San Marcos 7:37 - TÄ̧DO Ä̧CUÄ̧ I̧HUȨNȨ

³⁷ Ja̧'hua̧ta̧nö̧ eseunu to̧pä̧rö̧ kä̧nö̧ pä'inätödo: —O'ca juiyönä jȩö̧mä̧, adiu jȩpö̧. Ä̧ju̧cuo̧co̧tö̧'i̧nä̧, ttä̧ju̧cu̧nä̧ jȩpö̧. Ucuocuocotö'inä, ttucuocunä jȩpö̧, —pä'inätödo.

Nuevo Testamento Uwotjüja

³⁷ Isoo pä'ü kkä̧nü̧ pä'inä̧tü̧; o'kajuiyünä̧tä̧ adiu jȩpü̧, ä̧ju̧kuo̧ko̧tü̧rü̧'i̧nä̧ ttä̧ju̧ku̧nä̧tä̧ ja̧'wa̧ta̧nü̧ tti̧wȩnȩ jui'ätürü'i̧nä̧ ttukuokunä̧tä̧ jȩa̧'a̧ttü̧, pä'inä̧tü̧.

San Marcos 7:37 ပူးပေါင်းရင်းမြစ်များ

San Mateo 9:32

Juhua'attö rä'opächö kara'a tti̧'cho̧mȩnä̧, Jesús i̧'cha̧'a̧cu̧ i'cächinätödo ya̧tȩ i̧huȩnȩ jui̧'a̧rö̧. Ja̧u̧ espíritu su̧ro̧pa̧rö̧ ku̧nä̧ri̧nö̧do.

San Marcos 1:27

O'ca toi'önä ye'inätödo. Ja̧'hua̧ ja̧'a̧ pä'ähuinätödo ka̧ra̧ ka̧ra̧nö̧: —Pi̧yȩmä̧, ¿däjejo? ¿Däje huȩnȩ pi̧yȩ jareö huȩnȩmä̧? Pide ubomä espíritus suropätörö hueähuänä ju̧ru̧hua̧. Hueö ta'anö jȩpä̧tö̧.

San Marcos 2:12

Ja̧u̧ 'cuä̧'a̧mä̧ yotäcu ä̧rä̧mi̧'i̧nö̧do. Ö̧rä̧sa̧ ȩmi̧pö̧, juhua'attö rä'opächinödo, o'ca toi'önä to̧ttä̧ro̧mȩnä̧. Ja̧'hua̧nö̧ ja̧'a̧ttö̧ o'ca toi'önä to̧pä̧rö̧ kä̧nö̧ esehuinätödo Diosrö. Pä'inätödo: —Ja̧'hua̧nö̧ jö̧mä̧ yoröiso topocotö pä'iätöjä.

San Marcos 4:41

Jahuätömä rö̧ȩnä̧ ye'inätödo. Pä'ähuinätödo: —Ja̧'hua̧nö̧ jȩpö̧mä̧, kä̧ru̧'coppa'inä, ajiya'inä päö ta'anö päi'iyäcumä, ¿tta̧'a̧nö̧ hua̧jä̧ttö̧? —pä'ähuinätödo.

San Marcos 5:42

Jahuäju möäyaju ttö̧jä̧pö̧ttö̧nö̧ todäre a̧'ȩ hui̧nä̧ju̧do. Yotäcu ä̧rä̧mi̧'ö̧ cue'ächinäjudo. Ju̧huȩnȩ ka̧cuä̧tö̧mä̧, to̧pä̧rö̧ ka̧cui̧nä̧tö̧do.

San Marcos 6:51

Jahuätöcu huoi'canä 'cha'ächö pä̧mä̧di̧nö̧do. Huoi'canä ö̧'ä̧mädo̧mȩnä̧, kä̧ru̧'coppa huirochi'ina'ado. Jahuätömä ye'ecunu to̧pä̧rö̧ ka̧cui̧nä̧tö̧do.

San Marcos 7:36

Jesús pä̧i̧cu̧nä̧ pä'inödo jahuätörö, korotörö jittäu juiya pä'ö. Ja̧'hua̧nö̧ pä̧u̧ ja̧'a̧ ji̧nä̧ isocu yabonö ji'ähuinätödo 'cuäopäjimä.

San Marcos 8:1

Ja̧u̧nu̧ pä̧nä̧ recuätö ttö̧ja̧ ca̧ca̧cui̧pi̧nä̧tö̧do. Ttu̧cuȩ'i̧nä̧ jui'inätödo. Ja̧u̧nu̧ o'ca'a Jesús u̧huo̧juȩtä̧u̧ru̧ huopö pä'inödo:

San Lucas 23:41

Ujutumä iso päi'önä jȩti̧nö̧ micuä päi'önä ttö̧tä̧bo̧tä̧u̧jä̧. Pidemä suronä jȩpo̧cö̧ pi̧nö̧.

Hechos 14:11

Ttö̧ja̧mä̧ Pablo jȩä̧ja̧'a̧ topö, Licaonia rȩjȩ ttö̧ja̧ jitötä tti̧huȩnȩnä̧ huopinätödo: —Tä̧do̧ ä̧cua̧tö̧mä̧ ttö̧ja̧ jö̧ ta'anö huotö mȩyȩhuä̧jä̧tö̧ ujutu tö̧jo̧mȩ.