Tomás'inä, Bartolomé'inä, Mateo'inä, Alfeo i̧tti̧ Jacobo'inä, Simón cananista isotö i̧sa̧'i̧nä̧, Jacobo ö̧jä̧hua̧ Judas'inä.

Hechos 12:17

Pedro u̧mö̧ cä'epinödo ttö'coruchi'a pä'ö. Jahuätörö ji'ähuinödo: —Tu̧ru̧hua̧ ttörö cärenä chö̧'a̧'a̧ttö̧ rä'epö icuäjäcusä. Pi̧yȩ huȩnȩ ji'ähuätucui Jacoborö, korotö tö̧jä̧hua̧tö̧rö̧'i̧nä̧. Ja̧'hua̧nö̧ pä'ipö, kara'acu rä'opächö 'chi̧nö̧do.

Hechos 15:13

Pablocu, Bernabécu ucuocu cättädomenä, Jacobo pä'inödo: —Chö̧jä̧hua̧tö̧, ä̧ju̧cuä̧tu̧cui̧.

Hechos 21:18

Ti̧rȩbȩhuä̧ji̧ koro mo̧ro̧ Pablomä ujutucu Jacoborö do'ächö 'chi̧nö̧. O'ca toi'önä ancianos huotö'inä pȩjä̧mi̧nä̧tö̧.

Gálatas 1:19

Ja̧'hua̧nö̧ ja̧'a̧nä̧ korotö Jesús hue'ähuotörö topocö pi̧nö̧sä̧. Ya̧tȩrö̧tä̧, Tu̧ru̧hua̧ ö̧jä̧hua̧ Jacoborötä, topinösä.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.