San Marcos 16:1 - TÄ̧DO Ä̧CUÄ̧ I̧HUȨNȨ

¹ Ttö̧ja̧ 'cuättächi'ö mo̧ro̧ o'come mo̧ro̧, María Magdalena'inä, María, Jacobo ja̧ju̧'i̧nä̧, Salomé'inä amehuoya ȩmi̧nä̧tö̧do, Jesús o'co jähuä ttuttepäcuoya.

Nuevo Testamento Uwotjüja

¹ Sawaru mo̧ro̧ 'kuäopäji o'ka'a, María Madarena'i̧nä̧, Sa̧ti̧a̧ku̧ ja̧ju̧ María'i̧nä̧, Saromé'i̧nä̧ a̧mȩu̧ ȩmi̧nä̧tü̧, Jesú 'korujuo'ächäjirü tu'epü tti̧'cha̧ pä'ü.

San Marcos 16:1 ပူးပေါင်းရင်းမြစ်များ

San Marcos 14:3

Jesús Betania ötahuiyänä, Simón, lepra öttahuiyä märichei na̧'ä̧chö̧ pättäcu ojusodenä ki̧nö̧do. Juhuodenä mesa isodänä ö̧'a̧'a̧nä̧ yajute isaju adihuä juäi alabastro ido'quittö adicuä̧yu̧, amehuoya nardo pättoya rö̧ȩnä̧ micuähuoya a̧cuä̧yu̧, 'chu̧huä̧rä̧nö̧, Jesús ö̧'o̧mȩcu̧ ichi'inäjudo. Dö'opo'ö icu Jesús unä da'epinäjudo juhuoya amehuoya.

San Marcos 14:8

Piju isaju jȩjö̧mä̧ jȩpä̧jä̧ju̧. Ttörö amehuoya dajepomenä, ttörö ttu'turäcua'a ä'canä jȩpä̧jä̧ju̧.

San Marcos 15:40

Ja̧'hua̧ta̧nö̧ korotö nä̧tö̧'i̧nä̧ otonänö to̧pä̧rö̧ ka̧cui̧nä̧tö̧do. Jahuätö ttö̧'quȩtȩnä̧ ka̧cui̧nä̧tö̧do María Magdalena'inä, María, mö̧ä̧ya̧ Jacobonö, Josénö tta̧ju̧'i̧nä̧, Salomé'inä.

San Marcos 15:42

Ja̧u̧nu̧mä̧ yodo päi'ina'ado. Ttö̧ja̧ 'cuättächi'ö mo̧ro̧ ä'canä, ttö̧ja̧ 'cuättächi'ö mo̧ro̧ jȩä̧cuä̧huä̧ ttaditö mo̧ro̧ päi'ina'ado.

San Marcos 15:47

María Magdalena'inä, María, José ja̧ju̧'i̧nä̧ Jesúsru ötäjome topinätödo.

San Marcos 16:2

Semana äcuomenä mo̧ro̧ päi'omenä, kä̧hua̧ räopomenä, idorära̧'a̧ 'chä̧hui̧'i̧nä̧tö̧do.

San Marcos 16:8

Ja̧'hua̧ ja̧'a̧ttö̧ jahuätö nä̧tö̧mä̧ jurunä rä'opächinätödo idorättö. Jahuätömä ye'ö ttö̧'ä̧hui̧nä̧tö̧do. Ja̧'hua̧ta̧nö̧ jahuätö yettecua'attö, yoröiso ji'ähucotö pi̧nä̧tö̧do korotörö.

San Lucas 23:54

Täcö ttö̧ja̧ 'cuättächi'ö mo̧ro̧ jȩä̧cuä̧huä̧ ttaditö mo̧ro̧ ji̧na̧'a̧do.

San Lucas 23:56

Ötäjome topäjo'cotö, ttojusodera̧'a̧ 'chä̧hui̧'ö̧, aditinätödo amehuoya'inä, koro juäi tuhuecuä'inä jo̧mȩ päi'önä. Ja̧u̧nu̧ o'ca'a hueähuä huȩnȩ päö'a̧nö̧, ttö̧ja̧ 'cuättächi'ö mo̧ro̧ 'cuä'ächi'inätödo.

San Lucas 24:1

Semana äcuomenä mo̧ro̧ päi'omenä, yo̧ȩi̧ a̧mö̧cuä̧ri̧nö̧ ja̧'a̧, jahuätö nä̧tö̧ pä'äji ta'anö idorära̧'a̧ 'chi̧nä̧tö̧do, amehuoya jo̧mȩ päi'önä ttȩmä̧ja̧'a̧ ȩpö̧. Korotö nä̧tö̧'i̧nä̧ jahuätöcu 'chi̧nä̧tö̧do.

San Juan 19:25

Jesúsru dau isodänä pȩ'o̧pö̧ ttu̧ju̧ni̧nodä jäyä Jesús ja̧ju̧'i̧nä̧, ja̧ju̧ köjähuaju María, Cleofas irecua'inä, María Magdalena'inä ka̧cui̧nä̧tö̧do.

San Juan 19:31

Ja̧u̧nu̧mä̧ pascua fiesta ä'canä mo̧ro̧ ji̧na̧'a̧do. Ja̧u̧nu̧ ttö̧ja̧ 'cuättächi'ö mo̧ro̧mä̧ ttö̧ja̧ tto'co jähuä dau odiyänä ttu̧ju̧ni̧'a̧ pä'ocotö pi̧nä̧tö̧do judíos ttö̧ja̧. Ja̧u̧nu̧ pä̧nä̧ pascua fiesta jȩtto̧mȩnä̧, ja̧u̧ ttö̧ja̧ 'cuättächi'ö mo̧ro̧ rö̧ȩnä̧ amöcuädinätödo. Ja̧'hua̧nö̧ ja̧'a̧ttö̧ Pilatorö jä'epinätödo huea pä'ö dau odiyänä ttu̧ju̧nä̧jä̧u̧ru̧, ttö̧ttä̧ri̧yä̧ 'teähui'önä cuätta pä'ö. Ja̧'hua̧nö̧ jȩpö̧ dau odiyänä pȩ'o̧pö̧ ttu̧ju̧nä̧jä̧u̧ru̧ kara'a ttȩpa̧ pä'inätödo.