San Lucas 6:35 - TÄ̧DO Ä̧CUÄ̧ I̧HUȨNȨ

³⁵ Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

Nuevo Testamento Uwotjüja

³⁵ Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

San Lucas 6:35 ပူးပေါင်းရင်းမြစ်များ

San Mateo 5:9

“Korotöcu eseunu ttö̧ja̧cua̧ pä'ö jȩpä̧tö̧mä̧, eseunu ttö̧ja̧cuä̧cuo̧tö̧. Dios pä̧cua̧ jahuätörötä “Chi̧tti̧mö̧jä̧.”

San Marcos 5:7

Jesúsru huopönö pä'inödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús, Dios Ju'toju Ru̧hua̧ I̧tti̧? Dios i̧mi̧nä̧ pä'ösä ucuru. Suronämä ubara ttucuhue'ättö.

San Lucas 1:32

Ja̧u̧ ucuo i̧sa̧ jä̧cua̧. Dios Ju'toju Ru̧hua̧ I̧tti̧ pä̧ttä̧cua̧. Ja̧'hua̧ta̧nö̧ Tu̧ru̧hua̧ Dios Ru̧hua̧ päi'önä u̧ju̧nä̧cua̧ tä̧do̧ mi̧nä̧ Davidrö u̧ju̧ni̧nö̧'a̧nö̧.

San Lucas 6:36

Ucutu re rö̧jö̧nä̧ topätucui korotörö, Cuä'o Dios re rö̧jö̧nä̧ toö'a̧nö̧ ucuturu, —huo̧juȩti̧nö̧do Jesús.

San Juan 13:35

Korotö korotönörö repecuhuätucuttumä, o'ca toi'önä pi̧jä̧ ttö̧ja̧ ttu̧huo̧juä̧cuo̧tö̧ ucutumä ttö chu̧huo̧juȩtä̧u̧jä̧ pä'ö.

San Juan 15:8

Ucutu u̧huä̧ju̧ rö̧ȩnä̧ cu̧ju̧nä̧rä̧tu̧cuo̧mȩnä̧, Chä'orö ucuotönö jȩpä̧tö̧jä̧. Ja̧'hua̧nö̧ jȩpö̧, iso päi'önä chu̧huo̧juȩtä̧u̧ pä'i'ätöjä.

Hechos 14:17

Ja̧'hua̧nö̧ ja̧'a̧nä̧'i̧nä̧ chutä adihuä i̧sa̧ päi'önä kö̧ tu̧huo̧jua̧ pä'ö, 'cuäopönä ttö̧ja̧rö̧ adiu jȩpö̧ kö̧. Mo̧ro̧jä̧ttö̧ hue'ö ajiya icha pä'ö. Pi̧jä̧ttö̧'i̧nä̧ hue'ö cuähuä adiu huȩja̧ pä'ö. Ja̧'hua̧nö̧ tu̧cuȩ iya'attö eseunu ka̧cuä̧tö̧jä̧, —pä'inätödo Jesús hue'ähuotö.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

2 Timoteo 3:2

U̧mä̧tö̧ jitöätä ttamöcuädäutä ttamöcuädäcuotö. Pärätä rö̧ȩnä̧ ttamöcuädäcuotö. Ttösä adihuä i̧sa̧ pättähuäcuotö. Diosrö suronä ttucuocuäcuotö. Ttä'o hueö jȩpo̧co̧tö̧ ttäcuotö. Ttahuaruhuärö esehuocotö ttäcuotö. Dios i̧huȩnȩ esetocotö ttäcuotö.