San Marcos 14:23 - TÄ̧DO Ä̧CUÄ̧ I̧HUȨNȨ

²³ Ja̧u̧nu̧ o'ca'a i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧, iyinödo jahuätörö. Jahuätö o'ca toi'önä ahuinätödo.

Nuevo Testamento Uwotjüja

²³ Ja̧'wa̧ta̧nü̧, i̧so̧'ta̧ ȩmo̧po̧'ü̧, jä'o Dio-rü eseu ukuokuäji̧'ka̧, iyomȩnä̧ juä̧'ta̧ttü̧mä̧ o'katoi'ünä̧ awinä̧tü̧.

San Marcos 14:23 ပူးပေါင်းရင်းမြစ်များ

San Mateo 26:27

Ja̧u̧nu̧ o'ca'a i̧so̧'ta̧ u̧mö̧nä̧ 'chu̧'ä̧rö̧ Jä'o Diosrö ucuocuinödo. Ucuocuäji'ca̧ jahuätörö iyö, pä'inödo: —Ucutu o'ca toi'önä pi̧yȩ ahuätucui.

San Marcos 14:22

Ja̧'hua̧nö̧ ttu̧cuȩ ttucuomenä, Jesús i̧ri̧si̧ u̧mö̧nä̧ 'chu̧'ä̧rö̧, Jä'o Diosrö ucuocuinödo. Ucuocuäji'ca̧, 'tȩ'chä̧rö̧ iyinödo u̧huo̧juȩtä̧u̧ru̧. Jahuätörö pä'inödo: —Ja̧ja̧. Pi̧yȩmä̧ ttötä jä̧ttä̧pä̧ya̧sä̧.

San Marcos 14:24

Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.

San Lucas 22:17

Ja̧'hua̧ ja̧'a̧ i̧so̧'ta̧ u̧mö̧nä̧ 'chu̧'ä̧rö̧, Jä'o Diosrö ucuocuäji'ca̧ pä'inödo: —Pi̧yȩ iyä'chäcuäu ahuätucui ucutu o'ca toi'önä.

Romanos 14:6

Korotö ttu̧ȩcuä̧nä̧ ka̧cuä̧tö̧ ja̧u̧ juäi mo̧ro̧, koro juäi'inä aditocotö, Ttu̧ru̧hua̧rö̧ ucuotö. Ja̧'hua̧ta̧nö̧ korotö o'ca juiyönä mo̧ro̧ yorätehua'a amöcuädätö'inä, Ttu̧ru̧hua̧rö̧ ucuotätö. O'ca juiyönä cuätömä, Ttu̧ru̧hua̧rö̧ tta̧'cua̧ huȩnä̧rö̧nö̧ cuätö, Diosrö eseunu ucuocu. Ja̧'hua̧ta̧nö̧ o'ca juiyönä cuocotö'inä, Ttu̧ru̧hua̧rö̧ tta̧'cua̧ huȩnä̧rö̧nö̧ cuocotö, Diosrö eseunu ucuocu.

1 Corintios 10:16

Ja̧'hua̧ta̧nö̧ Santa Cena jȩpö̧, Diosrö ucuocu isoya tahuomenä, pä'ätöjä: “Pi̧yȩmä̧ Cristo ucuoja päi'a'a ahuätöjä.” Ja̧'hua̧ta̧nö̧ i̧ri̧si̧'i̧nä̧ tucuomenä, pä'ätöjä: “Pi̧yȩmä̧ Cristo jä̧ttä̧pä̧ya̧ päi'a'a cuätöjä.”