San Lucas 11:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧. Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö.

Nuevo Testamento Uwotjüja

⁴ Ja̧'wa̧ta̧nü̧ suronä̧ jȩtä̧'i̧jü̧mä̧, pärokua'aku mikuä juiyünä̧tä̧ jȩpi̧tü̧, Ja̧'wa̧ta̧nü̧ ujuturu suronä̧ jȩpä̧tü̧ o'katoi'ünä̧rü̧, pärokua'aku mikuä juiyünä̧tä̧ jȩtü̧ta̧'a̧nü̧ jȩpi̧tü̧. Ta̧mi̧ 'kuätünä̧ ma̧tä̧cha̧'a̧nä̧mä̧ ja̧'a̧tä̧mä̧ to'kuätü, surojüku ma̧tä̧chü̧ juiyünä̧tä̧ ppä'äditü.

San Lucas 11:4 ပူးပေါင်းရင်းမြစ်များ

San Mateo 18:35

Ja̧'hua̧ ja̧'a̧ Jesús cä'ädö pä'inödo: —Chä'o mo̧ro̧jä̧nä̧ kö̧ ja̧'hua̧ta̧nö̧ jȩä̧cua̧ ucuturu'inä cu̧jä̧hua̧rö̧ suronä jȩo̧mȩnä̧ cuami iso'quinä eseunu cunichi'ätucu juiyöttömä, —pä'inödo Jesús.

San Mateo 26:41

To̧pä̧rö̧ ka̧cuä̧tu̧cui̧. Diosrö ucuocuätucui ucuturu ähuettä jȩo̧mȩnä̧, suronä jȩcu̧'ä̧tu̧cu̧ juiya pä'ö. Iso päi'önä cua̧'cua̧ru̧hua̧ adiu jȩa̧'a̧nä̧, cuidepämä adiumä jȩo̧cö̧.

San Lucas 11:5

Ja̧'hua̧ta̧nö̧ Jesús pä'inödo: —Ya̧tȩ cua̧hua̧ru̧hua̧ ojusodera̧'a̧ yodo kä'co jä'epö cui̧'chö̧ttö̧mä̧: “I̧ri̧si̧ huä̧bo̧si̧cuä̧ iyittö, cha̧hua̧ru̧hua̧.

San Lucas 13:4

Ja̧'hua̧ta̧nö̧ ¿ucutu amöcuädätöjä tä̧ji̧ jitö dieciocho ttö̧ja̧ Siloé ötahuiyä isode ju'toju isodettö to'einätömä, korotö Jerusalén ötahuiyänä ka̧cui̧nä̧tö̧ttö̧'i̧nä̧ abonänö suronä jȩtti̧na̧'a̧ttö̧ ttuhuämettö nu'cuächi'ö ma̧i̧nä̧u̧ pä'ö?

San Lucas 22:46

Ja̧'hua̧ ja̧'a̧ pä'inödo jahuätörö: —¿Dä̧bö̧ cuä'ätucuättö? Ä̧rä̧mi̧'ö̧, Diosrö ucuocuätucui, suronä jȩcu̧'ä̧tu̧cu̧ juiyäcua'a̧nö̧.

San Lucas 8:13

Korotömä, jacuä jähuä inähuänä ma̧ä̧chö̧ jä̧'i̧nö̧'a̧nö̧ huotö. Jahuätömä Dios i̧huȩnȩ ä̧ju̧cu̧, eseunu esetätö. Ja̧'hua̧nö̧ ja̧'a̧nä̧ ujupo'tiyä juiya'attö, a̧'u̧cua̧'a̧tä̧ esetätö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä jaropi'ätö.

San Juan 17:15

Ja̧'hua̧ta̧nö̧ pi̧jä̧ttö̧ rä'epö cuicuatö pä'ö jä'epö ucuocuocösä. Ähuettä jȩa̧'a̧cu̧ tta̧cu̧huä̧ra̧tö̧ pä'ö ucuocusä.

1 Corintios 10:13

Ucuturu suronä 'cuäopömä, korotörö'inä 'cuäopa'a ja̧'hua̧ta̧nö̧. Dios päömä jȩpö̧. Ja̧'a̧tä̧ topocö ucuturu suronä 'cuäopomenä, cuami 'quicuhuächi'ätucu juiyönä päi'omenä. Cujurutucu i̧yä̧cua̧ Dios, suronä 'cuäopomenä, cuami 'qui'ächi'ö cu̧jä̧tu̧cuä̧cua̧'a̧nö̧.

Colosenses 3:13

Korotörö cuami 'qui'ächi'önö ppä'ädätucui. Korotömä suronä jȩtto̧mȩnä̧ ucuturu, unichi'ätucui cu̧ra̧huä̧rä̧tu̧cuo̧ca̧'a̧. Cristo ucuturu suronä jȩcu̧'ä̧tu̧cu̧ unichi'inö ta'anö, unichi'ätucui korotörö.

2 Tesalonicenses 3:3

Ja̧'hua̧nö̧ ja̧'a̧nä̧ Tu̧ru̧hua̧ o'ca juiyönä päömä jȩpö̧. Cuami 'qui'ächi'ö cu̧ja̧cuä̧tu̧cua̧ pä'ö ppä̧dä̧cua̧. Ja̧u̧tä̧ ucuturu tta̧huä̧rä̧cua̧ surojö rȩbȩu̧ juiyönä.

2 Timoteo 4:18

Ja̧'hua̧ta̧nö̧ ttörö suronä jȩtto̧mȩnä̧, Tu̧ru̧hua̧ ppä̧dä̧cua̧ ttörö. Ttörö tta̧huä̧rä̧cua̧ mo̧ro̧jä̧ra̧'a̧ chi̧'cho̧mȩ jubö päi'önä. ¡'Cuäopönä Tu̧ru̧hua̧rö̧ ttesehuäcua'a̧nö̧! Amén.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.

Apocalipsis 2:10

Koronö ubara ttucuhuä̧cuȩmä̧ amöcuädö, yecuhuecuä'. Korotörö, ucututtu, ähuettämä cärenä ö̧tä̧cua̧, cuami 'qui'ächi'ö cu̧ja̧cuä̧tu̧cua̧ pä'ö. To̧mö̧rȩ mo̧ro̧ jo̧mȩnä̧, ubara ttucuhuäcuotöjä. Ja̧'hua̧nö̧ ja̧'a̧nä̧ hua'ö cuicuome jubö päi'önä, adiunätä kä̧nö̧ cue'ächi. Ja̧u̧nu̧ micuä päi'önä chi̧yä̧cua̧jä̧ kä̧cuä̧huä̧ i'co.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.