San Marcos 8:2 - TÄ̧DO Ä̧CUÄ̧ I̧HUȨNȨ

² —Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a.

Nuevo Testamento Uwotjüja

² —Pitü ttü̧ja̧rü̧ rȩrü̧jü̧ tochünä̧ jä̧ku̧sä̧, wäbodäkuä mo̧ro̧ päi'ünä̧ ttüku ttü̧ja̧kua̧'a̧nä̧, ttu̧kuȩ juiyiyäku.

San Marcos 8:2 ပူးပေါင်းရင်းမြစ်များ

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 20:34

Ja̧'hua̧ ja̧'a̧ttö̧ Jesús a̧'cua̧ tta̧ jö̧nä̧ topinödo jahuätörö. Ttö'ärenä mȩ'i̧nö̧do. Yotäcu mȩo̧mȩnä̧, ttö'ärenä topinätödo. Jahuätömä Jesús o'ca'anä 'chi̧nä̧tö̧do.

San Mateo 9:36

Ttö̧ja̧rö̧ tomenä, re rö̧jö̧nä̧nö̧ toinä̧u̧do. Jahuätömä o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ 'cuä'ächi'ö tta̧'cua̧ tta̧'ȩcu̧nu̧ cue'ächinätödo.

San Marcos 1:41

Jesús ja̧u̧ru̧ re rö̧jö̧nä̧ topö, u̧mö̧nä̧ mȩ'ö̧ pä'inödo: —Ttö pä̧huä̧ rö̧jä̧cu̧sä̧. Hua'ächö icucui.

San Marcos 5:19

Ja̧'hua̧nö̧ ja̧'a̧nä̧ i̧'cha̧ pä'ö hue'ocö pi̧nö̧do. Päinäcudo: —Cuahuaruhuäcu cuojusodera̧'a̧ täi. Ji'ähuitö o'ca juiyönä Cu̧ru̧hua̧ jȩä̧ji̧ ucuru. Ja̧'hua̧ta̧nö̧ re rö̧jö̧nä̧ ucuru toäjimä ji'ähuitö.

San Marcos 6:32

Ja̧'hua̧ ja̧'a̧ttö̧ Jesúscutä, chutä hue'ähuotöcutä huoi'canä 'chi̧nä̧tö̧do korome ttö̧ja̧ tomecu.

San Marcos 6:34

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo, o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ cuettächa'attö. Ja̧u̧mä̧ jahuätörö rö̧ȩnä̧ huo̧juȩti̧nö̧do.

San Marcos 8:3

Ttojusodera̧'a̧ ttu̧cuȩ ttucuoca'amä huedöttömä, mä̧nä̧nä̧ 'chä̧nö̧ kä'cottö ttijuiyuhuächi'ö'a̧nö̧ ja̧'a̧. Korotömä otottö ichäjätö.

San Marcos 9:22

Ja̧'hua̧ta̧nö̧ espíritu su̧ro̧pa̧ cuä'ö icuarö pä'ö ocuränä'inä, ajiyanä'inä 'cuäopönä ma̧ä̧mö̧nä̧ jȩä̧'i̧jä̧cu̧. Ja̧'hua̧nö̧ ja̧'a̧ttö̧ ucu aditö cuicu'a̧nö̧ jö̧ttö̧mä̧ ujuturu re rö̧jö̧nä̧ topö ppä'äditö.

San Lucas 15:20

Ja̧'hua̧nö̧ ja̧'a̧ ä̧rä̧mi̧'ö̧, jä'o ojusodera̧'a̧ ppa̧'ä̧chi̧nö̧do. “Jä'omä ji̧nä̧ otonänö icha'a topö, re rö̧jö̧nä̧ toinäcudo. Eseunu jopächö 'chä̧hui̧'ö̧ i̧tti̧rö̧ hua'adi'ö esehuinäcudo.

San Lucas 7:13

Ja̧'hua̧ ja̧'a̧ttö̧ jahuäjuru topö Tu̧ru̧hua̧ re rö̧jö̧nä̧ topinö jahuäjuru. Ja̧'hua̧ ja̧'a̧ttö̧ päinäcuado: —Cuajuähuä'.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.