San Mateo 10:10 - TÄ̧DO Ä̧CUÄ̧ I̧HUȨNȨ

¹⁰ Cusacuyu'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧ ji̧ta̧cu̧nä̧tä̧ ȩpä̧tu̧cui. Cu̧jä̧pö̧ isäya'inä, cuitta'ca'inä cuȩpä̧tu̧cuä̧'. Iso päi'önä ya̧tȩ adicuä i̧sa̧rö̧ u̧cuȩ ttiyö'a̧nö̧ ja̧'a̧.

Nuevo Testamento Uwotjüja

¹⁰ mä̧nä̧ttü̧ ku̧kuä̧tu̧kuä̧kuȩ'i̧nä̧, ku̧'ka̧tä̧wä̧ti̧yu̧'i̧nä̧ to̧ta̧rȩ pünä̧mä̧, ku̧jä̧pü̧ isäya'i̧nä̧, kuitta'ka i̧so̧'kȩ'i̧nä̧ kuȩpä̧tu̧kuä̧, isopäi'ünä̧ adikuä i̧sa̧mä̧ u̧kuȩ i̧yä̧wa̧.

San Mateo 10:10 ပူးပေါင်းရင်းမြစ်များ

San Mateo 10:11

“Ja̧'hua̧ta̧nö̧ koro ötahuiyära̧'a̧ 'chä̧hui̧'ö̧, ya̧tȩ adihuä i̧sa̧ o'ca toi'önä ttu̧huo̧juä̧cu̧ru̧ usätucui, ojusodenä cu̧ja̧cuä̧tu̧cua̧ pä'ö kara'a cui̧'chä̧tu̧cuo̧mȩ jubö päi'önä.

San Marcos 6:8

Tti̧'cho̧mȩnä̧, koro juäi ttȩpö̧ juiya pä'ö hueinä̧u̧do. Ttitta'catä ttȩpa̧ pä'ö hue'inödo. Ttösacuyu'inä, i̧ri̧si̧'i̧nä̧, pärätä'inä ttȩpö̧ juiya pä'ö hueinä̧u̧do.

San Lucas 3:11

Juan jahuätörö ädätinödo: —To̧ta̧rȩ a̧mö̧ca̧ o̧ta̧ ku̧nä̧rö̧mä̧ ji̧ta̧tȩ iyö'a̧nö̧ ja̧'a̧ ya̧tȩ yoröiso jui̧'a̧rö̧. Ja̧'hua̧ta̧nö̧ u̧cuȩ ku̧nä̧rö̧mä̧ 'quȩ'ȩpö̧ iyö'a̧nö̧ ja̧'a̧ ya̧tȩ u̧cuȩ jui̧'a̧rö̧.

San Lucas 9:3

Jesús päinä̧u̧do: —Cui̧'chä̧tu̧cuo̧mȩnä̧ cuitta'ca'inä, sacuyu'inä, i̧ri̧si̧'i̧nä̧, pärätä'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧, ji̧ta̧cu̧nä̧tä̧ ȩpä̧tu̧cui̧.

2 Timoteo 4:13

Cuichomenä chö̧'ca̧tä̧huä̧ta̧, huäme i̧sä̧ta̧, Troas ötahuiyänä Carpo ojusodenä chu̧ju̧ni̧'i̧nä̧ta̧, cui'cächaja. Cuyäru'inä cui'cächaja. Ttötä chöäre cuyäru'inä cunichi'o.