Judas 1:7 - TÄ̧DO Ä̧CUÄ̧ I̧HUȨNȨ

⁷ Jahuätö ángeles, suronä jȩpi̧nä̧tö̧rö̧ tä̧bo̧ti̧nö̧do Dios. Ja̧'hua̧ta̧nö̧ Sodoma ötahuiyä ttö̧ja̧rö̧'i̧nä̧, Gomorra ötahuiyä ttö̧ja̧rö̧'i̧nä̧, koro ötahuiyä tö'cönänö ka̧cu̧ ttö̧ja̧rö̧'i̧nä̧ tä̧bo̧ti̧nö̧do. Jahuätömä nä̧tö̧cu̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ta̧nö̧ u̧mä̧tö̧ u̧mä̧tö̧cu̧ suronä jȩpi̧nä̧tö̧do. Ja̧'hua̧ ja̧'a̧ Dios jahuätörö ocuränä, beipocaränä tä̧bo̧cuä̧ päi'önä ku icuinö, huo̧juȩcuä̧ päi'önä ka̧'a̧ jitä ka̧cuä̧tö̧rö̧.

Nuevo Testamento Uwotjüja

⁷ Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.

Judas 1:7 ပူးပေါင်းရင်းမြစ်များ

San Mateo 10:15

Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttö̧ja̧ttö̧'i̧nä̧ abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Mateo 11:24

Ja̧'hua̧ ja̧'a̧ ucuturu pä'ösä, Dios ttö̧ja̧rö̧ pojocuä mo̧ro̧ päi'omenä, Sodoma ötahuiyättö'inä abonänö rö̧ȩnä̧ suronä 'cuäopäcua'a ucuturu, —pä'inödo Jesús.

San Mateo 25:41

“Ja̧u̧nu̧ o'ca'a ja̧u̧ Ru̧hua̧ ieruhua'anä pȩjä̧tö̧rö̧ pä̧cua̧: “Ttöttö'inä i̧mi̧cu̧nä̧ 'quȩ'i̧pä̧chä̧tu̧cui̧. Ucuturu suronä 'cuäopäcua'a. Ocurära̧'a̧, beipocarära̧'a̧ tätucui. Juhuarä beipocaränä ähuettäcu, umöhuäyotö ángelescu ttö̧ja̧cua̧ pä'ö aditinödo Dios.

San Lucas 17:29

Ja̧'hua̧nö̧ ja̧'a̧ Lot Sodoma ötahuiyättö rä'opächinödo. Ja̧'hua̧nö̧ räopächäji o'ca'a, ocurä'inä, inädu cuoädu'inä ma̧i̧na̧'a̧do mo̧ro̧jä̧ra̧'a̧ttö̧. Ja̧'hua̧nö̧ o'ca toi'önä to'ei'inätödo.

1 Corintios 6:9

¿Ucutumä jerupätöjä tä̧ji̧? Suronä jȩpä̧tö̧mä̧ yoröiso toäcua'a Dios ö̧jo̧mȩttö̧. Yapareu cuesetätucuä'. Korotö korotö tti̧rȩcua̧mö̧rö̧ usätö'inä, ttu̧mö̧nä̧ adicuänä esetätö'inä, nä̧tö̧rö̧ jȩpä̧'chä̧tö̧'i̧nä̧, u̧mä̧tö̧ korotö u̧mä̧tö̧rö̧, nä̧tö̧rö̧ jȩttö̧'a̧nö̧ jȩpä̧'chä̧tö̧'i̧nä̧ yoröiso toäcua'a Dios ö̧jo̧mȩttö̧.

2 Tesalonicenses 1:7

Ucutu ubara ttu'ätörö'inä, ujuturu'inä 'cuätächi'a pä'ö ppädäcuotöjä Diosmä, Tu̧ru̧hua̧ Jesús ocuräcu, ángeles juruhuätöcu mo̧ro̧jä̧ra̧'a̧ttö̧ ichö mo̧ro̧ päi'omenä.

2 Tesalonicenses 1:8

Ja̧u̧mä̧ Diosrö esetocotörö'inä, Tu̧ru̧hua̧ Jesucristo i̧huȩnȩ esetocotörö'inä ö̧tä̧bo̧ta̧ pä'ö i̧chä̧cua̧.

2 Pedro 2:2

Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

2 Pedro 2:6

Ja̧'hua̧ta̧nö̧ Dios tä̧bo̧tö̧ be'epäjipö icu, ku icuinödo Sodoma ötahuiyä'inä, Gomorra ötahuiyä'inä. Ja̧u̧mä̧ o'ca'a, suronä jȩpö̧ ka̧cuä̧tö̧ topö ttu̧huo̧jua̧ pä'ö jȩpi̧nö̧do.

2 Pedro 3:7

Ja̧'hua̧nö̧ ja̧'a̧nä̧ jitä ka̧cu̧mä̧, mo̧ro̧jä̧'i̧nä̧, pi̧jä̧'i̧nä̧ Diosrö pä̧huä̧ rö̧jo̧mȩnä̧ hua'adö ku̧ni̧nö̧do, churutä pä̧huä̧ rö̧jo̧mȩnä̧ ku icua pä'ö. Dios ttö̧ja̧rö̧ pojocuä mo̧ro̧, suronä jȩpä̧tö̧rö̧ to'ädö icu mo̧ro̧, jahuätö cuo'ö tticuäcuotödo ja̧u̧ ocuränä.