San Juan 15:11 - TÄ̧DO Ä̧CUÄ̧ I̧HUȨNȨ

¹¹ “Ucuturu pa̧'a̧nö̧ ji'äusä ttörö cuesehuätucuäcua'a̧nö̧. Ja̧'hua̧nö̧ cuesehuätucuttumä, adihuä juäinätä cuesehuäcuotöjä.

Nuevo Testamento Uwotjüja

¹¹ Pa̧'a̧nü̧ chukuokuä̧u̧jä̧, ttü cheseu ukutunä̧ kka̧ pä'ü, jua̧u̧ kuesewätuku jo̧mȩnü̧ päi'ätukuaku pä'ü.

San Juan 15:11 ပူးပေါင်းရင်းမြစ်များ

San Lucas 15:23

Päcäyä bä̧rȩpa̧ttö̧ i'cächö cuä'ätucui, cuäcuähuä'inä eseunu kä̧nö̧ tucuätucua.

San Lucas 15:32

Ja̧'hua̧nö̧ ja̧'a̧ttö̧ jitämä juiyo adihua'a cuä̧nö̧ tesehuomenämä. Cu̧jä̧hua̧ 'corupä'i'inö'ca̧, pä'äji ta'anö kö̧. Re'tehuinö'ca̧, pä'äji ta'anö tö̧'o̧cui̧'ä̧cu̧,” pä'inödo ja̧u̧ jä'omä, —pä'ö huo̧juȩti̧nö̧do Jesús.

San Lucas 15:5

Ja̧'hua̧nö̧ ja̧'a̧ täcö ö̧'o̧cui̧'o̧mȩnä̧, eseunu u'upi'canä huä̧do̧u̧, ojusodera̧'a̧ 'chä̧hui̧'ö̧, ahuaruhuärö ca̧ca̧to̧'ö̧, tö'cö odehuiyä ruhuärö pä'ö: “Esehuätucui ttöcu. Täcö po̧cui̧pä̧ji̧sä̧ chäji oveja re'tehuächäjirö.”

San Lucas 15:9

Ja̧'hua̧nö̧ ja̧'a̧ täcö kö̧'o̧cui̧'o̧mȩnä̧, kahuaruhuärö, kojusode tö'cö odehuiyä ruhuärö, ca̧ca̧to̧'ö̧ pä'äju: “Esehuätucui ttöcu. Täcö po̧cui̧pä̧jä̧ju̧sä̧ chöäre pärätä̧bi̧ toei'inä̧bi̧mä̧.”

San Juan 16:24

Jitä mo̧ro̧ päi'önä ucutumä yoröiso jä'epocotö pi̧nä̧tö̧jä̧ chi̧mi̧nä̧. Jä'epätucui. Dios i̧yä̧cua̧ ucuturu o'ca juiyönä, cuesehuätucua pä'ö.

San Juan 16:33

Ucuturu ji'äusä pi̧yȩ, ttörö esetö cuesehuätucua pä'ö. Pi̧jä̧nä̧ kä̧nö̧ ubara ttucuhuäcuotöjä. Ja̧'hua̧nö̧ ja̧'a̧nä̧ cujuruhuätucuaja. Ttömä pi̧jä̧ttö̧'i̧nä̧ abonänö ju̧ru̧hua̧sä̧, —pä'inödo Jesús.

San Juan 17:13

“Jitämä ucu cu̧ja̧'a̧cu̧ chi̧chä̧cua̧sä̧. Ja̧'hua̧nö̧ ja̧'a̧nä̧ pi̧jä̧nä̧ ji̧nä̧ chö̧jä̧i̧, pi̧yȩ huȩnȩ ji'äusä, jahuätö'inä ttö cheseu ta'anö ttesehua pä'ö.

San Juan 3:29

Ya̧tȩ irecuarö ȩmo̧mȩnä̧, ya̧tȩtä̧ irecuarö ȩmö̧. A̧hua̧ru̧hua̧ ippeyänä ä̧ju̧cu̧ kö̧mä̧, irecuarö ȩmö̧mä̧ ucuocuomenä, juiyo eseudo. Ja̧'hua̧ta̧nö̧ pi̧yȩ chä̧ju̧cuo̧mȩnä̧, juiyo eseusä.

Romanos 15:13

Dios, ta̧'cua̧ tu̧huȩnä̧ra̧ pä'ö iyömä, ucuturu suhuädi'önä iyäcua'a̧nö̧ eseäcuähuä'inä, cua̧'cua̧ adiu kä̧cuä̧huä̧'i̧nä̧, ja̧u̧ru̧ cuesetätucuomenä. Ja̧'hua̧ta̧nö̧ Espíritu Santo ujurunä cua̧'cua̧ cu̧huȩnä̧rä̧cuä̧huä̧ rö̧ȩnä̧ juoächö'a̧nö̧ ucuturu.

2 Corintios 1:24

Üjutu ji'äu hue'ocotöjä ucutu cuesetätucumä. Täcö cuami 'qui'ächi'ö esetätöjä. Ja̧'hua̧nö̧ ja̧'a̧ttö̧ juhua'a yabonö cuesehuätucua pä'ö, ppätäda pä'ätöjä.

Efesios 5:18

Tä̧cu̧huä̧mä̧tu̧cuä̧'. Ja̧'hua̧nö̧ jȩpö̧ be'ipächätöjä. Pärocua'acu rö̧ȩnä̧ ku̧nä̧rä̧tu̧cui̧ Espíritu Santorö cuami iso'quinä su'penö.

Filipenses 1:25

Ja̧'hua̧nö̧ ja̧'a̧ttö̧ iso päi'önä huo̧jua̧sä̧, ji̧nä̧ ucuturu ppä'ädö chö̧jä̧cua̧sä̧, ji̧nä̧ isocu rö̧ȩnä̧ esetö cuesehuätucua pä'ö.

1 Tesalonicenses 5:16

'Cuäopönä esehuätucui.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

1 Juan 1:4

Ja̧'hua̧ ja̧'a̧ pi̧yȩ huȩnȩ huȩyu̧tu̧ hue'ätöjä o'ca toi'önä cuesehuätucua pä'ö.

2 Juan 1:12

Rö̧ȩnä̧ ucuturu jidähua päda'anä, cuyäru isojänä huȩyu̧tu̧ hueda pä'ocösä. Ucuturu do'ächö chicha pä'ösä, pätecuänö pä̧nö̧ tucuocua pä'ö. Ja̧u̧nu̧ chichomenä, rö̧ȩnä̧ tesehuäcuotöjä.