San Lucas 12:42 - TÄ̧DO Ä̧CUÄ̧ I̧HUȨNȨ

⁴² Tu̧ru̧hua̧ pä'inödo: —¿Dijä̧ttö̧ adiu huo̧ju̧nä̧ adicuä i̧sa̧mä̧? Ja̧u̧mä̧ isode ru̧hua̧ hueipäcu, ojusode ruhuärö ttu̧cuȩ iya pä'ö.

Nuevo Testamento Uwotjüja

⁴² Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Lucas 12:42 ပူးပေါင်းရင်းမြစ်များ

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Mateo 20:8

Ja̧'hua̧ ja̧'a̧ttö̧ yodo päi'omenä, pätta ru̧hua̧mä̧ ippeyä ru̧hua̧rö̧ pä'inödo: “Adicuä ttö̧ja̧rö̧ huopö, mititö jitätä. Äcuomenä, röjinä ichätörö cuimitaja. Ja̧'hua̧ta̧nö̧ röjinä, äcuomenä ichätörö cuimitaja.”

San Lucas 12:43

Eseunu ö̧jä̧cua̧ ja̧u̧ adicuä i̧sa̧, u̧ru̧hua̧ ichomenä hueinö jȩa̧'a̧ tomenä.

San Lucas 7:13

Ja̧'hua̧ ja̧'a̧ttö̧ jahuäjuru topö Tu̧ru̧hua̧ re rö̧jö̧nä̧ topinö jahuäjuru. Ja̧'hua̧ ja̧'a̧ttö̧ päinäcuado: —Cuajuähuä'.

San Lucas 7:19

Ja̧'hua̧nö̧ ja̧'a̧ttö̧ hue'inödo Jesúsru jättepa pä'ö: —¿Iso päi'önä, ucu tä̧ji̧ Cristo i̧chä̧cua̧ pättinäcumä? ¿Ji̧nä̧ ka̧ra̧rö̧ tta̧tä̧rä̧cua̧'a̧ tä̧ji̧?

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Timoteo 3:15

Jurunänö chichö juiyöttömä, Dios i̧tti̧mö̧ kä̧cuä̧huä̧ cu̧huo̧jua̧ pä'ö huȩyu̧tu̧sä̧. Jahuätömä, Dios i̧tti̧mö̧mä̧, Dios kö̧rö̧ esetätö. Jahuätömä adihuä huȩnȩ esetö tta̧'ä̧rä̧tö̧.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Hebreos 13:17

Ucuturu huo̧juȩtä̧tö̧ pättö ta'anö, adiu jȩpä̧tu̧cui̧. Jahuätörö ucuotätucui. Jahuätö ucutu cua̧'cua̧ru̧hua̧tu̧cu̧ tta̧'ä̧rä̧tö̧do. Jahuätömä ucuturu tta̧ttä̧ro̧mȩnä̧, Dios to̧pä̧rö̧ jahuätörö. Jahuätö ttaditähuä, tta̧'cua̧ tta̧'ȩcu̧ juiyönä, adiunätä räopa pä'ö ppä'ädätucui. Tta̧'cua̧ tta̧'ȩcu̧nu̧ jȩttö̧ttö̧mä̧, ucuturu'inä adihuoca'ado.

Hebreos 13:7

Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.

Hebreos 3:5

Moisés adicuä i̧sa̧ ta'anö adiunätä jȩpi̧nö̧do Dios umöhuäyotörö. Chutä aditähuä päi'önä ucuocuinödo Dios jiähuä̧cuȩtä̧.

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.