San Lucas 1:3 - TÄ̧DO Ä̧CUÄ̧ I̧HUȨNȨ

³ Ttö'inä o'ca juiyönä ji̧nö̧mä̧ ttu̧ȩcuä̧nä̧ jä̧'ȩpä̧rö̧ ä̧ju̧cui̧nö̧sä̧. Ja̧'hua̧nö̧ ja̧'a̧ttö̧ ja̧u̧ pojäunä chi̧huȩyu̧tu̧ttu̧mä̧ adihuaja'a a̧'cua̧ra̧'a̧, juiyo chucuotäcu Teófilo.

Nuevo Testamento Uwotjüja

³ Ja̧'wa̧ta̧nü̧ Ttü'i̧nä̧, ä̧kuo̧mȩnä̧ ji̧nü̧ttü̧ kkä̧mä̧dü̧ o'kajuiyünä̧tä̧ usú tochomȩnä̧ adiunä̧ jä̧ku̧, ji̧nü̧'a̧kuä̧ wȩyu̧tu̧ wedäku pä'ü amükuädinü̧sä̧, uku ru̧wa̧ Teófilo-rümä̧,

San Lucas 1:3 ပူးပေါင်းရင်းမြစ်များ

San Lucas 1:1

Ttö̧ja̧ recuätö tti̧huȩyu̧ta̧ pä'ö adiu pojäunä ujutu 'cuäopinömä ujutu tö̧'quȩtȩttö̧, äcuomenä topinätömä, Dios i̧huȩnȩ ppä'ädönö ji'ähuinätödo. Ja̧'hua̧ta̧nö̧ jahuätö ujuturu jittähuinömä juhua'a yabo huȩyu̧ti̧nä̧tö̧do korotömä.

Hechos 1:1

Äcuomenä cuyäru'tä huȩyu̧ti̧nö̧sä̧ ucuru Teófilo, o'ca juiyönä Jesucristo äcuomenä kä̧mä̧dö̧ jȩi̧nö̧'i̧nä̧, u̧huo̧juȩti̧nö̧'i̧nä̧, mo̧ro̧jä̧ra̧'a̧ cäecuächinome jubö päi'önä. Mo̧ro̧jä̧ra̧'a̧ cäecuächäcua'a ä'canä u̧mä̧tö̧rö̧ ȩmi̧nö̧do hue'ähuotö pai'önä. Jahuätörö Espíritu Santo ujurunä ji'äu huo̧juȩti̧nö̧do jȩtta̧ pä'ö.

Hechos 11:4

Ja̧'hua̧nö̧ ja̧'a̧ Pedro äcuomenä kä̧mä̧dö̧ ji'ähuinödo o'ca juiyönä 'cuäopinömä. Pä'inödo:

Hechos 15:19

Juhua'a yabonö pä'inödo Jacobo: —Ja̧'hua̧ ja̧'a̧ judíos huocotö täbocö ttesetinö jaropi'ö, Diosrö esetätörö koro juäi jȩtta̧ pä'ö huetö juiyö'a̧nö̧ ja̧'a̧, pä'ösä ttömä, —pä'inödo Jacobo.

Hechos 15:25

Ja̧'hua̧nö̧ ja̧'a̧ttö̧ ujutu ca̧ca̧cui̧pö̧, ji̧nä̧ yo̧mȩtȩ amöcuädö, ujututtu yotöterö ȩmä̧jä̧tö̧jä̧ ujutu repetä̧u̧ tö̧jä̧hua̧tö̧cu̧ Bernabécu, Pablocu hueta pä'ö ucutu cu̧ja̧cuä̧tu̧cua̧'a̧.

Hechos 15:28

Espíritu Santo'inä, ujutu'inä amöcuädäjätöjä koro juäi hue'ocotöjä pä'ö. Pi̧yȩtä̧ ji̧yȩä̧cuȩtä̧ hue'ätöjä.

Hechos 18:23

Juhua'a recuo kä̧ji̧'ca̧, pä'äji ta'anö rä'opö 'chi̧nö̧do. Jesucristorö esetätörö ppä'ädö huo̧juȩtö̧ ji'ähuä̧ya̧ 'cuä'opinödo o'ca juiyönä Galacia rȩjȩ'i̧nä̧, Frigia rȩjȩ'i̧nä̧.

Hechos 23:26

“Ttö Claudio Lisias chi̧huȩnȩ hue'ösä ucuru te'äu, juiyo chucuotäcujä ru̧hua̧ Félix.

Hechos 24:3

O'ca juiyönä ucu huecu'a̧nö̧ jȩto̧mȩnä̧, ti̧rȩjä̧ pö̧nä̧ 'cuäopönä eseunu ka̧cuä̧tö̧jä̧. Ucumä o'ca toi'önä tucuotäcujä Félix.

Hechos 26:25

Ja̧'hua̧nö̧ ja̧'a̧ Pablo ädätinödo: —Suripächocösä, ru̧hua̧ Festo. Jidäumä iso päi'önä huȩnȩ adiu amöcuädö ji'äusä.

1 Corintios 16:12

Ja̧'hua̧ta̧nö̧ tö̧jä̧hua̧ Apolosrö rö̧ȩnä̧ ucuocuinösä, korotö tö̧jä̧hua̧tö̧cu̧ i̧'cha̧ pä'ö ucuturu topö. Ja̧'hua̧nö̧ ja̧'a̧nä̧ i̧'cha̧ pä'ocö pi̧nö̧do jitätämä. Koronö mo̧ro̧ päi'omenä i̧'chä̧cua̧do.

1 Corintios 7:40

Juhuorö'inä kirecuo hua'ö icuomenä, ka̧ra̧rö̧ kö̧jö̧ juiyöttömä, rö̧ȩnä̧ kesehuäcuaju. Ttö ja̧'hua̧nö̧ amöcuädösä. Ja̧'hua̧ta̧nö̧ ttö'inä Espíritu Santorö ku̧nä̧rö̧sä̧.

1 Timoteo 4:6

Tö̧jä̧hua̧tö̧rö̧ pi̧yȩ huȩnȩ cu̧huo̧juȩto̧mȩnä̧, adiu jȩpö̧jä̧ Jesucristo hueähuä. Ja̧'hua̧ta̧nö̧ cuesetinö'inä, ucuru ttu̧huo̧juȩti̧nö̧'i̧nä̧ jȩcu̧'i̧nö̧ ta'anö jȩcu̧'o̧mȩnä̧, juhua'a yabonö cu̧ju̧ru̧huä̧cua̧jä̧.