San Juan 8:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧nä̧ ja̧u̧ juäi ä̧ju̧cu̧, jitötä ttamönä suronä ttamöcuädäja'attö, rä'opinätödo. Äcuomenä böäcuächätö rättopö o'ca'a, möäyotö'inä rä'opinätödo. Jahuätö o'ca toi'önä rättopäji o'ca'a, Jesús jahuäju isajucutä ki̧nö̧do.

Nuevo Testamento Uwotjüja

⁹ Ja̧'wa̧nü̧ pä'a ä̧ju̧ku̧, tta̧mü̧kuädü jakuänä̧ ji̧ä̧wä̧u̧ ya̧ku̧nä̧ dü'ekuinä̧tü̧, büäkuächätüttü kkä̧mä̧dü̧ yoyoja̧'a̧ año a̧'u̧kuo̧tübü päi'ünä̧. Ja̧'wa̧nü̧ ja̧'a̧ Jesú-mä̧ kkatä, isajukutä kki̧'i̧pü̧.

San Juan 8:9 ပူးပေါင်းရင်းမြစ်များ

San Lucas 13:17

Jesús ja̧'hua̧nö̧ päomenä, o'ca toi'önä aboiyotö dä'ä ttu'inätödo. Ja̧'hua̧nö̧ ja̧'a̧nä̧ ttö̧ja̧ o'ca toi'önä esehuinätödo, ja̧u̧ topö ucuo kö̧nä̧ Jesús jȩi̧yä̧u̧.

San Juan 8:10

Ja̧'hua̧ ja̧'a̧ttö̧ Jesús jueönä pä̧nö̧, yajutä isaju katä kö̧ja̧'a̧ topö päinäcuado: —Isaju, ucuru suronä ucuocuäjätömä ¿to tti̧'chä̧jä̧ttö̧? ¿Ucuru tä̧bo̧to̧co̧tö̧ päjätö tä̧ji̧?

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 8:2

Ja̧u̧nu̧ o'ca'a mo̧ro̧, mo̧ro̧ juomenä, Diosrö ucuocuäcuähuodera̧'a̧ ppa̧'ä̧chi̧nö̧do. O'ca toi'önä ttö̧ja̧ ja̧u̧ru̧ tö'cönänö ichi'inätödo. Ja̧u̧ pä̧mä̧dö̧, huo̧juȩti̧nö̧do jahuätörö.

San Juan 8:3

Ja̧'hua̧ ja̧'a̧ hueähuä huȩnȩ huo̧juȩtä̧tö̧'i̧nä̧, fariseos huotö'ina yajute isaju ka̧ra̧cu̧ suronä jȩpä̧jä̧ju̧ru̧ i'cächinätödo. Jesús ippeyänä pȩjä̧tö̧ ttö̧'quȩtȩnä̧ i'cächö ku̧ni̧nä̧tö̧do.

San Juan 8:8

Ja̧'hua̧nö̧ päji o'ca'a pä'äji ta'anö rȩjȩcu̧ topö, huȩyu̧ti̧nö̧do rȩjȩ.

Romanos 2:15

Ja̧'hua̧nö̧ jȩtto̧mȩnä̧, hueähuä huȩnȩ ttami iso'quinä ttu̧ju̧nä̧ra̧'a̧ jä̧'i̧nö̧'a̧nö̧ jȩpä̧tö̧. Jitötä ttamönä amöcuädö jȩttö̧mä̧ ji̧yȩtä̧ i̧jȩpa̧'a̧. Ja̧'hua̧ta̧nö̧ ttamönä ttamöcuädö ucuocua'a: “Ucu adiu jȩpö̧jä̧”, “Ucu suronä jȩpö̧jä̧” pä'ö.

Romanos 2:22

Ucu pä'öjä: “Ka̧ra̧ irecuarö jȩcu̧'ä̧tu̧cuä̧'.” ¿Ucu ka̧ra̧ irecuarö jȩpo̧cö̧jä̧ tä̧ji̧? Ucu pä'öjä̧: “Ttö̧ja̧ ttumönä adicuä juäi esetäcuähuocö.” ¿Ucu ttö̧ja̧ ttu̧mö̧nä̧ adicuä juäi ucuocuäcuähuodettö, na̧u̧cuo̧cö̧jä̧ tä̧ji̧?