San Lucas 2:25 - TÄ̧DO Ä̧CUÄ̧ I̧HUȨNȨ

²⁵ Ja̧u̧nu̧ pä̧nä̧ ya̧tȩ ki̧'ä̧ji̧nö̧do Jerusalén ötahuiyänä Simeón pä'ö mi̧cua̧. Ja̧u̧ adihuä i̧sa̧, Diosrö ucuotäcuähuä i̧sa̧ pi̧nö̧do. Ja̧u̧ tta̧'ä̧ri̧'ä̧ji̧nö̧do Israel ttö̧ja̧rö̧ suronä jȩttö̧ jȩpö̧ i̧cuä̧cua̧ icha'anä. Simeón ami iso'quinä Espíritu Santorö ku̧nä̧ri̧nö̧do.

Nuevo Testamento Uwotjüja

²⁵ Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

San Lucas 2:25 ပူးပေါင်းရင်းမြစ်များ

San Marcos 15:43

Ja̧u̧nu̧ mo̧ro̧ ya̧tȩ José pä'ö mi̧cua̧, Arimatea ötahuiyä i̧sa̧, ichi'inödo. Ja̧u̧mä̧ judíos ttö̧ja̧ ji̧nä̧ isocu ttu̧ru̧hua̧ i̧sa̧ pi̧nö̧do. Ja̧u̧'i̧nä̧ Dios U̧ru̧hua̧ päi'önä kö̧rö̧ esetö tta̧'ä̧ri̧nö̧do. Ja̧u̧mä̧ yecuäcuähuä juiyönä, Pilato ö̧'o̧mȩ do'ächi'ö, jä'epinödo Jesúsru u'tura pä'ö.

San Lucas 1:41

Elizabet, María ja̧'hua̧nö̧ tejäu kä̧ju̧cuo̧mȩnä̧, ku̧cuä̧ba̧ttö̧ ji̧'qui̧cha̧hua̧ bore'inäcuado. Ja̧'hua̧ta̧nö̧ jahuäju kami iso'quinä suhuädinäjudo Espíritu Santottö.

San Lucas 1:6

Jahuätö ta̧ju̧ adihuä isotö pi̧nä̧tö̧do Dios ä'ca jo̧mȩttö̧. Eseti'äjinätödo Tu̧ru̧hua̧ hueö huȩnȩ. Ja̧'hua̧nö̧ ja̧'a̧ttö̧ yoröiso ya̧tȩ'i̧nä̧ huȩnȩtä̧rö̧ ttucuocuoco̧u̧ pi̧nä̧tö̧do.

San Lucas 1:67

Juan jä'o Zacarías Espíritu Santottö su̧'pȩhua̧, Dios i̧huȩnȩ iyäjimä ucuocuinödo:

San Lucas 2:38

Ja̧u̧nu̧tä̧ Ana'inä ju̧huȩnȩtä̧ ki̧nä̧ju̧do. Ja̧'hua̧nö̧ ja̧'a̧ttö̧ Diosrö ucuocu cä'ädö, o'ca toi'önä Jerusalén ötahuiyä ttö̧ja̧rö̧, suronä jȩttö̧ jȩpö̧ i̧cuä̧cua̧rö̧ tta̧'ä̧rä̧'i̧jä̧tö̧rö̧, ucuocuinäjudo ji̧'qui̧cha̧hua̧ Jesúsru.

San Lucas 23:51

Ja̧u̧'i̧nä̧ Dios U̧ru̧hua̧ päi'önä kö̧rö̧ esetö tta̧'ä̧ri̧nö̧do. Ja̧'hua̧ ja̧'a̧ttö̧ jahuätö ruhuotö jȩttä̧ji̧mä̧ ji̧nä̧ yo̧mȩtȩ amöcuädocö pi̧nö̧do.

Hechos 10:2

Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Hechos 10:22

Ja̧'hua̧nö̧ ja̧'a̧ u̧mä̧tö̧ ädätinätödo: —Su̧ro̧da̧u̧ ttu̧ru̧hua̧ Cornelio ujuturu hue'äji. Chutä adihuä i̧sa̧ ja̧'a̧ttö̧, Diosrö ye'ecu. Judíos ttö̧ja̧ o'ca toi'önä ja̧u̧ru̧ adiu ucuotätö. Ya̧tȩ ángel, Dios huȩ'ä̧hua̧, ja̧u̧ru̧ ji'ähuäji huea pä'ö ucu cui̧'cha̧ pä'ö ojusodera̧'a̧, jicuhuähua'a ä̧ju̧cua̧ pä'ö.

Hechos 2:5

Ja̧u̧nu̧ Jerusalén ötahuiyänä ka̧cui̧nä̧tö̧do judíos ttö̧ja̧mä̧, Dios hueinö ta'anö jȩpä̧tö̧mä̧. Jahuätö koromettö'inä, kara'attö'inä, otottö'inä ichö rȩbȩhui̧nä̧tö̧do.

Hechos 24:16

Adiu jȩpö̧sä̧ Dios ä'ca jo̧mȩttö̧'i̧nä̧, ttö̧ja̧ ttä'ca jo̧mȩttö̧'i̧nä̧ cha̧'cua̧ eseu chö̧ja̧ pä'ö 'cuäopönä, suronä amöcuädäcuähuä juiyönä.

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.