San Juan 4:6 - TÄ̧DO Ä̧CUÄ̧ I̧HUȨNȨ

⁶ Ju̧huȩnȩmä̧ ajiya reju acuinäjudo. Juhuäju Jacob iso'u pä'ö micuino'udo. Jesús mä̧nä̧nä̧ i̧'cho̧mȩttö̧ 'cuä'ächi'ö, ju̧huȩnȩ iso'u jäyä pä̧mä̧di̧nö̧do. Ja̧u̧nu̧mä̧ kä̧hua̧ jueö kö̧rö̧ ji̧na̧'a̧do.

Nuevo Testamento Uwotjüja

⁶ Juȩnȩmä̧ Jaco ireju, ajiya akuäju kki̧na̧'a̧. Jesú-mä̧ mä̧nä̧nä̧ ichäja'a 'kuä'ächi'ü, juäju jäyä pä̧mä̧di̧nü̧. Jua̧u̧nu̧mä̧, täkü kkä̧wa̧ jueü kkü̧rü̧ ji̧na̧'a̧.

San Juan 4:6 ပူးပေါင်းရင်းမြစ်များ

San Mateo 27:45

Ja̧u̧nu̧ pä̧nä̧ o'ca juiyönä pi̧jä̧nä̧ kä̧hua̧ jueö kö̧rö̧ päi'omenä kä̧mä̧dö̧ yo̧i̧'i̧na̧'a̧do. Ja̧'hua̧nö̧ ja̧'a̧nä̧ kä̧hua̧ huerächi'örö cä'ädö mo̧ro̧ päi'ina'ado.

San Mateo 4:2

Ttö̧ja̧ ta̧ju̧ mo̧ro̧'i̧nä̧, ttö̧ja̧ ta̧ju̧ yodo'inä u̧cuȩ ucuoca'a ki̧nö̧do. Ja̧u̧nu̧ o'ca'a ucua ppä̧i̧ rö̧jä̧chi̧'i̧nä̧cu̧do.

San Mateo 8:24

Duboranä tti̧'cho̧mȩnä̧, kä̧ru̧'coppa kä̧ru̧'co̧hui̧na̧'a̧do. Dubora rö̧ȩnä̧ ppa̧huo̧mȩnä̧, huoi'ca'inä huäocuächärina'ado. Ja̧'hua̧nö̧ ja̧'a̧nä̧ Jesús ä̧'ä̧rö̧ pi̧nö̧do.

San Lucas 2:7

Juhuorö äcuomenä ki̧tti̧rö̧ uhuäbecuinäjudo. Cue'ächähuotö ttä'ä'ijode ttö̧ja̧ttö̧ suhuädi'a'attö̧, jäyähuodenä pö̧jä̧ta̧nä̧ juä'opö rötinäjudo ttäji cuäcuähuotö ttucuä'cua rötähuo̧ca̧nä̧.

San Lucas 9:58

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

San Juan 11:9

Jesús päinä̧u̧do: —¿Ya'ute mo̧ro̧ ttö̧jä̧pö̧ttö̧nö̧ todäre horas ka̧'a̧ tä̧ji̧? Ya̧tȩ mo̧ro̧ cue'ächömä, koro juäinä dö'ö ma̧'o̧cö̧, pi̧jä̧ tȩa̧u̧nä̧ topö cueächa'attö.

San Juan 4:12

Ujutu tä̧do̧ mi̧nä̧ Jacob ujuturu iyinödo pȩnȩmä̧. Ja̧u̧'i̧nä̧, i̧tti̧mö̧'i̧nä̧, ä̧ji̧mö̧'i̧nä̧ pottö ahuinätödo. Ja̧'hua̧ ja̧'a̧ttö̧ ¿ucumä Jacobttö'inä abonänö adihuä i̧sa̧jä̧ tä̧ji̧?

San Juan 4:5

Ja̧'hua̧ ja̧'a̧ttö̧ Sicar ötahuiyära̧'a̧, Samaria rȩjȩttö̧ 'chä̧hui̧'i̧nö̧do. Ja̧u̧ ötahuiyä Jacob, i̧tti̧ Josérö iyinä̧jä̧ttö̧ töcönänö ji̧na̧'a̧do.

San Juan 4:7

Ju̧huȩnȩtä̧ ö̧'a̧'a̧nä̧, chutä u̧huo̧juȩtä̧u̧ ötahuiyära̧'a̧ ttu̧cuȩ ȩmo̧po̧'ö̧ 'chi̧nä̧tö̧do. Ja̧'hua̧nö̧ ja̧'a̧nä̧ yajute Samaria ttö̧ja̧ isaju ajiya huäja pä'ö ichinäjudo. Jesús jahuäjuru pä'inödo: —Ajiya chahua iyittö.

2 Corintios 8:9

Ucutumä täcö huo̧juä̧tö̧jä̧ Tu̧ru̧hua̧ Jesucristo adihuä juäi iyö ujuturu. Ja̧u̧ o'ca juiyönä ku̧nä̧ri̧nö̧do. Ja̧'hua̧nö̧ ja̧'a̧nä̧ ucuturu repe'ö usurä i̧sa̧ ta'anö pä'i'inödo, ucutu ja̧u̧ru̧ esetö, järe ruhuotö ta'anö cu̧ja̧cuä̧tu̧cua̧ pä'ö.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.