San Lucas 2:1 - TÄ̧DO Ä̧CUÄ̧ I̧HUȨNȨ

¹ Ji̧yȩnö̧ mo̧ro̧ ji̧nä̧ isocu hueähuä i̧sa̧, ru̧hua̧ Augusto hue'inödo o'ca toi'önä tti̧mi̧ ttiyarö pä'ö.

Nuevo Testamento Uwotjüja

¹ Ji̧yȩnü̧ pä̧nä̧ Césa Augusto ru̧wa̧ pä̧nü̧ ttü̧ja̧ o'katoi'ünä̧rü̧ we'inü̧ tti̧mi̧ tti̧wȩyu̧kuä̧kuä̧wa̧ pä'ü.

San Lucas 2:1 ပူးပေါင်းရင်းမြစ်များ

San Mateo 22:17

Ja̧'hua̧nö̧ ja̧'a̧ttö̧ ucutä cuamöcuädö ji'ähuitö. Ujutumä, romanos ttö̧ja̧ ttu̧ru̧hua̧rö̧ pärätä ttimitomenä, ¿adihua'a tä̧ji̧?

San Mateo 24:14

Pi̧yȩ huȩnȩ, Dios Ttu̧ru̧hua̧ päi'önä ö̧jä̧cuȩ huȩnȩ, ruhuäcuiyä pa̧ja̧cu̧nä̧ jittähuäcuotö, o'ca toi'önä tteseta pä'ö. Ja̧u̧nu̧ o'ca'a röji mo̧ro̧ päi'äcua'a.

San Marcos 14:9

Iso päi'önä pä'ösä ucuturu, pi̧jä̧ pa̧ja̧cu̧nä̧ ttö̧ja̧ suronä jȩttö̧ jȩpö̧ icuähuä huȩnȩ jittähuomenä, piju isaju jȩjä̧ji̧'i̧nä̧ jittähuäcuotö jahuäjuru ttamöcuäda pä'ö, —pä'inödo Jesús.

San Marcos 16:15

Jahuätörö pä'inödo: —Pi̧jä̧ pa̧ja̧cu̧nä̧ tätucui. Ji'ähuäjätucui pi̧yȩ ttö̧ja̧ suronä jȩttö̧ jȩpö̧ icu huȩnȩ o'ca toi'önärö.

San Lucas 2:3

O'ca toi'önä 'chä̧cuä̧hua̧'a̧ ji̧na̧'a̧do tti̧mi̧ ttöta pä'ö jitötä ttamönä ttidepiyunä.

San Lucas 2:5

Belén ötahuiyära̧'a̧ i̧mi̧ iyö i̧huä̧ji̧nö̧do Maríacu ji̧nä̧ yo̧mȩtȩnä̧, chucu kö̧ja̧ pä'ö ucuocu ttu̧ju̧ni̧nä̧cua̧cu̧. Jahuäju ku̧mo̧du̧ba̧ ri̧nä̧cua̧do.

San Lucas 3:1

Ttö̧jä̧pö̧ttö̧nö̧ ji̧mö̧tȩ jähuä a̧'ȩ ru̧hua̧ ö̧ja̧'a̧mä̧, ji̧nä̧ isocu hueähuä i̧sa̧ ru̧hua̧ Tiberio pi̧nö̧do. Poncio Pilatomä Judea rȩjȩ ru̧hua̧ pi̧nö̧do. Herodesmä Galilea rȩjȩ ru̧hua̧ pi̧nö̧do. Ö̧jä̧hua̧ Felipemä Iturea rȩjȩ'i̧nä̧, Traconite rȩjȩ'i̧nä̧ ru̧hua̧ pi̧nö̧do. Ja̧'hua̧ta̧nö̧ Lisaniasmä Abilinia rȩjȩ ru̧hua̧ pi̧nö̧do.

Hechos 11:28

Jahuätöttö ya̧tȩ, Agabo pä'ö mi̧cua̧, Jesucristorö esetätö ttö̧'quȩtȩttö̧ ä̧rä̧mi̧'i̧nö̧do. Ji'ähuinödo Espíritu Santo huo̧juȩcuä̧nä̧, pi̧jä̧nä̧ o'ca juiyönä rö̧ȩnä̧ ppäi ttuttäcuotö pä'ö. Iso päi'önä chutä päinö ta'anö, ppäi ttu'inätödo Claudio ru̧hua̧ päi'önä ö̧ji̧nö̧mä̧.

Hechos 25:11

Ttö suronä jȩchi̧nö̧ttö̧mä̧, cuä'ö tticuattö pä'ömä, huäinä cuä'ö tti̧cuä̧cua̧sä̧. Ja̧'hua̧nö̧ ja̧'a̧nä̧'i̧nä̧ amönä huȩnȩtö̧ ttucuocuttumä, ya̧tȩ'i̧nä̧ ttörö iyö juiyö'a̧nö̧ ja̧'a̧ jahuätörö. Romanos ttö̧ja̧ ttu̧ru̧hua̧tä̧ ttörö ä̧ju̧cua̧ pä'ö jä'epösä, —ädätinödo Pablo.

Hechos 25:21

Ja̧'hua̧nö̧ jädepomenä, Pablo “Romanos ttö̧ja̧ ttu̧ru̧hua̧ Augusto ä̧ju̧cua̧ttö̧ pä'ösä”, jä'epinö. Ja̧'hua̧nö̧ ja̧'a̧ttö̧ ttö hue'inösä ji̧nä̧ cärenä ö̧'a̧'a̧ tta̧ttä̧ra̧rö̧ pä'ö ru̧hua̧ Augustorö huedome jubö päi'önä, —pä'inödo Festo.

Romanos 1:8

Äcuomenä ucuturu jidähua pä'ösä, Jesucristorö esetö, Diosrö eseunu ucuocusä ucuturu amöcuädö. O'ca juiyönä pa̧ja̧cu̧nä̧ Diosrö cuesetätucua'a ä̧ju̧cuä̧tö̧do.

Filipenses 4:22

O'ca toi'önä pȩnȩ ka̧cuä̧tö̧mä̧ Dios i̧tti̧mö̧'i̧nä̧, romanos ttu̧ru̧hua̧ ojusodettö'inä te'ähuätö ucuturu.