San Lucas 12:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ja̧'a̧ttö̧ o'ca juiyönä ucutu yo̧ö̧nä̧ jicuhuähuinätucumä, mo̧ro̧ tȩa̧u̧nä̧ ttä̧ju̧cuä̧cuo̧tö̧. Ja̧'hua̧ta̧nö̧ yä̧huä̧i̧nä̧ äpate ppe'tädäcuähui'ö jicuhuähuinätucumä, isode u'cuarä kä̧mä̧dö̧ huottäcuotö.

Nuevo Testamento Uwotjüja

³ Ja̧'wa̧nü̧ ja̧'a̧ yo̧mȩttü̧ päkuätukumä̧, tȩya̧wo̧mȩttü̧ kuä̧ju̧kuä̧kuo̧tü̧jä̧; ja̧'wa̧ta̧nü̧ kuoduttü kukuokuäjätukumä̧, isode wä̧mȩttü̧ jittäwa'a kuä̧ju̧kuä̧kuo̧tü̧jä̧.

San Lucas 12:3 ပူးပေါင်းရင်းမြစ်များ

San Mateo 10:27

Ucuturu yo̧ö̧nä̧ jidäumä, mo̧ro̧ tȩa̧u̧nä̧ ji'ähuätucui. Ja̧'hua̧ta̧nö̧ ucuturu, korotö tomettö jidäumä, isode huämettö huopönänö ji'ähuätucui.

San Mateo 12:36

Ucuturu pä'ösä, yodojimä Dios ttö̧ja̧rö̧ pojocuä mo̧ro̧ päi'omenä, o'ca toi'önä tti̧huȩnȩmä̧ ja̧'a̧tä̧ ttucuocuinö huȩnȩ amöcuädö jittähuäcuotö Dios ä'ca jo̧mȩttö̧.

San Mateo 24:17

Ja̧u̧nu̧ mo̧ro̧ päi'omenä, ya̧tȩ ojusode huäme kö̧mä̧, jacuojuttu ȩma̧ pä'ö i̧mȩyȩu̧ juiyö'a̧nö̧ ja̧'a̧.