San Lucas 17:3 - TÄ̧DO Ä̧CUÄ̧ I̧HUȨNȨ

³ Ttu̧ȩcuä̧nä̧ tta̧'ä̧rä̧cuä̧huä̧tu̧cui̧. “Cu̧jä̧hua̧ suronä jȩö̧ttö̧mä̧ ucuru, ro̧'ȩpi̧rö̧. Pärocuäcutä amöcuädöttömä, unichi'ätucuirö.

Nuevo Testamento Uwotjüja

³ Ja̧'wa̧nü̧ ja̧'a̧ttü̧ ¡ttü̧'ȩpä̧rä̧kuä̧u̧ kka̧kuä̧tu̧kui̧! kui̧jä̧wa̧ ukuru suronä̧ jȩü̧ttü̧mä̧, ji'äu ro̧'ȩpi̧rü̧; ja̧'wa̧nü̧ jȩ'kuo̧mȩnä̧, kädi'üttümä̧, eseku ikuirü.

San Lucas 17:3 ပူးပေါင်းရင်းမြစ်များ

San Mateo 18:21

Ja̧'hua̧ ja̧'a̧ttö̧ Pedro 'chä̧nö̧ jä'epinödo Jesúsru: —Chu̧ru̧hua̧, chö̧jä̧hua̧ ttörö suronä jȩo̧mȩnä̧, ¿tta̧'a̧nö̧ rö̧ȩnä̧ chunichi'äcua'ajä̧ttö̧? ¿Ko̧ro̧mö̧ttö̧nö̧ todärenö tä̧ji?

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

Efesios 5:15

Ja̧'hua̧nö̧ ja̧'a̧ttö̧ cu̧ja̧cuä̧tu̧cu̧ amöcuädönä ka̧cuä̧tu̧cui̧. Jerupätö ttö̧ja̧cu̧'a̧nö̧mä̧, cu̧ja̧cuä̧tu̧cuä̧'. Huo̧juä̧tö̧ ttö̧jö̧'a̧nö̧ ka̧cuä̧tu̧cui̧.

Hebreos 12:15

Ya̧tȩttö̧'i̧nä̧ Dios ppädäcuähuä iya päinö ȩmo̧ca̧'a̧ ö̧ji̧pö̧ juiya pä'ö, ttu̧ȩcuä̧nä̧ ka̧cuä̧tu̧cui̧. Ja̧'hua̧ta̧nö̧ koro juäi surä'cua ya̧mö̧'cua̧ bahua'a jä̧'i̧nö̧'a̧nö̧ cu̧ja̧cuä̧tu̧cuä̧'. Ja̧'hua̧nö̧ jȩpö̧ kä̧nö̧, korotörö suronä jȩtta̧ pä'ö cu̧huo̧juȩtä̧tu̧cu̧ juiya pä'ö, ttu̧ȩcuä̧nä̧ ka̧cuä̧tu̧cui̧.

Santiago 5:19

Chö̧jä̧hua̧tö̧, ucututtu ya̧tȩ iso päi'önä huȩnȩttö̧ 'quȩi̧pä̧chö̧ttö̧mä̧, ka̧ra̧ a̧hua̧ru̧hua̧ ppa̧'ä̧chö̧ ȩmö̧'a̧nö̧ ja̧'a̧.

2 Juan 1:8

Ttu̧ȩcuä̧nä̧ ka̧cuä̧tu̧cui̧, cuaditinö micuä toei'ö juiya pä'ö, cuaditähuä ji̧nö̧ o'ca juiyönä cuȩmä̧tu̧cuä̧cua̧'a̧nö̧.