San Lucas 16:13 - TÄ̧DO Ä̧CUÄ̧ I̧HUȨNȨ

¹³ “Ya̧tȩ uruhuotö ta̧ju̧ huettömä, yoröiso jȩpo̧cö̧. Ta̧ju̧ru̧mä̧ eseunu repe'ocö. Ya̧tȩrö̧tä̧ eseunu rȩpȩä̧cua̧, ka̧ra̧rö̧ repe'oca'anä. Ja̧'hua̧ta̧nö̧ ya̧tȩ hueömä eseunu jȩa̧'a̧nä̧, ka̧ra̧ hueömä ra̧huä̧rö̧nö̧tä̧ jȩä̧cua̧. Ja̧'hua̧ta̧nö̧ Diosrö'inä, pärätä'inä ji̧nä̧ yo̧mȩtȩnä̧ amöcuädäcuähuocödo.

Nuevo Testamento Uwotjüja

¹³ Ya̧tȩ'i̧nä̧ uruwotü ta̧ju̧ru̧ u̧ju̧nä̧ra̧ pä'ümä̧ weyekua'a; jua'amä̧ ya̧tȩrü̧ üjü'kü juiyünä̧ ja̧'a̧nä̧, kka̧ra̧rü̧tä̧ eseunä̧ ja̧'a̧ttü̧; ja̧'wa̧ta̧nü̧ kka̧ra̧rü̧mä̧ ye pä'anä̧, kka̧ra̧rü̧mä̧ ukuotü juiyünä̧ jä̧kua̧'a̧. Ja̧'wa̧nü̧ ja̧'a̧ttü̧ Dio-rü ttu̧ru̧wa̧ ja̧'a̧nä̧mä̧, pärätä'i̧nä̧ ttu̧ru̧wa̧ ja̧ pä'ümä̧ weyekua'a.

San Lucas 16:13 ပူးပေါင်းရင်းမြစ်များ

San Mateo 4:10

Ja̧'hua̧nö̧ ja̧'a̧ttö̧ Jesús ädätinäcudo: —Satanás, täi. Huȩyu̧cuä̧ Huȩnȩ päa'a: “Chu̧ru̧hua̧ Diosrötä cua̧'cua̧ huȩnä̧ri̧. Ja̧'hua̧ta̧nö̧ ja̧u̧tä̧ päömä jȩpi̧,” —ädätinäcudo.

San Mateo 6:24

“Ya̧tȩ uruhuotö ta̧ju̧ huettömä, yoröiso jȩpo̧cö̧. Ta̧ju̧ru̧mä̧ eseunu repe'ocö. Ya̧tȩrö̧tä̧ eseunu rȩpȩä̧cua̧, ka̧ra̧rö̧ repeoca'anä. Ja̧'hua̧ta̧nö̧ ya̧tȩ hueömä eseunu jȩa̧'a̧nä̧, ka̧ra̧ hueömä ra̧huä̧rö̧nö̧tä̧ jȩä̧cua̧. Ja̧'hua̧ta̧nö̧ Diosrö'inä, pärätä'inä ji̧nä̧ yo̧mȩtȩnä̧ amöcuädäcuähuocödo, —pä'ö huo̧juȩti̧nö̧do Jesús.

San Lucas 11:23

“Ttörö ucuotäcuähuä juiyönä cue'ächömä, ttö cha̧bo̧i̧ya̧do. Ja̧'hua̧ta̧nö̧ ttöcu ca̧ca̧to̧cö̧mä̧, ja̧'a̧tä̧ pperetö icudo.

San Lucas 14:26

—Ya̧tȩ ttöcu ichömä, jä'orö'inä, ja̧ju̧ru̧'i̧nä̧, esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ irecuarö'inä, i̧tti̧mö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ u̧bö̧o̧tö̧rö̧'i̧nä̧, ö̧jä̧hua̧tö̧rö̧'i̧nä̧ esehuomettö'inä abonänö ȩsȩhuä̧cua̧ ttörö. Ja̧'hua̧ta̧nö̧ chutä ö̧jö̧ttö̧ esehuomettö'inä abonänö ȩsȩhuä̧cua̧ ttörö. Ja̧'hua̧nö̧ jȩö̧ juiyöttömä, chu̧huo̧juȩtä̧cu̧ pä'i'ocö.

San Lucas 16:12

Ja̧'hua̧ta̧nö̧ ucutu adiu jȩcu̧'ä̧tu̧cu̧ juiyöttömä korotö ttöäre, ¿dijä̧ttö̧ ucuturu i̧yä̧cua̧mä̧, ucututä cuamönä cuhuäretucu päi'önä?

San Lucas 16:9

“Ttö pädä̧u̧jä̧, pi̧jä̧ jähuä cu̧ju̧nä̧rä̧tu̧cu̧mä̧, korotö ttesehuätucuacu pä'ö jȩpä̧tu̧cui̧. Pi̧jä̧ jähuä cu̧ju̧nä̧rä̧tu̧cu̧mä̧ beipächomenä, Dios eseunu ȩmä̧cua̧'a̧nö̧ ucuturu chutä ö̧jo̧mȩ beipocome cu̧ja̧cuä̧tu̧cua̧ pä'ö.

San Lucas 9:50

Ja̧'hua̧nö̧ ja̧'a̧ Jesús pä'inödo: —Jȩcu̧'ä̧' päcuhuätucuärö. Ujutu taboiyotöcö̧mä̧, jahuätömä ujututäcu ji̧nä̧ ji̧yȩtȩ huotö.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.