San Marcos 12:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús. Ja̧'hua̧nö̧ ttä̧ju̧cuo̧mȩnä̧, to̧pä̧rö̧ ka̧cui̧nä̧tö̧do.

Nuevo Testamento Uwotjüja

¹⁷ Pättomȩnä̧, Jesú-mä̧ ädätinä̧u̧: —Jua̧u̧nu̧mä̧, Césa jäwämä̧: Césa-rütä iyätukui ja̧'wa̧ta̧nü̧ Dio jäwämä̧: Dio-rütä iyätukui. Pä'ü ädätäu̧, pättü juiyünä̧tä̧ winä̧tü̧.

San Marcos 12:17 ပူးပေါင်းရင်းမြစ်များ

San Mateo 22:21

Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧. Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧ chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

San Mateo 22:22

Ja̧'hua̧nö̧ ttä̧ju̧cuo̧mȩnä̧, to̧pä̧rö̧ ka̧cui̧nä̧tö̧do. Ja̧u̧ru̧ jaropi'ö rä'opächinätödo.

San Mateo 22:33

Jahuätö ttö̧ja̧ tö̧pä̧rö̧ ka̧cui̧nä̧tö̧do Jesús u̧huo̧juȩta̧'a̧ ä̧ju̧cu̧.

San Mateo 22:46

Ja̧'hua̧nö̧ päomenä, yoröiso ji̧'qui̧cha̧nö̧'i̧nä̧ ädätocotö pi̧nä̧tö̧do. Ja̧'hua̧ta̧nö̧ ja̧u̧nu̧ o'ca'a juhua'a yabo jä'epö ä̧ju̧cuo̧co̧tö̧ pi̧nä̧tö̧do Jesúsru.

San Mateo 8:10

Jesús ja̧'hua̧nö̧ ä̧ju̧cuo̧mȩnä̧, nö̧'ä̧chö̧ to̧pä̧ri̧nö̧do ja̧u̧ru̧. O'ca'anä chutäcu cue'ächätörö pä'inödo: —Iso päi'önä pä'ösä ucuturu, judíos ttö̧ja̧ttö̧'i̧nä̧ pide esetö'a̧nö̧ esetörömä yoröiso topocö pä'ijösä.

San Marcos 12:16

Ja̧'hua̧nö̧ päomenä, ji̧bi̧tȩtä̧ i'cächö ttiyinäcudo. Ju̧huä̧bi̧ pärätä̧bi̧ topö, Jesús jä'epinödo: —¿Di a̧'cua̧juä̧ttö̧ pi̧yȩmä̧? ¿Di i̧mi̧ huȩyu̧cua̧'a̧jä̧ttö̧ pi̧bi̧ pärätä̧bi̧nä̧? Jahuätö ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧.

San Marcos 12:30

Cu̧ru̧hua̧ Diosrö cuami iso'quinä'inä, cua̧'cua̧ru̧hua̧nä̧'i̧nä̧, cuamöcuädönä'inä, cujurunä'inä o'ca juiyönä repe'i.” Pi̧yȩmä̧ korottö'inä abonänö adihuä juäi hueähuä huȩnȩ.

San Lucas 20:25

Ja̧'hua̧ ja̧'a̧ttö̧ Jesús päinä̧u̧do: —Ja̧u̧ttu̧mä̧, chutä romanos ttö̧ja̧ ttu̧ru̧hua̧ öäre päömä, iyätucuirö. Ja̧'hua̧ta̧nö̧ chutä Dios öäre päömä, Diosrötä iyätucui, —pä'inödo Jesús.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Romanos 13:7

O'ca toi'önärö mitätucui cuimippotä̧u̧ru̧mä̧ o'ca juiyönä. Ruhuotörö pärätä cuimippotö'inä mitätucui. Korotörö ucuotönö jȩpä̧tu̧cui̧.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

1 Pedro 2:17

Ucuotö ka̧cuä̧tu̧cui̧ o'ca toi'önärö. Cristonä cu̧jä̧hua̧tö̧rö̧ eseunu kä̧nö̧, Diosrö ye'ecunänö ka̧cuä̧tu̧cui̧. Pi̧jä̧ ru̧hua̧rö̧ ucuotö ka̧cuä̧tu̧cui̧.