San Marcos 4:34 - TÄ̧DO Ä̧CUÄ̧ I̧HUȨNȨ

³⁴ Jesús koro juäi jä̧'i̧nö̧'a̧nö̧ jö̧ huȩnȩtä̧ huo̧juȩti̧nö̧do, koro jiähuoca'anä. Ja̧'hua̧nö̧ ja̧'a̧nä̧ o'ca juiyönä rä'epö icu ji'ähuinödo u̧huo̧juȩtä̧u̧ru̧.

Nuevo Testamento Uwotjüja

³⁴ Ji̧yȩtȩ'i̧nä̧ u̧wȩnȩto̧ka̧'a̧mä̧ ji̧ä̧wo̧ko̧u̧ pinä̧tü̧ ja̧'wa̧nü̧ ja̧'a̧nä̧ u̧wo̧juȩtä̧u̧rümä̧ o'kajuiyünä̧tä̧ i̧mi̧ku̧nä̧ rä'epü iku ji'äwinü̧.

San Marcos 4:34 ပူးပေါင်းရင်းမြစ်များ

San Mateo 13:34

Jesús jahuätö ttö̧ja̧rö̧ koro juäi jä̧'i̧nö̧'a̧nö̧ jö̧ huȩnȩtä̧ huo̧juȩti̧nö̧do, koro jiähuoca'anä.

San Marcos 4:10

Ja̧u̧nu̧ o'ca'a, Jesús katä ö̧jo̧mȩnä̧, chutä ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧'i̧nä̧, korotö ö̧jo̧mȩ tö'cönänö ka̧cuä̧tö̧'i̧nä: —Ja̧u̧ koro juäi jä̧'i̧nö̧'a̧nö̧ jö̧ huȩnȩ jicuhuähuäjimä, ¿tta̧'a̧nö̧ pä'ö päa'ajä̧ttö̧? —jä'epinätödo Jesúsru.

San Marcos 4:33

Ja̧'hua̧nö̧ huo̧juȩti̧nö̧do Jesús Dios i̧huȩnȩ pi̧yȩ koro juäi jä̧'i̧nö̧'a̧nö̧ jö̧ huȩnȩ ucuocuäji ta'anö ucuocu. Jahuätö ttä̧ju̧cuo̧mȩ jubötä huo̧juȩti̧nö̧do.

San Lucas 24:27

Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

San Juan 10:6

Jesús pi̧yȩ koro juäi jä̧'i̧nö̧'a̧nö̧ jö̧ huȩnȩ u̧huo̧juȩto̧mȩnä̧, 'cucuächi'oca'a ä̧ju̧cui̧nä̧tö̧do.

San Juan 16:25

“Pi̧yȩ koro juäi jä̧'i̧nö̧'a̧nö̧ jö̧ huȩnȩ ji'ähuinösä ucuturu. Ja̧'hua̧nö̧ ja̧'a̧nä̧ koronö mo̧ro̧ päi'omenä, ja̧'hua̧nö̧mä̧ ucuocuocö chä̧cua̧sä̧ ucuturu. Chä'o i̧huȩnȩ huäjunä ji̧dä̧huä̧cua̧sä̧.

Hechos 28:23

Koro mo̧ro̧ judíos ttö̧ja̧ ttichä̧cuȩ mo̧ro̧ amöcuädinätödo Pablocu. Ttamöcuädäji mo̧ro̧ päi'omenä, recuätö ttö̧ja̧ ichinätödo Pablo ö̧jodera̧'a̧. Dios Ttu̧ru̧hua̧ päi'önä kö̧ pä'ö ji'ähuinödo Pablo. Moisés hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocu ji'ähuinödo, Jesúsru tteseta pä'ö yo̧ȩi̧ kä̧mä̧dö̧, ni̧pä̧ro̧mȩ cä'ädö.