San Marcos 12:36 - TÄ̧DO Ä̧CUÄ̧ I̧HUȨNȨ

³⁶ Chutä Davidmä Espíritu Santo huo̧juȩcuä̧nä̧ pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä” pä'inödo.

Nuevo Testamento Uwotjüja

³⁶ Ja̧'wa̧nü̧ ja̧'a̧nä̧, Chutä Dawi'i̧nä̧ Epíritu Sa̧tu̧ juȩpä̧ra̧'a̧nä̧, pä'inü̧: «Chu̧ru̧wa̧ Dio-mä̧, Chu̧ru̧wa̧ Jesucrito-rü pä'inü̧: Chu̧wo̧jua̧'a̧ku̧nä̧ pä̧mä̧di̧, Kuaboiyotürü ku̧jä̧pü̧ dȩa̧'a̧ chutomebü päi'ünä̧.»

San Marcos 12:36 ပူးပေါင်းရင်းမြစ်များ

San Mateo 5:35

Pi̧jä̧ i̧mi̧nä̧'i̧nä̧ pä'ö päcuhuätucuä'. Pi̧jä̧nä̧mä̧ Dios cueächome. Jerusalén i̧mi̧nä̧'i̧nä̧ päcuhuätucuä'. Ja̧u̧ adihuä Tu̧ru̧hua̧ ötahuiyä.

Hechos 1:16

—Chahuaruhuä, Espíritu Santo ä'canä David änä ucuocuinödo Judas jȩä̧cuȩ huȩnȩ. Judas o'ipinö Jesúsru 'chuttädäcuotörö. Cu̧huo̧juä̧tu̧cua̧ pä'ö Huȩyu̧cuä̧ Huȩnȩ iso päi'önä ja̧'a̧, ja̧u̧ huȩnȩ Espíritu Santo ucuocuinö'a̧nö̧ 'cuäopäja'a.

Hechos 28:25

Ja̧'hua̧ ja̧'a̧ ji̧nä̧ yo̧mȩtȩ ttamöcuädoca'attö, rättopächa pä'inätödo. Rättopächäcua'a ä'canä Pablo jahuätörö pä'inödo: —Espíritu Santo ujutu tä̧do̧tö̧ mi̧nä̧rö̧ adiu ucuocuinödo Dios i̧huȩnȩ jiäcuähuä i̧sa̧ Isaías änä.

1 Corintios 15:25

Iso päi'önä o'ca juiyönä aboiyotörö, ö̧jä̧pö̧ dȩa̧'a̧nä̧ ötome jubö päi'önä, huȩä̧cua̧ Cristomä.

2 Timoteo 3:16

O'ca juiyönä adihuä Huȩyu̧cuä̧ Huȩnȩ Dios iyinö. Adihua'a huo̧juȩcuä̧nä̧. Ja̧'hua̧ta̧nö̧ adihua'a tä̧bo̧cuä̧nä̧'i̧nä̧. Korotö i̧mi̧cu̧nä̧ huȩnȩ jittähua'anä, pi̧yȩ huȩnȩ adihuä jiäcuähuänä. O'ca toi'önä huo̧jui̧cuä̧nä̧ adihua'a, adiu jȩpö̧ ttö̧ja̧cua̧ pä'ö.

Hebreos 1:13

Diosmä ángelesrö yoröiso pä'ocö pi̧nö̧do pa̧'a̧nö̧mä̧: Chö̧'o̧mȩ chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä.

Hebreos 4:7

Ja̧'hua̧nö̧ ja̧'a̧ttö̧ Dios pä'äji ta'anö koro mo̧ro̧ hue'inödo ttesetarö pä'ö. Ja̧u̧mä̧ jitä mo̧ro̧tä̧ hue'inödo. David päinö huȩnȩ päö'a̧nö̧ ucuocudo Dios ujuturu. Täcö tucuocuäji ta'anö, ja̧u̧ Huȩyu̧cuä̧ Huȩnȩ päa'a: Jitä mo̧ro̧ Dios päö cuä̧ju̧cuä̧tu̧cu̧ttu̧mä̧, cuami 'quicuhuätucuä' cuami iso'quitucunä.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.