San Marcos 6:34 - TÄ̧DO Ä̧CUÄ̧ I̧HUȨNȨ

³⁴ Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo, o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ cuettächa'attö. Ja̧u̧mä̧ jahuätörö rö̧ȩnä̧ huo̧juȩti̧nö̧do.

Nuevo Testamento Uwotjüja

³⁴ Jesú-mä̧ woi'kattü mȩyȩwi̧'ü̧ ttü̧ja̧ rekuätürü topinü̧; oweja-tü̧ ttu̧ru̧wa̧ to'ätü jä̧'i̧nü̧'a̧nü̧ ttü̧ja̧kua̧'a̧, toomȩnä̧ rȩrü̧jä̧chi̧'ä̧ku̧ kkä̧mä̧dü̧ rü̧ȩnä̧ wo̧juȩti̧nü̧.

San Marcos 6:34 ပူးပေါင်းရင်းမြစ်များ

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 15:32

Ja̧u̧nu̧ o'ca'a Jesús u̧huo̧juȩtä̧u̧ru̧ huopö pä'inödo: —Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a. Ttojusodera̧'a̧ ttu̧cuȩ ttucuoca'amä hueda pä'ocösä. Ja̧'a̧tä̧ tti̧'chö̧ttö̧mä̧ mä̧nä̧nä̧ 'chä̧nö̧ ttijuiyuhuächi'ö'a̧nö̧ ja̧'a̧.

San Mateo 9:36

Ttö̧ja̧rö̧ tomenä, re rö̧jö̧nä̧nö̧ toinä̧u̧do. Jahuätömä o̧vȩja̧stö̧ tta̧huä̧rä̧cuä̧huä̧ i̧sa̧ to'ätö jä̧'i̧nö̧'a̧nö̧ 'cuä'ächi'ö tta̧'cua̧ tta̧'ȩcu̧nu̧ cue'ächinätödo.

San Marcos 6:33

Ja̧'hua̧nö̧ ja̧'a̧nä̧ recuätömä topinätödo tti̧'cha̧'a̧. Jahuätö Jesúsru huo̧jui̧nä̧tö̧do. Ja̧'hua̧nö̧ ja̧'a̧ttö̧ o'ca juiyönä ötahuiyättö rä'opö, Jesús i̧'cha̧'a̧cu̧ jopinätödo, ä'canä tti̧rȩbȩhui̧'a̧ pä'ö.

San Marcos 6:35

Täcö ni̧pä̧chi̧'o̧mȩnä̧, Jesús u̧huo̧juȩtä̧u̧ Jesúsru ichi'ö pä'inätödo: —Täcö ni̧pä̧cha̧'a̧. Pȩnȩ ttö̧ja̧ toa'a.

San Marcos 8:1

Ja̧u̧nu̧ pä̧nä̧ recuätö ttö̧ja̧ ca̧ca̧cui̧pi̧nä̧tö̧do. Ttu̧cuȩ'i̧nä̧ jui'inätödo. Ja̧u̧nu̧ o'ca'a Jesús u̧huo̧juȩtä̧u̧ru̧ huopö pä'inödo:

San Marcos 8:2

—Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a.

San Lucas 9:11

Ja̧'hua̧nö̧ ja̧'a̧nä̧ ttö̧ja̧ i̧'chä̧ja̧'a̧ ä̧ju̧cu̧, o'ca'anä tti̧'chi̧nä̧cu̧do. Jesús ö̧jo̧mȩ tti̧'chi̧'o̧mȩnä̧, esehuinä̧u̧do. Dios Ttu̧ru̧hua̧ päi'önä ö̧jä̧cuȩ huȩnȩ ucuocu, na̧nȩpä̧tö̧rö̧ aditö i̧cui̧nö̧do.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.