San Marcos 10:19 - TÄ̧DO Ä̧CUÄ̧ I̧HUȨNȨ

¹⁹ Ucumä hueähuä huȩnȩ päö'a̧nö̧ huo̧jua̧jä̧. “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Amönä päcuhuä'. Cuä'orö'inä, cua̧ju̧ru̧'i̧nä̧ ucuoti.”

Nuevo Testamento Uwotjüja

¹⁹ Weäwä wȩnȩmä̧, täkü wo̧jua̧jä̧: Kuä'ü kuikuä, ku̧jo̧ko̧ku̧ku̧mä̧, ku̧jo̧ko̧kua̧ku̧mä̧ jȩ'kuä̧'chä̧tu̧kuä̧, ku̧nä̧u̧kuä̧rä̧, kuyaparewätukuä kkorotü ttütü'kü, jȩ'kua̧ päkuäjimä̧ kuyaparewä, kuä'orü'i̧nä̧ kua̧ju̧ru̧'i̧nä̧ eseunu̧ ukuoti, pä'ijümä̧.

San Marcos 10:19 ပူးပေါင်းရင်းမြစ်များ

San Marcos 10:18

Jesús ja̧u̧ru̧ ädätinödo: —¿Dä̧bö̧ päcuhuäjättö ttörö adihuä i̧sa̧ pä'ö? Ka̧ra̧ adihuä i̧sa̧ toa'a. Ya̧tȩtä̧ Diostä adihuä i̧sa̧mä̧.

San Lucas 18:20

Ucumä hueähuä huȩnȩ päö'a̧nö̧ huo̧jua̧jä̧. “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Cuä'orö'inä, cua̧ju̧ru̧'i̧nä̧, ucuoti.”

Romanos 13:9

Hueähuä huȩnȩ päa'a: “Ka̧ra̧ irecuarö suronä jȩcu̧'ä̧'. Ka̧ra̧rö̧ cuä'ö cuicuä'. Cu̧nä̧u̧cuä̧'. Yapareu jicuhuähuä' korotörö. Korotö ttöäre pä̧huä̧ rö̧jö̧ tocu'ätucuä'.” Ja̧'hua̧nö̧ ja̧'a̧nä̧ ja̧u̧ hueähuä huȩnȩ'i̧nä̧, koro hueähuä huȩnȩ'i̧nä̧ o'ca juiyönä ji̧nä̧ ji̧yȩtȩ yorätehua'a pi̧yȩ huȩnȩnä̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

Romanos 3:20

Ja̧'hua̧nö̧ ja̧'a̧ttö̧ hueähuä huȩnȩ hueö ta'anö jȩä̧cuä̧huä̧nä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Hueähuä huȩnȩ pi̧jä̧ ttö̧ja̧ suronä jȩpä̧tö̧jä̧ pä'ö ttu̧huo̧jua̧ pä'ö huea'a.

Gálatas 4:21

Ucutu iso päi'önä Moisés hueähuä huȩnȩ jȩcu̧'ä̧tu̧cua̧ pä'ätömä, chä̧ju̧cua̧ ji'ähuätucuittö pi̧yȩ: ¿Ä̧ju̧cuo̧co̧tö̧ pi̧nä̧tö̧jä̧ tä̧ji̧ ja̧u̧ hueähuä huȩnȩ päa'a?

Gálatas 5:14

O'ca juiyönä hueähuä huȩnȩmä̧ pi̧yȩ ji̧yȩtȩ hueähuänätä ttu̧huo̧ju̧: “Cua̧hua̧ru̧hua̧rö̧ repe'i, ucutä cuamönä repecuhuäu ta'anö.”

1 Tesalonicenses 4:6

Ja̧u̧ huȩnȩ amöcuädö, ya̧tȩmä̧ ö̧jä̧hua̧rö̧ yapareu jȩpö̧, suronä jȩö̧ juiyö'a̧nö̧ ja̧'a̧ ö̧jä̧hua̧ irecuarö. Ya̧tȩ ja̧'hua̧nö̧ jȩpö̧rö̧, Tu̧ru̧hua̧ ö̧tä̧bo̧tä̧cua̧, ucuturu jitähuinö ta'anö.

Santiago 2:11

Diosmä, “Karajuru jȩcu̧'ä̧tu̧cuä̧'” pä'inömä, ja̧'hua̧ta̧nö̧ pä'inödo: “Ka̧ra̧rö̧'i̧nä̧ cuä'ö cuicuätucuä'.” Ja̧'hua̧nö̧ ja̧'a̧ karajucu suronä jȩpo̧cö̧'i̧nä̧, a̧hua̧ru̧hua̧rö̧ cuä'ö icuttumä, hueähuä huȩnȩ päö ta'anö jȩpo̧cö̧.