San Marcos 3:14 - TÄ̧DO Ä̧CUÄ̧ I̧HUȨNȨ

¹⁴ Jahuätöttö hue'inödo ttö̧jä̧pö̧ttö̧nö̧ ta̧ju̧nu̧ chutäcu cuettächa pä'ö. Ja̧'hua̧ta̧nö̧ adihuä huȩnȩ jittähua pä'ö hueäcua'a̧nö̧.

Nuevo Testamento Uwotjüja

¹⁴ Juätüttü, ttü̧jä̧pü̧ttü̧ ta̧ju̧nü̧ wotürü pojopü ȩmi̧nü̧, chutäku kuettächa pä'ü, jareü wȩnȩ jittäwa pä'ü wȩä̧kuä̧u̧ru̧mä̧, juätümä̧, we'äwotü pä'ü o̧i̧nä̧u̧, (Apótore jü̧nä̧).

San Marcos 3:14 ပူးပေါင်းရင်းမြစ်များ

San Marcos 3:13

Ja̧u̧nu̧ o'ca'a Jesús 'cha'ächinödo möä'cara̧'a̧. Churutä pä̧huä̧ rö̧jä̧u̧ru̧ o'ipinödo. Jahuätömä chutä ö̧jo̧mȩ ichinätödo.

San Marcos 3:15

Na̧'ä̧chä̧tö̧rö̧ aditö tticua pä'ö iyinä̧u̧do ujuru. Ja̧'hua̧ta̧nö̧ espíritus suropätörö rä'epö tticua pä'ö iyinä̧u̧do ujuru.

San Marcos 6:30

Ja̧u̧nu̧ o'ca'a Jesús hue'ähuotömä Jesúscu ca̧ca̧cui̧pi̧nä̧tö̧do. O'ca juiyönä jȩtti̧nö̧'i̧nä̧, ttu̧huo̧juȩti̧nö̧'i̧nä̧ ji'ähuinätödo Jesúsru.

San Lucas 24:47

Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Juan 15:16

Ucutumä ttörö o'ipocotö pi̧nä̧tö̧jä̧. Ttömä ucuturutä o'ipinösä. Ja̧'hua̧ta̧nö̧ ucuturu hue'inösä rö̧ȩnä̧ u̧huä̧ju̧, beipächocö juäittö cu̧ju̧nä̧rä̧tu̧cua̧ pä'ö. Ja̧'hua̧nö̧ cu̧ju̧nä̧rä̧tu̧cu̧ttu̧mä̧, o'ca juiyönä chi̧mi̧nä̧ jäcuhue'ätucumä, Chä'o i̧yä̧cua̧ ucuturu.

Hechos 1:8

Ji̧nä̧ isocu ttö chujuru cuȩmä̧cuo̧tö̧jä̧, Espíritu Santo ucuturu ichomenä. Ttö chujurunä ttö chi̧huȩnȩ jicuhuähuäcuotöjä Jerusalén ötahuiyä ttö̧ja̧rö̧'i̧nä̧, o'ca juiyönä Judea rȩjȩ ttö̧ja̧rö̧'i̧nä̧, Samaria rȩjȩ ttö̧ja̧rö̧'i̧nä̧, kara'a oto ka̧cuä̧tö̧rö̧'i̧nä̧, —pä'inödo Jesús.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.