San Marcos 14:33 - TÄ̧DO Ä̧CUÄ̧ I̧HUȨNȨ

³³ Ja̧u̧cu̧ tti̧'cha̧ pä'ö o'ipinödo Pedrorö'inä, Jacoborö'inä, Juanrö'inä. Yabonänö i̧'cho̧mȩnä̧, rö̧ȩnä̧ ye'ö a̧cua̧ tta̧'ȩcui̧pi̧nö̧do.

Nuevo Testamento Uwotjüja

³³ Ja̧'wa̧nü̧ pä'ipü, Peduru-rütä, Sa̧ti̧a̧ku̧rü̧tä̧, Ju̧a̧-rü̧tä̧ o'ipächü 'chä̧ji̧'ka̧ a̧'kua̧ tta̧'ȩkui̧pü̧, rü̧ȩnä̧ ajuäwinü̧.

San Marcos 14:33 ပူးပေါင်းရင်းမြစ်များ

San Marcos 16:5

Idoränä do'ächi'ö, ya̧tȩ mö̧ä̧ya̧rö̧, ö̧'ca̧tä̧huä̧ta̧ o̧to̧ä̧ta̧ tȩä̧ta̧ 'ca̧tä̧u̧ru̧, ttu̧huo̧jua̧'a̧cu̧nä̧ ö̧'a̧'a̧ topinätödo. Ja̧u̧ru̧ topö, ye'inätödo.

San Marcos 16:6

Ja̧'hua̧nö̧ ja̧'a̧nä̧ ja̧u̧ mö̧ä̧ya̧ pä'inödo jahuätörö: —Yecuhuecuätucuä'. Jesús, Nazaret i̧sa̧rö̧, dau isodänä pȩ'o̧pö̧ ttu̧ju̧nä̧jä̧cu̧ru̧, topö ichäjätöjä. Ja̧u̧mä̧ täcö tto'ächäji. Pȩnȩmä̧ toa'a. Ja̧u̧ru̧ ttötäjome topächätucui.

San Marcos 5:37

Korotömä chutäcu tti̧'chö̧ juiyönä pä'inödo. Pedrocutä, Jacobocutä, Juan, Jacobo ö̧jä̧hua̧cu̧tä̧ tti̧'cha̧ pä'ö oipinä̧u̧do.

San Marcos 9:15

Ja̧'hua̧ ja̧'a̧ Jesúsru tottomenä, to̧pä̧rö̧ ka̧cui̧nä̧tö̧do. Ja̧'hua̧ta̧nö̧ jopächö 'chä̧nö̧ tettähuinäcudo.

San Marcos 9:2

Ko̧ro̧mö̧ttö̧nö̧ ya'ute mo̧ro̧ o'ca'a, Jesús o'ipinödo Pedrorö'inä, Jacoborö'inä, Juanrö'inä. Jahuätöcu inähuä, ju'toju isähuära̧'a̧ 'chi̧nö̧do. Juhua'attö Jesús pärohuächinödo jahuätö ttä'ca jo̧mȩttö̧.

San Lucas 22:44

Ja̧'hua̧ta̧nö̧ rö̧ȩnä̧ ubara ttuhuäcua'attö, ji̧nä̧ isocu juruhuächi'ö ucuocuinödo. Ja̧'hua̧nö̧ ucuocuomenä, ajireja ttucuoja rö̧ȩnä̧ rȩjȩ eri'a'a jä̧'i̧nö̧'a̧nö̧ ji̧na̧'a̧do.

Hebreos 5:7

Cristo pi̧jä̧nä̧ ö̧jä̧i̧, juruhuächi'ö ajuäunu, Diosrö jä'epö ucuocuinödo. Diosrö, 'corupäi'äcuähuä jȩpö̧ icu'a̧nö̧ hua̧rö̧, ajuäunu i̧huȩnȩ pä̧i̧cu̧nä̧ ucuocu jä'epinödo. Ja̧'hua̧nö̧ ucuotönö jäepomenä, Dios ä̧ju̧cui̧nö̧do.