San Marcos 6:16 - TÄ̧DO Ä̧CUÄ̧ I̧HUȨNȨ

¹⁶ Herodes ja̧'hua̧nö̧ pätta'a ä̧ju̧cu̧, pä'inödo: —Ja̧u̧mä̧ Juando, u 'cui'opö tticua pä'ö huedinäcu. Jitämä 'corupäi'ina'attö, tto'ächäji.

Nuevo Testamento Uwotjüja

¹⁶ Ja̧'wa̧nü̧ ja̧'a̧nä̧ ru̧wa̧ Herode-mä̧ jua̧u̧ ttukuokua'a ä̧ju̧ku̧ pä'inü̧: —Jua̧u̧mä̧ Ju̧a̧ ja̧'a̧, uyuyu 'kui'opü ttikua pä'ü wedinä̧ku̧, jitämä̧ pä'äjita'anü̧ ttoächäja'a.

San Marcos 6:16 ပူးပေါင်းရင်းမြစ်များ

San Mateo 14:2

Ja̧u̧cu̧ ka̧cui̧nä̧tö̧rö̧ pä'inödo: —Ja̧u̧mä̧ Juan el Bautistamä 'corupäi'ina'attö tto'ächinö. Ja̧'hua̧nö̧ ja̧'a̧ttö̧ ttö̧ja̧ ttieru juäi jȩpö̧, —pä'inödo.

San Mateo 27:4

Jahuätörö pä'inödo: —Ttömä suronä jȩpä̧ji̧sä̧ adihuä i̧sa̧rö̧, yoröiso suronä jȩpo̧cö̧rö̧, ucuturu chiyomenä. Ja̧'hua̧nö̧ päomenä, ädätinätödo: —Ja̧u̧mä̧ ¿tta̧'a̧nö̧ pätäcua'ajä̧ttö̧ ujutumä? Ja̧u̧mä̧ ucutä jȩpä̧ji̧jä̧.

San Marcos 6:15

Korotö pä'inätödo: —Ja̧u̧mä̧ Dios i̧huȩnȩ jiäcuähuä i̧sa̧ Elíasdo. Ja̧'hua̧ta̧nö̧ korotö pä'inätödo: —Ja̧u̧mä̧ täbocö Dios i̧huȩnȩ jiäcuähuä isotö ta'anö, Dios i̧huȩnȩ jiäcuähuä i̧sa̧do.

San Marcos 6:17

Herodes Juanrö cärenä ttötarö pä'ö hue'inödo. Ja̧'hua̧nö̧ cärenä ö̧'a̧'a̧, cuoräusanä nö̧'cä̧rö̧ ttu̧ju̧na̧rö̧ pä'ö hue'inödo, Herodías pä'ö micuaju kesehua pä'ö. Yajutä Herodíasmä, Herodes ö̧jä̧hua̧ Felipe irecua pi̧nä̧ju̧do. Ja̧'hua̧nö̧ ja̧'a̧nä̧ Herodes ȩmi̧nä̧cua̧do irecua päi'önä.

San Lucas 9:9

Ja̧'hua̧nö̧ ja̧'a̧nä̧ Herodes pä'inödo: —Ttötä hue'inösä Juan el Bautista u 'cui'opö tticua pä'ömä. Ja̧'hua̧nö̧ ja̧'a̧nä̧, ja̧'hua̧nö̧ rö̧ȩnä̧ jȩö̧ jittähuäcu, ¿dijä̧ttö̧? Ja̧'hua̧nö̧ ja̧'a̧ Herodes toa päinäcudo.