San Juan 4:1 - TÄ̧DO Ä̧CUÄ̧ I̧HUȨNȨ

¹ Juanttö'inä abonänö recuätö ttö̧ja̧ Jesús o'ca'anä cuettächa'a ä̧ju̧cui̧nä̧tö̧do fariseos huotö. Ja̧'hua̧ta̧nö̧ Juanttö'inä abonänö recuätörö bautizando jȩi̧nö̧'i̧nä̧ ä̧ju̧cui̧nä̧tö̧do.

Nuevo Testamento Uwotjüja

¹ Ja̧'wa̧nü̧ ja̧'a̧ fariseo wotümä̧ wo̧jui̧'i̧nä̧tü̧, Jesú-mä̧ Ju̧a̧-ttü̧'i̧nä̧ abonä̧nü̧ u̧wo̧juȩtä̧u̧rümä̧ kku̧nä̧rü̧do ja̧'wa̧ta̧nü̧ bautizo'i̧nä̧ rekuätürü jȩpü̧do pätta'a,

San Juan 4:1 ပူးပေါင်းရင်းမြစ်များ

San Lucas 1:76

Ja̧'hua̧ta̧nö̧ chi̧tti̧, Ju'toju Ru̧hua̧ Dios i̧huȩnȩ jiäcuähuä i̧sa̧ pä̧ttä̧cua̧jä̧. Tu̧ru̧hua̧ ä'canä cui̧'chä̧cua̧jä̧ u̧mä̧ni̧yä̧ jo̧mȩ päi'önä juȩ'ȩpä̧ya̧.

San Lucas 19:31

Korotö ucuturu cuejädätucua'a jättepöttömä, jicuhuähuätucuaja: “Tu̧ru̧hua̧ piderö pä̧huä̧ rö̧jä̧cu̧.”

San Lucas 19:34

Jahuätö ädätinätödo: —Tu̧ru̧hua̧ piderö pä̧huä̧ rö̧jä̧cu̧.

San Lucas 2:11

Mo̧ro̧ji̧ mo̧ro̧ uhuäpächäji David idepiyuttu ya̧tȩ suronä jȩcu̧'ä̧tu̧cu̧ jȩpö̧ i̧cuä̧cua̧ ucuturu. Ja̧u̧tä̧ Tu̧ru̧hua̧ Cristomä.

San Lucas 7:13

Ja̧'hua̧ ja̧'a̧ttö̧ jahuäjuru topö Tu̧ru̧hua̧ re rö̧jö̧nä̧ topinö jahuäjuru. Ja̧'hua̧ ja̧'a̧ttö̧ päinäcuado: —Cuajuähuä'.

San Lucas 7:19

Ja̧'hua̧nö̧ ja̧'a̧ttö̧ hue'inödo Jesúsru jättepa pä'ö: —¿Iso päi'önä, ucu tä̧ji̧ Cristo i̧chä̧cua̧ pättinäcumä? ¿Ji̧nä̧ ka̧ra̧rö̧ tta̧tä̧rä̧cua̧'a̧ tä̧ji̧?

San Juan 3:22

Ja̧u̧nu̧ o'ca'a, Jesúscu, u̧huo̧juȩtä̧u̧cu̧ Judea rȩjȩra̧'a̧ 'chi̧nä̧tö̧do. Juhua'atä recuonänö ka̧cui̧nä̧tö̧do ttö̧ja̧rö̧ bautizando jȩpö̧.

San Juan 3:26

Ja̧'hua̧nö̧ ttucuocuomenä, Juanrö ji'äu 'chi̧nä̧tö̧do. Pä'inätödo: —Huo̧juȩcuä̧ I̧sa̧, Jordán aje ji̧jȩcu̧nä̧ttö̧ ucucu ki̧nö̧mä̧, ujuturu'inä päcuhuinäcumä, jitä bautizando jȩpö̧ ja̧u̧'i̧nä̧. Ja̧'hua̧ta̧nö̧ o'ca toi'önä ttö̧ja̧ o'ca'anä cue'ächätö.

Hechos 10:36

Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

1 Corintios 1:17

Cristomä ttörö hue'ocö pi̧nö̧ korotörö bautizando jȩcha̧ pä'ö. Ja̧u̧ hue'inö suronä jȩttö̧ jȩpö̧ icu huȩnȩ jidähua pä'ö. Ja̧'hua̧ta̧nö̧ Cristo dau isodänä 'corupäi'inö huȩnȩ jeruhuocötä ji'äusä.

1 Corintios 15:47

Äcuomenä ttö̧ja̧ i̧sa̧ pi̧jä̧ redä'ca i̧sa̧ppȩttö̧ a̧di̧cua̧ pi̧nö̧do. Ja̧u̧nu̧ o'ca'a pi̧nö̧mä̧, Tu̧ru̧hua̧ pi̧nö̧mä̧, mo̧ro̧jä̧ra̧'a̧ttö̧ ichinödo.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

Santiago 2:1

Chö̧jä̧hua̧tö̧, adihuä Tu̧ru̧hua̧ Jesucristorö esetätömä, “Ka̧ra̧ ka̧ra̧ttö̧'i̧nä̧ abonänö adihuä i̧sa̧” päcuhuätucu juiyö'a̧nö̧ ja̧'a̧.

Apocalipsis 19:16

Chutä ö̧'ca̧tä̧huä̧ta̧nä̧'i̧nä̧, öjanä'inä pa̧'a̧nö̧ huȩyu̧cui̧na̧'a̧: “O'ca toi'önä Ttu̧ru̧hua̧”, huȩyu̧cui̧na̧'a̧.