San Marcos 3:10 - TÄ̧DO Ä̧CUÄ̧ I̧HUȨNȨ

¹⁰ Recuätörö aditö icuäja'attö, o'ca toi'önä na̧'ä̧chä̧tö̧mä̧ chutä ö̧jo̧mȩ borepäcuähuinätödo mȩtta̧rö̧ pä'ö.

Nuevo Testamento Uwotjüja

¹⁰ Jua'akumä̧, rekuätürü aditü ikua'anä̧'i̧nä̧, kkorotü na̧nȩpä̧tü̧'i̧nä̧ mȩtta̧rü̧ pä'ü rü̧ȩnä̧ ma̧ttä̧mi̧nä̧ku̧.

San Marcos 3:10 ပူးပေါင်းရင်းမြစ်များ

San Mateo 12:15

Jesús ja̧'hua̧nö̧ ttucuocua'a ä̧ju̧cu̧, juhua'attö rä'opächinödo. Ttö̧ja̧ recuätö o'ca'anä 'chi̧nä̧tö̧do. O'ca toi'önä na̧'ä̧chä̧tö̧rö̧ aditö icuinödo.

San Mateo 14:14

Jesús huoi'cattö huä̧mi̧'ö̧, recuätö ttö̧ja̧rö̧ topinödo. Jahuätörö a̧'cua̧ tta̧ jö̧nä̧ topinödo. Na̧'ä̧chä̧tö̧rö̧ tti'cächäjä̧u̧ru̧ aditö icuinödo.

San Mateo 14:36

Jahuätömä na̧'ä̧chä̧tö̧mä̧ ö̧'ca̧tä̧huä̧ta̧'i̧nä̧ mȩtta̧ pä'ö jä'epinätödo. O'ca toi'önä ja̧u̧ ö̧'ca̧tä̧huä̧ta̧ mȩ'ä̧tö̧'i̧nä̧ aditö icuinä̧u̧do.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

San Marcos 5:34

Jesús pä'inödo jahuäjuru: —Chittiju, cuesetäja'attö na̧cu̧huä̧chä̧ji̧mä̧ pi̧'ä̧jä̧ju̧jä̧. Jitämä cua̧'cua̧ adiunätä kä̧hui̧. Pä'äji ta'anö na̧cu̧hua̧cho̧ca̧'a̧ 'cu̧jä̧cua̧ju̧jä̧.

San Marcos 6:56

Ötahuiyä bäreunä'inä, ppo̧ö̧nä̧'i̧nä̧ Jesús i̧'chä̧cua̧'a̧cu̧ ä'canä i'cächö rötinätödo na̧'ä̧chä̧tö̧rö̧ mä̧nä̧ jäyä. Jahuätömä na̧'ä̧chä̧tö̧mä̧ ö̧'ca̧tä̧huä̧ta̧'i̧nä̧ mȩtta̧ pä'ö jä'epinätödo. O'ca toi'önä ja̧u̧ ö̧'ca̧tä̧huä̧ta̧ mȩ'ä̧tö̧'i̧nä̧ aditö icuinä̧u̧do.

San Marcos 8:22

Ja̧u̧nu̧ o'ca'a Betsaida ötahuiyära̧'a̧ 'chä̧hui̧'i̧nä̧tö̧do. Jesús ö̧jo̧mȩ ya̧tȩ ä̧to̧ca̧rö̧ i'cächö, Jesús ja̧u̧ru̧ mȩ'ö̧ aditö icuarö pä'inätödo.

San Lucas 5:3

Ja̧'hua̧ ja̧'a̧ttö̧ Jesús koro'ca huoi'canä pä̧mä̧di̧nö̧do. Simón uhuoi'ca ji̧nä'cado jahuä'camä. Ja̧'hua̧nö̧ ja̧'a̧ kä'coracunänö kittopa pä'ö hue'inödo. Ju̧huȩnȩ o'comenä, Jesús jahuä'canä pä̧mä̧dö̧ huo̧juȩtö̧ ji'ähuinödo ttö̧ja̧rö̧.

San Lucas 6:19

O'ca toi'önä ttö̧ja̧ mȩtta̧ pä'inätödo Jesúsru, aditö icuiyä̧u̧ ujurunä.

San Lucas 7:2

Ju̧huȩnȩtä̧ ki̧nö̧do ya̧tȩ romanos ttö̧ja̧ su̧ro̧da̧u̧ ttu̧ru̧hua̧. U̧mö̧huä̧ya̧rö̧ ku̧nä̧ri̧nö̧do juiyo öjö'cäcuru. Ja̧u̧ u̧mö̧huä̧ya̧ na̧'ä̧chi̧nö̧do juiyo, 'corupäi'ometä päi'önä.

San Lucas 7:21

Jahuätö tti̧'chi̧'o̧mȩnä̧, Jesús aditö icuinödo rö̧ȩnä̧ ttö̧ja̧ ttumärichei. Korotö rö̧ȩnä̧ ubara ttu'ätörö'inä, espíritus suropätörö ku̧nä̧rä̧tö̧rö̧'i̧nä̧ aditö icuinödo. Ja̧'hua̧ta̧nö̧ ä̧to̧cä̧tö̧rö̧'i̧nä̧ tottönä jȩpi̧nö̧do.

Hechos 5:15

Na̧nȩpä̧tö̧rö̧ mä̧ni̧yä̧nä̧ rä'epö rötinätödo sabana'cuanä'inä, huä̧ri̧sa̧nä̧'i̧nä̧, Pedro 'cuäopomenä a̧'cua̧juä̧ yotöcunä ttuhuämenä 'cuäo'a pä'ö.

Hebreos 12:6

Tu̧ru̧hua̧ repeäcuru ro̧'ȩpö̧. Ja̧'hua̧ta̧nö̧ i̧tti̧mö̧ päi'önä ȩmä̧u̧ru̧, tä̧bo̧tö̧.