San Marcos 5:2 - TÄ̧DO Ä̧CUÄ̧ I̧HUȨNȨ

² Jesús huoi'cattö huä̧mi̧pä̧ji̧'ca̧, ya̧tȩ ubo, espíritu su̧ro̧pa̧rö̧ ku̧nä̧rö̧, hua'are huattomettö rä'opö ichinödo Jesús ö̧jo̧mȩ.

Nuevo Testamento Uwotjüja

² Jesú-mä̧ woi'kattü u̧wä̧mi̧'i̧'o̧mȩnä̧, ya̧tȩ epíritu su̧ro̧pa̧ ü̧jä̧ku̧, wa'are ikuäwä idoriyättü rä'o'ü ichi'inä̧ku̧.

San Marcos 5:2 ပူးပေါင်းရင်းမြစ်များ

San Marcos 1:23

Ju̧huȩnȩ ötahuiyänä, judíos ttu̧huo̧jui̧'i̧nodenä, ya̧tȩ espíritu su̧ro̧pa̧rö̧ ku̧nä̧rö̧mä̧ ki̧nö̧do. Ja̧u̧ huopinödo:

San Marcos 1:26

Ja̧'hua̧nö̧ ja̧'a̧ espíritu su̧ro̧pa̧ öcäyucui'omenä, rȩjȩ kiähui'önä jȩi̧nä̧cu̧do. Ja̧'hua̧nö̧ jȩpö̧, pä̧i̧cu̧nä̧ huopi'ö rä'opächinödo ja̧u̧ ubottö.

San Marcos 3:30

Ja̧'hua̧nö̧ pä'inödo, jitötä “Espíritu su̧ro̧pa̧rö̧ ku̧nä̧rö̧to” pätta'attö.

San Marcos 3:9

Ja̧'hua̧nö̧ ja̧'a̧ttö̧ ttö̧ja̧ tä̧mö̧hua̧'a̧ttö̧, 'quiyönä 'co̧ttä̧dä̧cuä̧u̧ juiya pä'ö u̧huo̧juȩtä̧u̧ru̧ hue'inödo huoi'ca 'chu'ädö tta̧ttä̧ra̧ pä'ö.

San Marcos 4:1

Pä'äji ta'anö dubora jäyora huo̧juȩti̧nö̧do. Recuätö ttö̧ja̧ ö̧jo̧mȩ ca̧ca̧cui̧pi̧nä̧tö̧do. Ttö̧ja̧ ttirecua'attö, Jesús huoi'ca, duboranä rä'canä pä̧mä̧di̧nö̧do, jahuätörö u̧huo̧juȩta̧ pä'ö. Jahuätö ttö̧ja̧mä̧ rȩba̧nä̧ ka̧cui̧nä̧tö̧do.

San Marcos 4:36

Ja̧'hua̧ ja̧'a̧ttö̧ ttö̧ja̧rö̧ jaropi'ö, Jesús ö̧'ä̧mä̧dä̧'ca̧nä̧ ȩpi̧nä̧tö̧do Jesúsru. Korotö koro huoi'quiyunä'inä 'chi̧nä̧tö̧do ja̧u̧cu̧.

San Marcos 5:21

Jesús dubora ji̧jȩcu̧ttu̧ huoi'canä ppa̧huä̧cho̧mȩnä̧, recuätö ttö̧ja̧ ichinätödo ö̧jo̧mȩcu̧. Ja̧u̧mä̧ ju̧huȩnȩ dubora jäyora ki̧nö̧do.

San Marcos 5:3

Ja̧u̧ ubomä hua'are huattome ki̧nö̧do. Cuoräusanä'inä nö'cö, yoröiso ti̧ä̧dä̧cuä̧huo̧cö̧ pi̧nö̧do.

San Marcos 5:8

Chutä ubo ja̧'hua̧nö̧ pä'inödo Jesús päiyäcu. Jesús pä'inödo: —¡Espíritu su̧ro̧pa̧, ja̧u̧ ubottö rä'opächi!

San Marcos 7:25

Yajute möäyaju, espíritu su̧ro̧pa̧rö̧ ku̧nä̧rä̧ju̧ ka̧ju̧ Jesús ö̧ja̧'a̧ ä̧ju̧cui̧nä̧ju̧do. Jesús ö̧jo̧mȩ ichi'ö, Jesús ä'ca jo̧mȩ kihue'quiyunä kä̧mä̧di̧nä̧ju̧do.

San Lucas 8:27

Ja̧'hua̧nö̧ ja̧'a̧ huoi'cattö Jesús huä̧mi̧pä̧chi̧nö̧do de'acu. Ya̧tȩ ötahuiyä i̧sa̧ tö'cö i̧'chi̧'i̧nä̧cu̧do. Recuo ji̧na̧'a̧do ja̧u̧ ubo espíritus suropätörö u̧ju̧nä̧ri̧na̧'a̧ttö̧mä̧. Ö̧'ca̧tä̧huä̧ta̧'i̧nä̧ 'ca̧tä̧huo̧cö̧ pi̧nö̧do. Ja̧'hua̧ta̧nö̧ isodenä ko̧cö̧ pi̧nö̧do. Hua'are huattomettö ki̧nö̧do.

San Lucas 9:42

Ja̧'hua̧nö̧ ja̧'a̧ mö̧ä̧ya̧ ötö'cöhuächi'a'a, espíritu su̧ro̧pa̧ rȩjȩ kiähui'önä jȩi̧nä̧cu̧do, pä'äji ta'anö na̧huä̧chi̧pa̧ pä'ö. Ja̧'hua̧nö̧ ja̧'a̧nä̧ Jesús espíritu su̧ro̧pa̧rö̧ ro̧'ȩpö̧ pä'inödo. Ja̧'hua̧nö̧ aditö icu, jä'orö iyinäcudo.