San Marcos 4:1 - TÄ̧DO Ä̧CUÄ̧ I̧HUȨNȨ

¹ Pä'äji ta'anö dubora jäyora huo̧juȩti̧nö̧do. Recuätö ttö̧ja̧ ö̧jo̧mȩ ca̧ca̧cui̧pi̧nä̧tö̧do. Ttö̧ja̧ ttirecua'attö, Jesús huoi'ca, duboranä rä'canä pä̧mä̧di̧nö̧do, jahuätörö u̧huo̧juȩta̧ pä'ö. Jahuätö ttö̧ja̧mä̧ rȩba̧nä̧ ka̧cui̧nä̧tö̧do.

Nuevo Testamento Uwotjüja

¹ Pä'äjita'anü̧, Jesú-mä̧, Galirea rü̧ä̧ dubora jäyorattü kkä̧mä̧dü̧ wo̧juȩti̧nü̧. U̧wo̧juȩto̧mȩnä̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Jesú-mä̧ woi'ka ajenä̧ ra̧'a̧ 'cha'ächi'ü pä̧mä̧dü̧ ji'äwinü̧; ttü̧ja̧tä̧ rȩba̧nä̧ kkä̧ku̧ ttä̧ju̧kuä̧ra̧'a̧nä̧.

San Marcos 4:1 ပူးပေါင်းရင်းမြစ်များ

San Marcos 2:13

Ja̧u̧nu̧ o'ca'a Jesús pä'äji ta'anö 'chi̧nö̧do dubora jäyoracu. O'ca toi'önä ttö̧ja̧ ttö̧ca̧ca̧cui̧'o̧menä̧, jahuätörö huo̧juȩti̧nö̧do.

San Marcos 3:7

Ja̧'hua̧nö̧ ja̧'a̧nä̧ Jesús u̧huo̧juȩtä̧u̧cu̧ 'chi̧nö̧do dubora jäyoracu. Recuätö ttö̧ja̧ Galilea rȩjȩttö̧ 'chi̧nä̧tö̧do ja̧u̧cu̧.

San Marcos 3:9

Ja̧'hua̧nö̧ ja̧'a̧ttö̧ ttö̧ja̧ tä̧mö̧hua̧'a̧ttö̧, 'quiyönä 'co̧ttä̧dä̧cuä̧u̧ juiya pä'ö u̧huo̧juȩtä̧u̧ru̧ hue'inödo huoi'ca 'chu'ädö tta̧ttä̧ra̧ pä'ö.

San Marcos 4:36

Ja̧'hua̧ ja̧'a̧ttö̧ ttö̧ja̧rö̧ jaropi'ö, Jesús ö̧'ä̧mä̧dä̧'ca̧nä̧ ȩpi̧nä̧tö̧do Jesúsru. Korotö koro huoi'quiyunä'inä 'chi̧nä̧tö̧do ja̧u̧cu̧.

San Marcos 5:2

Jesús huoi'cattö huä̧mi̧pä̧ji̧'ca̧, ya̧tȩ ubo, espíritu su̧ro̧pa̧rö̧ ku̧nä̧rö̧, hua'are huattomettö rä'opö ichinödo Jesús ö̧jo̧mȩ.

San Marcos 5:21

Jesús dubora ji̧jȩcu̧ttu̧ huoi'canä ppa̧huä̧cho̧mȩnä̧, recuätö ttö̧ja̧ ichinätödo ö̧jo̧mȩcu̧. Ja̧u̧mä̧ ju̧huȩnȩ dubora jäyora ki̧nö̧do.