San Lucas 7:25 - TÄ̧DO Ä̧CUÄ̧ I̧HUȨNȨ

²⁵ ¿Däje juäi topö cui̧'chi̧nä̧tu̧cuä̧ttö̧? ¿Ya̧tȩ ö̧'ca̧tä̧huä̧ti̧yu̧ adihuä juäi 'ca̧tä̧u̧ru̧ topö i̧huä̧ji̧nä̧tö̧jä̧ tä̧ji̧? Ucutu huo̧juä̧tö̧jä̧ ttö̧'ca̧tä̧huä̧ti̧yu̧ adihuä juäi 'ca̧tä̧huä̧tö̧mä̧, pi̧jä̧tä̧ öadihuänätä ka̧cuä̧tö̧mä̧, ruhuotö ttojusodettötä topäcuähuotö.

Nuevo Testamento Uwotjüja

²⁵ ¿Ja̧'wa̧nü̧ jü̧ juiyüttü'i̧nä̧, ü̧'ka̧tä̧wä̧ti̧yu̧ adiwäjuei 'ka̧tä̧u̧ru̧ topü kuichäjätukua'a? Ja̧'wa̧nü̧ jü̧ttü̧mä̧, ttü̧'ka̧tä̧wä̧ti̧yu̧ adiwäjuei 'ka̧tä̧wä̧tü̧mä̧, pi̧jä̧ jäwä eseäkuäwätümä̧ ruwotü reyes pä̧ttä̧u̧ ttü̧ja̧kuodenä̧tä̧ kka̧kuä̧tü̧.

San Lucas 7:25 ပူးပေါင်းရင်းမြစ်များ

San Mateo 11:8

¿Däje juäi topö cui̧'chi̧nä̧tu̧cuä̧ttö̧? ¿Ya̧tȩ ö̧'ca̧tä̧huä̧ti̧yu̧ adihuä juäi 'ca̧tä̧u̧ru̧ topö i̧huä̧ji̧nä̧tö̧jä̧ tä̧ji̧? Ucutu huo̧juä̧tö̧jä̧ ttö̧'ca̧tä̧huä̧ti̧yu̧ adihuä juäi 'ca̧tä̧huä̧tö̧mä̧, ruhuotö ttojusodettötä topäcuähuotö.

San Mateo 3:4

Ja̧u̧tä̧ Juan ö̧'ca̧tä̧huä̧ti̧yu̧ camello uhuo'chettö adicua'a 'ca̧tä̧hui̧nö̧do. Ja̧'hua̧ta̧nö̧ äcä isäya ja̧u̧tä̧ juäi i̧jȩta̧ttö̧ adicua'a ru̧nä̧ri̧nö̧do. U̧cuȩmä̧ cä̧'ö̧rö̧tä̧ cuinödo. Mayatä ahuinödo.

San Mateo 6:29

Ja̧'hua̧nö̧ ja̧'a̧nä̧'i̧nä̧ pä'ösä ucuturu, ru̧hua̧ Salomón, järe ru̧hua̧ ö̧ja̧'a̧nä̧, ö̧'ca̧tä̧huä̧ti̧yu̧ adihuä juäi 'ca̧tä̧hui̧nö̧'i̧nä̧, ȩ'u̧ttu̧'i̧nä̧ abonänö adiumä 'ca̧tä̧huo̧cö̧ pi̧nö̧do.

San Lucas 16:19

Ja̧'hua̧ta̧nö̧ pä'inödo Jesús: —Ki̧nö̧do ya̧tȩ järe ru̧hua̧. Ö̧'ca̧tä̧huä̧ti̧yu̧ adihuä juäitä 'ca̧tä̧hui̧nö̧do. 'Cuäopönä mo̧ro̧jö̧ a̧'u̧cuä̧ a̧'cua̧ adiu eseunu fiesta jȩpi̧nö̧do.

San Lucas 7:24

Juan umöhuäyotö tti̧huä̧ji̧ o'ca'a, Jesús o'ca'a ka̧cuä̧tö̧rö̧ ji'ähuinödo Juan cueächinö huȩnȩ. Pä'inödo: —¿Däje juäi topö cui̧'chi̧nä̧tu̧cuä̧ttö̧ de'ara̧'a̧? ¿Nä̧yü̧ kä̧ru̧'coppa dö'ö hui'cuhua'a topö i̧huä̧ji̧nä̧tö̧jä̧ tä̧ji̧?

San Lucas 7:26

Ja̧'hua̧nö̧ ja̧'a̧, ¿däje juäi topö cui̧'chi̧nä̧tu̧cuä̧ttö̧? ¿Ya̧tȩ Dios i̧huȩnȩ jiäcuähuä i̧sa̧rö̧ topö i̧huä̧ji̧nä̧tö̧jä̧ tä̧ji̧? A̧, ja̧u̧ru̧tä̧ topö i̧huä̧ji̧nä̧tö̧jä̧. Ja̧'hua̧ta̧nö̧ ja̧u̧ Dios i̧huȩnȩ jiäcuähuä i̧sa̧ttö̧'i̧nä̧ abonänö adihuä i̧sa̧do.