San Marcos 3:16 - TÄ̧DO Ä̧CUÄ̧ I̧HUȨNȨ

¹⁶ Jahuätö ttö̧jä̧pö̧ttö̧nö̧ ta̧ju̧nu̧ pitötä ji̧na̧'a̧: Ka̧ra̧mä̧ Simón, Jesús koro i̧mi̧ Pedro pä'ö oinäcudo.

Nuevo Testamento Uwotjüja

¹⁶ Juätü, ttü̧jä̧pü̧ttü̧ ta̧ju̧ wotü, pojopü ȩmi̧nä̧u̧mä̧ pitü ji̧na̧'a̧: Simón ja̧'a̧nä̧, Peduru pä'ü oinä̧ku̧'i̧nä̧,

San Marcos 3:16 ပူးပေါင်းရင်းမြစ်များ

San Marcos 1:16

Jesús Galilea dubora jäyora cueächomenä, Simónrö'inä, ö̧jä̧hua̧ Andrésrö'inä po̧cui̧pi̧nö̧do. Jahuätö po̧i̧ 'cho'ätö pi̧nä̧tö̧do. Ttöäre ma'ayä tticua'a topinödo Jesúsmä.

San Marcos 3:15

Na̧'ä̧chä̧tö̧rö̧ aditö tticua pä'ö iyinä̧u̧do ujuru. Ja̧'hua̧ta̧nö̧ espíritus suropätörö rä'epö tticua pä'ö iyinä̧u̧do ujuru.

San Marcos 3:17

Ka̧ra̧mä̧ Jacobo, ö̧jä̧hua̧ Juancu Zebedeo pä'ö mi̧cua̧ i̧tti̧mö̧ pi̧nä̧tö̧do. Jahuätörö koro tti̧mi̧ Boanerges pä'ö o'inödo Jesús. Boanerges pä'ö ujutu ti̧huȩnȩnä̧ Cu'upä i̧tti̧mö̧ pä'ätöjä.

San Lucas 6:13

Täcö mo̧ro̧ juomenä, huopinödo u̧huo̧juȩtä̧u̧ru̧. Ja̧'hua̧ ja̧'a̧ttö̧ jahuätöttö hue'inödo ttö̧jä̧pö̧ttö̧nö̧ ta̧ju̧nu̧ru̧, hue'ähuotö päi'önä.

San Juan 1:42

Ja̧u̧nu̧ o'ca'a, Andrés o'ipinödo Simónrö Jesús ö̧jo̧mȩcu̧. Jesús ja̧u̧ru̧ tomenä päinäcudo: —Ucumä Simónjä, Jonás i̧tti̧jä̧. Jitämä cui̧mi̧ Cefas pä'ö mi̧cua̧jä̧. Ja̧'hua̧nö̧ päomenä, “Cui̧mi̧mä̧ Pedro pä'ö mi̧cua̧jä̧”, pä'inödo.

Hechos 1:13

Ötahuiyänä 'chä̧hui̧'ö̧, isodenä do'ächi'ö, ju'toju i̧so̧ca̧nä̧ 'cha'chepächinätödo. Ju̧huo̧ca̧nä̧tä̧ ka̧cui̧nä̧tö̧do Pedro'inä, Jacobo'inä, Juan'inä, Andrés'inä, Felipe'inä, Tomás'inä, Bartolomé'inä, Mateo'inä, Alfeo i̧tti̧ Jacobo'inä, Simón cananista isotö i̧sa̧'i̧nä̧, Jacobo ö̧jä̧hua̧ Judas'inä.

1 Corintios 1:12

Ja̧'hua̧nö̧ pädomenä, ucututtu yotöcunä koromenä ji'ähuätöjä pä'ösä. Korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Korotö pä'ätö: “Ttötäsä Pedro i̧sa̧mä̧.” Korotö pä'ätö: “Ttötäsä Cristo i̧sa̧mä̧.”

1 Corintios 3:22

Ja̧'hua̧ta̧nö̧ Pablo'inä, Apolos'inä, Pedro'inä cumöhuäyotöjä. Pi̧jä̧'i̧nä̧, kä̧cuä̧huä̧'i̧nä̧, 'corupäi'äcuähuä'inä ku̧nä̧rä̧tö̧jä̧. Jitä 'cuäopö'inä, yodoji 'cuäopä̧cuȩ'i̧nä̧ ku̧nä̧rä̧tö̧jä̧.

1 Corintios 9:5

Ja̧'hua̧ta̧nö̧ korotö Jesús hue'ähuotö'inä, Tu̧ru̧hua̧ ö̧jä̧hua̧tö̧'i̧nä̧, Pedro'inä kara'a 'chä̧nö̧ ttirecuarö ttȩpö̧'a̧nö̧, ttö'inä ttörö pä̧huä̧ rö̧jö̧ttö̧mä̧ chirecuarö, Diosrö esetäjuru chȩpö̧'a̧nö̧ ja̧'a̧.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.