San Marcos 14:38 - TÄ̧DO Ä̧CUÄ̧ I̧HUȨNȨ

³⁸ To̧pä̧rö̧ ka̧cuä̧tu̧cui̧. Diosrö ucuocuätucui, ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

Nuevo Testamento Uwotjüja

³⁸ Kuä'i'ätukuoka'a Dio-rü ukuokuätukui, tta̧mi̧ 'kuäwänä̧ ma̧kuä̧chä̧tu̧ku̧ juiyäkua'anü̧. Isopäi'ünä̧, kua̧'kua̧ ru̧wa̧mä̧ eseunu̧ jȩa̧ pä'anä̧, ttidepämä̧ jiyuwa'a.

San Marcos 14:38 ပူးပေါင်းရင်းမြစ်များ

San Mateo 24:42

“Ucutumä to̧pä̧rö̧ ka̧cuä̧tu̧cui̧. Tu̧ru̧hua̧ ichäcuome yoröiso jerupätöjä.

San Mateo 25:13

Ja̧'hua̧ ja̧'a̧ ucutu'inä to̧pä̧rö̧ ka̧cuä̧tu̧cui̧. Ubo I̧tti̧ ichäcuome yoröiso jerupätöjä, —pä'ö huo̧juȩti̧nö̧do Jesús.

San Mateo 26:41

To̧pä̧rö̧ ka̧cuä̧tu̧cui̧. Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

San Mateo 6:13

Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö. Iso päi'önä ucu o'ca juiyönä hue'öjä. Ja̧'hua̧ta̧nö̧ o'ca juiyönä ju̧ru̧hua̧jä̧. Ja̧'hua̧ta̧nö̧ 'cuäopönä o'ca toi'önä ucuru tteseäcuähuäcuotö. Amén.

San Marcos 14:34

Jahuätörö pä'inödo: —Ttö 'corupädi'ometä päi'a'a rö̧ȩnä̧ cha̧'cua̧ tta̧'ȩcui̧pö̧sä̧. Ucutumä pȩnȩtä̧ kä̧nö̧, to̧pä̧rä̧tu̧cui̧ cuä'ätucuoca'a.

San Marcos 14:37

Ja̧'hua̧nö̧ ucuocu cä'ädi'ö, u̧huo̧juȩtä̧u̧ ttö̧'ö̧jo̧mȩ ppa̧'ä̧chi̧'i̧nö̧do. Jahuätö ä'ö ttö̧'ö̧ja̧'a̧ toinä̧u̧do. Pedrorö pä'inödo: —Simón, ¿ä'öjä? ¿A̧'u̧cua̧'a̧ to̧pä̧rö̧ cu'u juiyönä hua̧jä̧ tä̧ji̧?

San Marcos 14:39

Ja̧u̧nu̧ o'ca'a pä'äji ta'anö Diosrö ucuocu 'chi̧nö̧do. Äcuomenä ucuocuäji ta'anö ucuocuinödo.

San Lucas 21:36

'Cuäopönä jo̧mȩ päi'önä tta̧'ä̧rä̧tu̧cui̧. Pi̧yȩ 'cuäopä̧cuȩmä̧ ucuturu 'cuäopö juiya pä'ö, Diosrö ucuocuätucui 'cuäopönä. Ja̧'hua̧ta̧nö̧ Ubo I̧tti̧ ä'ca jo̧mȩttö̧ adiu cu̧ja̧cuä̧tu̧cuä̧cua̧'a̧nö̧ ucuocuätucui, —pä'inödo Jesús.

San Lucas 22:40

Ju̧huȩnȩ tti̧'chi̧'o̧mȩnä̧, jahuätörö pä'inödo: —Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö.

San Lucas 22:46

Ja̧'hua̧ ja̧'a̧ pä'inödo jahuätörö: —¿Dä̧bö̧ cuä'ätucuättö? Ä̧rä̧mi̧'ö̧, Diosrö ucuocuätucui, suronä jȩcu̧'ä̧tu̧cu̧ juiyäcua'a̧nö̧.

1 Corintios 16:13

Adiunä tta̧'ä̧rö̧ kä̧nö̧, cuami 'qui'ächi'ö ka̧cuä̧tu̧cui̧ Tu̧ru̧hua̧rö̧ cuesetätucua'attö. U̧mä̧tö̧ jȩttö̧ ta'anö jȩpä̧tu̧cui̧. Ja̧'hua̧ta̧nö̧ juruhuätucui.

Gálatas 5:17

Ujutu tamönä pä̧huä̧ rö̧jö̧mä̧ Espíritu Santo jähuämäcö̧. Ja̧'hua̧ta̧nö̧ Espíritu Santomä ujutu tamönätä pä̧huä̧ rö̧jö̧mä̧ yoröiso kö'cocö. Espíritu Santo öjö'cö'inä, ujutu tamönä pä̧huä̧ rö̧jö̧'i̧nä̧ i̧mi̧cu̧nä̧ jö̧. Ja̧'hua̧nö̧ ja̧'a̧ttö̧ ucuturutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.