San Lucas 3:11 - TÄ̧DO Ä̧CUÄ̧ I̧HUȨNȨ

¹¹ Juan jahuätörö ädätinödo: —To̧ta̧rȩ a̧mö̧ca̧ o̧ta̧ ku̧nä̧rö̧mä̧ ji̧ta̧tȩ iyö'a̧nö̧ ja̧'a̧ ya̧tȩ yoröiso jui̧'a̧rö̧. Ja̧'hua̧ta̧nö̧ u̧cuȩ ku̧nä̧rö̧mä̧ 'quȩ'ȩpö̧ iyö'a̧nö̧ ja̧'a̧ ya̧tȩ u̧cuȩ jui̧'a̧rö̧.

Nuevo Testamento Uwotjüja

¹¹ Jättepäku Ju̧a̧-mä̧ ädätinä̧u̧: —ü̧'ka̧tä̧wä̧ti̧yu̧ to̧ta̧rȩ kku̧nä̧rü̧mä̧, jui̧'a̧rü̧ ppä'ädi; ja̧'wa̧ta̧nü̧ u̧kuȩ kku̧nä̧rü̧'i̧nä̧, u̧kuȩ jui̧'a̧rü̧ ppä'ädi.

San Lucas 3:11 ပူးပေါင်းရင်းမြစ်များ

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Lucas 11:41

Ja̧'hua̧nö̧ ja̧'a̧nä̧ ucutu rettö ppädäcuähuätä cu̧ju̧nä̧rä̧tu̧cu̧tä̧ iyätucui. Ja̧'hua̧nö̧ jȩcu̧'ä̧tu̧cuo̧mȩnä̧, o'ca juiyönä jacuänä'inä, huämenä'inä töcähua'a jä̧'i̧nö̧'a̧nö̧ jä̧cua̧'a̧.

San Lucas 18:22

Ja̧'hua̧nö̧ päa'a ä̧ju̧cu̧, Jesús päinäcudo: —Ja̧'hua̧ ja̧'a̧ ji̧yȩtȩtä̧ jȩpo̧cö̧jä̧. Cuhuäre o'ca juiyönä cu̧ju̧nä̧rö̧mä̧ iyö icuäji. Ja̧u̧ iyö cuicuäji micuämä, usurä isotörö iyi. Ja̧'hua̧nö̧ jȩpö̧, mo̧ro̧jä̧ra̧'a̧ adihuä juäi cu̧ju̧nä̧rä̧cua̧jä̧. Ja̧u̧nu̧ o'ca'a ppa̧'ä̧chö̧, ttöcu cue'ächi.

San Lucas 19:8

Ja̧'hua̧nö̧ ja̧'a̧ Zaqueo ä̧rä̧mi̧'ö̧ kä̧mä̧dö̧, pä'inödo Tu̧ru̧hua̧rö̧: —Chu̧ru̧hua̧, chi̧yä̧cua̧sä̧ chu̧ju̧nä̧ro̧mȩ ju'tome usurä isotörö. Yapareu jȩpö̧ chu̧nä̧u̧cuä̧'i̧jö̧ttö̧mä̧, pa̧ja̧cuä̧nö̧ jo̧mȩ yabocu ppa̧dä̧dä̧cua̧sä̧ jahuätörö.

San Juan 13:29

Chutä Judas, ttöäre pärätä tta̧huä̧ra̧'a̧ttö̧: “Koro juäi fiesta jȩttä̧cua̧'a̧ juäi ȩma̧ pä'ö pä'äjicö̧”, amöcuädinätödo. Ja̧'hua̧ta̧nö̧: “Koro juäi ȩmö̧ usurä isotörö iya pä'öcö̧”, amöcuädinätödo.

Hechos 10:2

Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Hechos 10:31

Ja̧u̧ pä'äji ttörö: “Ucu Cuä̧do̧ ä̧cua̧rö̧ cucuocua'a eseunu ä̧ju̧cuä̧ji̧ Diosmä. Usurä isotörö ppäcuhuädinömä eseunu amöcuädäji, Cornelio.

Hechos 10:4

Cornelio ángelrö ye'ö to̧pä̧rö̧ ki̧nö̧do. Pä'inödo: —¿Däjejä̧ttö̧, Chu̧ru̧hua̧? Angel pä'inödo: —Diosmä churutä cucuocua'attö eseunu ä̧ju̧cui̧nö̧. Usurä isotörö ppäcuhuädinömä eseunu topinö.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

1 Timoteo 6:17

Ji'ähui järe ruhuotörö, pi̧jä̧nä̧ ka̧cuä̧tö̧rö̧, usurä isotörö, suronä huottäcuäu juiyäcua'a̧nö̧. Ja̧'hua̧ta̧nö̧ ji'ähuitö ttöärenätä tta̧'cua̧ ttu̧huȩnä̧rö̧ juiyäcua'a̧nö̧. Ttöäremä yoröiso 'quiyocö. Pärocua'acu Dios kö̧rö̧, o'ca juiyönä tu̧ju̧nä̧ra̧ pä'ö repeähuä juiyönä iyörö, tta̧'cua̧ ttu̧huȩnä̧ra̧ ji'ähuitö.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Santiago 1:27

Tä'o Diosrö adiu ami iso'quinä idicuächö juiyönä esetömä, reyotörö'inä, rȩcua̧mö̧rö̧'i̧nä̧ ppädö'a̧nö̧ ja̧'a̧, surojö 'cuäopomenä. Ja̧'hua̧ta̧nö̧ pi̧jä̧ jähuä suronä amöcuädö jȩpo̧cö̧.

Santiago 2:14

Chö̧jä̧hua̧tö̧, ya̧tȩ “Ttö Jesucristorö esetösä” pä'ömä, adiu jȩä̧cuä̧huä̧ jȩö̧ juiyöttömä, ¿adihua'a tä̧ji̧? Ja̧'hua̧nö̧ ttesetomenä, ¿ttö̧ji̧pä̧cuo̧tö̧ tä̧ji̧?

1 Juan 3:17

Ya̧tȩ järe u̧ju̧nä̧ra̧'a̧nä̧ ö̧jä̧hua̧ jui̧'a̧rö̧ topö, re rö̧jö̧nä̧ toca'a jö̧ttö̧mä̧, Diosttö repeähuä ¿tta̧'a̧nö̧ u̧ju̧nä̧ra̧'a̧ttö̧ ami iso'quinä?

1 Juan 4:20

Ya̧tȩ pä'ö “Diosrö repe'ösä” päöttömä, ö̧jä̧hua̧rö̧ repeoca'anä, ja̧u̧mä̧ yaparehua̧. Ja̧'hua̧nö̧ ja̧'a̧ ö̧jä̧hua̧ toäcuru repe'ocömä, Dios tococuru repe'ocö.