San Lucas 8:24 - TÄ̧DO Ä̧CUÄ̧ I̧HUȨNȨ

²⁴ U̧huo̧juȩtä̧u̧mä̧ Jesús ä'omecu 'chä̧hui̧'ö̧, huopönänö pä'inätödo: —¡Huo̧juȩcuä̧ I̧sa̧! ¡Huo̧juȩcuä̧ I̧sa̧! Ma̧'ä̧chä̧tö̧jä̧. Ja̧'hua̧nö̧ ja̧'a̧ Jesús ä̧rä̧mi̧'ö̧ kä̧ru̧'coppa'inä, aje ppahua'a'inä pä̧i̧cu̧nä̧nö̧ ucuocuinödo. Yotäcu kä̧ru̧'coppamä huirochi'ina'ado. Yoröiso ppahuoca'a ji̧na̧'a̧do.

Nuevo Testamento Uwotjüja

²⁴ Ja̧'wa̧nü̧ ji̧yä̧u̧ 'chä̧wi̧'ü̧ porädü iku pättinä̧ku̧: —¡Chu̧ru̧wa̧, Chu̧ru̧wa̧! ¡ma̧'ä̧chä̧tü̧jä̧! pättäku, Jesú-mä̧ ä̧rä̧mi̧'ü̧ kkä̧mä̧dü̧ woäkuäwi'omȩnä̧, kkä̧rü̧'koppamä̧ kkä̧mä̧da̧'a̧ttü̧, aje ppawäja'a'i̧nä̧ o'kajuiyünä̧tä̧ wirochi'ina̧'a̧.

San Lucas 8:24 ပူးပေါင်းရင်းမြစ်များ

San Mateo 14:30

Ja̧'hua̧nö̧ i̧'cho̧mȩnä̧, kä̧ru̧'coppa rö̧ȩnä̧ kä̧ru̧'co̧huä̧cu̧ amöcuädö ye'ecuinödo. Ja̧'hua̧nö̧ päi'omenä, jacuoto ma̧'ä̧chö̧ huopinödo: —Chu̧ru̧hua̧, ppä'ädittö.

San Mateo 8:25

U̧huo̧juȩtä̧u̧mä̧ ä'omecu 'chä̧hui̧'ö̧ huopönänö pä'inätödo: —¡Tu̧ru̧hua̧, ppä'äditö! ¡Ma̧'ä̧chä̧tö̧jä̧!

San Marcos 4:39

Ja̧'hua̧ ja̧'a̧ttö̧ Jesús ä̧rä̧mi̧'ö̧, kä̧ru̧'coppa pä̧i̧cu̧nä̧ ucuocuinödo. Ja̧'hua̧ta̧nö̧ dubora'inä pä'inödo: —¡'Coruchi'i! ¡Huirochi'i! Ja̧'hua̧nö̧ päomenä, kä̧ru̧'coppa huirochi'ina'ado. Yoröiso ppahuoca'a ji̧na̧'a̧do.

San Lucas 4:35

Jesús hue'ö icuinödo espíritu su̧ro̧pa̧rö̧. Päinäcudo: —'Coruchi'i. Rä'opächi ja̧u̧ ubottö. Ja̧'hua̧ ja̧'a̧ espíritu su̧ro̧pa̧ öcäyucui'omenä, jahuätö ttä'ca jo̧mȩ rȩjȩ kiähui'önä jȩi̧nä̧cu̧do. Ja̧'hua̧nö̧ rä'opächinödo espíritu su̧ro̧pa̧ suronä jȩä̧cuä̧huä̧ juiyönä.

San Lucas 4:39

Jesús ja̧rȩyu̧ pä'i'ö topinödo jahuäjuru. Ja̧'hua̧ ja̧'a̧ märichei'inä aditö icuinödo, yoröiso juiyönä päji'önä. Ja̧u̧nu̧tä̧ jahuäju ä̧rä̧mi̧'ö ttu̧cuȩ iyinäjudo.

San Lucas 5:5

Simón ädätinödo: —Huo̧juȩcuä̧ I̧sa̧, yodo 'cuäoi'önä huo'äjätöjä. Huota'anä ya̧tȩrö̧'i̧nä̧ huo'opocotö päjätöjä. Ja̧'hua̧nö̧ ja̧'a̧nä̧ täcö ucu huecuhua'attö, chöäre ma'ayä kä'ö icu huo'opösä.

San Lucas 8:25

Ja̧'hua̧ ja̧'a̧ttö̧ u̧huo̧juȩtä̧u̧ru̧ pä'inödo: —¿Adiunämä esetocotöjä tä̧ji̧? Ja̧'hua̧nö̧ ja̧'a̧nä̧ jahuätö ye'äjo'cotö to̧pä̧ri̧nä̧tö̧do. Ka̧ra̧ ka̧ra̧nö̧ jä'ecuinätödo: —Ja̧'hua̧nö̧ jȩpö̧mä̧, kä̧ru̧'coppa'inä, ajiya'inä päö ta'anö päi'iyäcumä, ¿tta̧'a̧nö̧ hua̧jä̧ttö̧?