San Marcos 13:11 - TÄ̧DO Ä̧CUÄ̧ I̧HUȨNȨ

¹¹ Ucuturu ruhuotörö ttiya pä'ö ttȩpo̧mȩnä̧, jicuhuähuätucuä̧cuȩmä̧ yoröiso cuamöcuädätucuä'. Jicuhuähuätucuä̧cuȩmä̧, Dios iyä̧cuȩmä̧ jicuhuähuäcuotöjä. Ja̧'hua̧nö̧ jicuhuähuätucuomenä, Espíritu Santo huo̧juȩcuä̧nä̧ jicuhuähuäcuotöjä.

Nuevo Testamento Uwotjüja

¹¹ Ja̧'wa̧ta̧nü̧, ruwotü ttä'ka jo̧mȩ ttȩpo̧mȩnä̧, däjé jitäwäkua'ajó pä'ümä̧, kua̧'kua̧ tta̧kuȩkuä̧tu̧kuä̧. Jua̧u̧nu̧mä̧ iyäwi'ütä kukuokuäkuotüjä̧, ukuturu pä̧wä̧rü̧jü̧mä̧kü̧, Epíritu Sa̧tu̧tä̧ i̧yä̧kua̧ kukuokuätukua pä'ümä̧.

San Marcos 13:11 ပူးပေါင်းရင်းမြစ်များ

San Mateo 10:17

Ttu̧ȩcuä̧nä̧ ka̧cuä̧tu̧cui̧. Korotömä ucuturu ruhuotörö ttiyäcuotö. Ja̧'hua̧ta̧nö̧ judíos ttu̧huo̧jui̧'i̧nodehuiyättö cuäcuättäcuotö ucuturu.

San Marcos 13:12

Pi̧jä̧ ttö̧ja̧ ttamönä ttö̧jä̧hua̧tö̧rö̧ ttiyäcuotö korotörö cuä'ö tticuiyatö pä'ö. Ttamönä ttä'o'inä tti̧tti̧mö̧rö̧ ttiyäcuotö. Ttamönä tti̧tti̧mö̧'i̧nä̧ ttä'orö ttiyäcuotö korotörö cuä'ö tticuiyatö pä'ö.

San Marcos 13:9

“Ja̧'hua̧nö̧ ja̧'a̧nä̧ ttu̧ȩcuä̧nä̧ ka̧cuä̧tu̧cui̧ ucutu'inä. Korotömä ucuturu ttiyäcuotö ruhuotörö suronä jȩttä̧tu̧cua̧cu̧ pä'ö. Ja̧'hua̧ta̧nö̧ judíos ttu̧huo̧jui̧'i̧nodettö cuäcuättäcuotö ucuturu. Ttörö cueseta'attö ji̧nä̧ isocu ruhuotö ttä'ca jo̧mȩttö̧'i̧nä̧, ttippeyä ruhuotö ttä'ca jo̧mȩttö̧'i̧nä̧ jicuhuähuäcuotöjä. Ja̧'hua̧nö̧ ttȩpo̧mȩnä̧, ucutu ttö chi̧huȩnȩ cucuocuäcuotöjä.

San Lucas 21:12

“Ja̧'hua̧nö̧ ja̧'a̧nä̧ pi̧yȩ o'ca juiyönä 'cuäopäcua'a ä'canä, ucuturu 'chuttädäcuotö. Ucuturu suronä jȩttä̧cuo̧tö̧. Ucuturu judíos ttu̧huo̧jui̧'i̧nodehuiyära̧'a̧ ttȩpä̧cuo̧tö̧ suronä ucuocu. Cärenä ttötäcuotö ucuturu. Ji̧nä̧ isocu ruhuotö ttä'ca jo̧mȩttö̧'i̧nä̧, ppeyä ruhuotö ttä'ca jo̧mȩttö̧'i̧nä̧ ttȩpä̧cuo̧tö̧ ucuturu, ttörö cuesetätucua'attö.

San Juan 3:27

Ja̧'hua̧nö̧ ja̧'a̧ Juan jahuätörö pä'inödö: —Dios ya̧tȩrö̧ iyö juiyöttömä, yoröiso jui̧'a̧.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Hechos 3:13

Ja̧'hua̧nö̧mä̧cö̧. Ujutu tä̧do̧tö̧ mi̧nä̧ Abraham'inä, Isaac'inä, Jacob'inä Ttä̧do̧ ä̧cua̧ Dios hue'inö o'ca toi'önä ttucuota pä'ö I̧tti̧ Jesúsru. Ja̧u̧ru̧ ucutu iyö icuinätöjä. Ja̧'hua̧ta̧nö̧ ja̧u̧ru̧ ucutu kö'cocotö pi̧nä̧tö̧jä̧, ru̧hua̧ Pilato ja̧u̧ru̧ ejädö icua päa'anä.

Hechos 4:31

Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

Hechos 6:10

Ja̧'hua̧nö̧ ja̧'a̧ttö̧ Estebanrö ttädätö juiyö'a̧nö̧ ja̧'a̧, Espíritu Santo huo̧ju̧nä̧ jiähua'attö.

Hechos 6:15

Ja̧'hua̧nö̧ ja̧'a̧ judíos ttö̧ja̧ ji̧nä̧ iso ruhuotö o'ca toi'önä ju̧huȩnȩtä̧ pȩjä̧tö̧mä̧ Estebanrö topö, ö'ä ángel ö'ä ta'anö uhuähua'a topinätödo.

Hechos 7:55

Ja̧'hua̧nö̧ ja̧'a̧ Estebanmä, Espíritu Santo hueinäcumä, mo̧ro̧jä̧ra̧'a̧ topö Dios i̧tȩa̧ topinödo. Ja̧'hua̧ta̧nö̧ Jesúsru topinö Dios u̧huo̧jua̧'a̧nä̧ ö̧ja̧'a̧.

1 Corintios 2:13

Ujutumä tamönä tu̧huo̧ju̧nä̧ ji'ähuocotöjä ja̧u̧ huȩnȩ. Espíritu Santo u̧huo̧juȩtä̧ra̧'a̧nä̧ ji'ähuätöjä. Ja̧'hua̧nö̧ ja̧'a̧ttö̧ ja̧u̧ Espíritu Santorö ku̧nä̧rä̧tö̧rö̧, Espíritu Santo u̧huo̧juȩtä̧ra̧'a̧nä̧ ji'ähuätöjä.

Efesios 3:5

Korotömä pä'äjimä jerupinätödo yoröiso ja̧u̧ huȩnȩ. Jitämä Dios i̧jȩpi̧nö̧do ja̧u̧ huȩnȩ Jesús hue'ähuotörö'inä, Dios i̧huȩnȩ jiäcuähuä isotörö'inä Espíritu Santonä huo̧juȩtö̧ ttami iso'quinä.

Santiago 1:5

Ucututtu ya̧tȩ u̧huo̧jui̧'a̧ pä'ö recuä rö̧jö̧ttö̧mä̧, Diosrö jäepö'a̧nö̧ ja̧'a̧. Dios ja̧u̧ru̧ i̧yä̧cua̧. Dios o'ca toi'önärö iyö. Tä̧bo̧cuä̧ juiyönä rö̧ȩnä̧ iyö.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.