San Lucas 8:44 - TÄ̧DO Ä̧CUÄ̧ I̧HUȨNȨ

⁴⁴ Jahuäju Jesús abo ja̧'a̧nä̧ 'chä̧hui̧'ö̧ mȩ'i̧nä̧ju̧do ö̧'ca̧tä̧huä̧ta̧nä̧. Ja̧u̧nu̧tä̧ yotäcu kucuoja ojuchi'inäcuado.

Nuevo Testamento Uwotjüja

⁴⁴ Juajumä̧, Jesú aboja̧'a̧ku̧nä̧ ichi'ü, wä̧mȩnä̧ ü̧'ka̧tä̧wä̧ta̧ ä'ko̧ta̧ mȩjo̧mȩnä̧ kkukuojamä̧ ojuchi'inä̧kua̧.

San Lucas 8:44 ပူးပေါင်းရင်းမြစ်များ

San Mateo 20:34

Ja̧'hua̧ ja̧'a̧ttö̧ Jesús a̧'cua̧ tta̧ jö̧nä̧ topinödo jahuätörö. Ttö'ärenä mȩ'i̧nö̧do. Yotäcu mȩo̧mȩnä̧, ttö'ärenä topinätödo. Jahuätömä Jesús o'ca'anä 'chi̧nä̧tö̧do.

San Mateo 8:3

Ja̧'hua̧nö̧ ja̧'a̧ttö̧ Jesús u̧mö̧nä̧ mȩ'ö̧ pä'inödo: —Ttö pä̧huä̧ rö̧jä̧cu̧sä̧. Hua'ächö icucui. Jesús ja̧'hua̧nö̧ päomenä, päö ta'anö juiyönä huahuächipina'ado öttahuiyä märichei.

San Mateo 9:20

Ja̧'hua̧nö̧ tti̧'cho̧mȩnä̧, karaju isajumä, ttö̧jä̧pö̧ttö̧nö̧ todäre a̧'ȩ ppö'ottö na̧'ä̧chä̧jä̧ju̧, tto'ca'anä 'chä̧nö̧ Jesús abo ja̧'a̧nä̧ 'chä̧hui̧'ö̧, mȩ'i̧nä̧ju̧do ö̧'ca̧tä̧huä̧ta̧nä̧.

San Marcos 6:56

Ötahuiyä bäreunä'inä, ppo̧ö̧nä̧'i̧nä̧ Jesús i̧'chä̧cua̧'a̧cu̧ ä'canä i'cächö rötinätödo na̧'ä̧chä̧tö̧rö̧ mä̧nä̧ jäyä. Jahuätömä na̧'ä̧chä̧tö̧mä̧ ö̧'ca̧tä̧huä̧ta̧'i̧nä̧ mȩtta̧ pä'ö jä'epinätödo. O'ca toi'önä ja̧u̧ ö̧'ca̧tä̧huä̧ta̧ mȩ'ä̧tö̧'i̧nä̧ aditö icuinä̧u̧do.

San Lucas 13:13

Ja̧'hua̧nö̧ ja̧'a̧ jahuäjuru u̧mö̧nä̧ mȩ'i̧nö̧do. Yotäcu jahuäju jueönä pä'i'inäjudo. Ja̧'hua̧nö̧ ja̧'a̧ Diosrö eseunu ucuocuinäjudo.

San Lucas 7:38

Ja̧'hua̧ta̧nö̧ ajuäu kä̧nö̧, Jesús ö̧jä̧pö̧ kada'ca ki̧'chȩrȩja̧nä̧ acuäbe'ö, kuhuo'chenä 'ca̧'ö̧ icuinäjudo ö̧jä̧pö̧mä̧. Ja̧u̧nu̧ o'ca'a ö̧jä̧pö̧ mȩ'ö̧, ameu to'inäjudo ja̧u̧ ö̧jä̧pö̧nä̧.

San Lucas 8:43

Jahuätö ttö̧'quȩtȩnä̧ yajute ppö'ottö na̧'ä̧chä̧ju̧'i̧nä̧ ki̧nä̧ju̧do. Ttö̧jä̧pö̧ttö̧nö̧ todäre a̧'ȩ ppö'ottö usurä isaju juo'inäjudo. Jahuapö ruhuotörö mi̧tä̧rö̧, ku̧ju̧nä̧rö̧mä̧ o'ca juiyönä be'ecuäjipö icuinäjudo. Ja̧'hua̧nö̧ ja̧'a̧nä̧ ppättädococua pi̧nä̧ju̧do.

San Lucas 8:45

Ja̧'hua̧nö̧ ja̧'a̧ Jesús jä'epinödo: —¿Dijä̧ttö̧ ttörö mȩ'ä̧ji̧mä̧? O'ca toi'önä “Mȩ'o̧co̧tö̧jä̧” pätta'a ja̧'a̧, Pedrocu, ahuaruhuäcu pä'inätödo: —Huo̧juȩcuä̧ I̧sa̧, ttö̧ja̧ttö̧ ja̧cuo̧ca̧nö̧ 'co̧'ä̧dä̧cuä̧u̧ ttijisähua'ato. Ja̧'hua̧nö̧ ja̧'a̧ jä'epöjä, ¿dijä̧ttö̧ ttörö mȩ'ä̧ji̧mä̧? pä'ö.

San Juan 5:13

Ja̧u̧ ubomä ja̧u̧ru̧ aditö icuäjirö jerupinödo: ttö̧ja̧ ttirecuina'attö. Ja̧'hua̧ta̧nö̧ ja̧u̧ru̧ aditö icuäji'ca̧, Jesús kara'a 'chä̧nö̧ rä'opächö 'chi̧nö̧do.

Hechos 19:12

Pablo mȩä̧ji̧ o̧ta̧ pö̧jä̧ti̧yu̧ na̧nȩpä̧tö̧rö̧ ȩpö̧ ttiyomenä, na̧ttä̧chä̧'i̧jö̧ttö̧ pȩji̧pi̧nä̧tö̧do. Ja̧'hua̧ta̧nö̧ espíritus suropätö jahuätöttö rä'opächinätödo.

Hechos 5:15

Na̧nȩpä̧tö̧rö̧ mä̧ni̧yä̧nä̧ rä'epö rötinätödo sabana'cuanä'inä, huä̧ri̧sa̧nä̧'i̧nä̧, Pedro 'cuäopomenä a̧'cua̧juä̧ yotöcunä ttuhuämenä 'cuäo'a pä'ö.