San Juan 12:36 - TÄ̧DO Ä̧CUÄ̧ I̧HUȨNȨ

³⁶ Ja̧u̧ tȩa̧u̧, ji̧nä̧ ucutucu ö̧ja̧'a̧ esetätucui, tȩa̧u̧ ttö̧ja̧ päcuhui'ätucua pä'ö. Ja̧'hua̧nö̧ ji'ähuäji'ca̧, Jesús jahuätö ttö̧jo̧mȩttö̧ rä'opächö, jahuätöttö dajahuächinödo.

Nuevo Testamento Uwotjüja

³⁶ Tȩya̧u̧nä̧ esetätukui, ji̧nä̧ tȩya̧u̧ ku̧ju̧nä̧rä̧tu̧kuä̧i̧tä̧, jua̧u̧ tȩya̧u̧ i̧tti̧mü̧ kuätukuäkua'anü̧. Pi̧yȩ pä'ü kä'ädi'ipütä, Jesú-mä̧ rä'opächü, juätürü dajawächinü̧.

San Juan 12:36 ပူးပေါင်းရင်းမြစ်များ

San Mateo 21:17

Ja̧u̧nu̧ o'ca'a jahuätörö jaropi'ö, ötahuiyättö rä'opö Betania ötahuiyära̧'a̧ 'chi̧nö̧do yodo 'cuäopa pä'ö.

San Mateo 5:14

“Ja̧'hua̧ta̧nö̧ ucutumä pi̧jä̧ jähuä tȩa̧u̧ jä̧'i̧nö̧'a̧nö̧ huotöjä. Iso päi'önä ötahuiyä möä'ca huäme ttaditöttömä, yoröiso dajahuächocö ja̧u̧ ötahuiyä.

San Lucas 16:8

Järe ru̧hua̧ huo̧juä̧chi̧'i̧nö̧do ippeyä ru̧hua̧ jȩpö̧ jȩä̧ji̧, huo̧ju̧nä̧ jȩpi̧nö̧ juhua'amä, pä'ö. Iso päi'önä tȩa̧u̧ ttö̧ja̧ttö̧'i̧nä̧ abonänö huo̧juä̧chi̧'ö̧nä̧ jȩpä̧tö̧ pi̧jä̧ ttö̧ja̧ ka̧ra̧ ka̧ra̧nö̧rö̧.

San Juan 11:54

Ja̧'hua̧nö̧ ja̧'a̧ttö̧ ja̧u̧nu̧ o'ca'a o'ca toi'önä ttu̧huo̧juo̧mȩcu̧ Jesús cue'ächocö pi̧nö̧do judíos ttö̧ja̧ ttö̧'quȩtȩnä̧. Judea rȩjȩttö̧ rä'opö, Efraín ötahuiyära̧'a̧, de'a tö'cönänö ji̧no̧mȩ 'chi̧nö̧do. Juhua'atä u̧huo̧juȩtä̧u̧cu̧ ki̧nö̧do.

San Juan 12:37

Jesús judíos ttö̧ja̧ ttä'ca jo̧mȩttö̧ rö̧ȩnä̧ ttö̧ja̧ ttieru juäi jȩa̧'a̧ tottomenä, ja̧u̧ru̧ yoröiso esetocotö pi̧nä̧tö̧do.

San Juan 12:46

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

San Juan 3:21

Ja̧'hua̧nö̧ ja̧'a̧nä̧ iso päi'önä juäi jȩpä̧tö̧mä̧, ja̧u̧ tȩa̧u̧ tö'cöpächätö, Diosrö pä̧huä̧ rö̧jo̧mȩnä̧ jȩtta̧'a̧ ttu̧huo̧juä̧cua̧'a̧nö̧ korotömä.

San Juan 8:12

Jesús pä'äji ta'anö ttö̧ja̧rö̧ ucuocu huo̧juȩti̧nö̧do: —Ttötäsä pi̧jä̧ tȩa̧u̧mä̧. Ttöcu cue'ächömä kä̧cuä̧huä̧ i'co tȩa̧u̧ u̧ju̧nä̧rä̧cua̧. Ja̧u̧mä̧ yo̧ö̧nä̧ cue'ächocö jä̧cua̧.

San Juan 8:59

Ja̧'hua̧nö̧ päomenä, ido'qui ȩmo̧po̧'ö̧ tticua pä'inätödo Jesúsru. Ja̧'hua̧nö̧ ja̧'a̧nä̧ chutä dajahuächinödo. Jahuätö ttö̧'quȩtȩnä̧ 'cuä'opö, Diosrö ucuocuäcuähuodettö rä'opö 'chi̧nö̧do.

Efesios 5:8

Pä'äji yo̧ö̧cu̧ ka̧cui̧nä̧tö̧jä̧ ucutumä. Jitätä Tu̧ru̧hua̧rö̧ esetö, tȩa̧u̧nä̧ ka̧cuä̧tö̧jä̧. Adiunä ka̧cuä̧tu̧cui̧, tȩa̧u̧nä̧ ttö̧ja̧cu̧ ta'anö.

1 Tesalonicenses 5:5

Ucutumä o'ca toi'önä tȩa̧u̧ i̧tti̧mö̧jä̧, mo̧ro̧ i̧tti̧mö̧jä̧. Ujutumä yodo i̧tti̧mö̧mä̧cö̧jä̧, yo̧ö̧ i̧tti̧mö̧mä̧cö̧jä̧.

1 Tesalonicenses 5:8

Ja̧'hua̧nö̧ ja̧'a̧nä̧ ujutu, mo̧ro̧ i̧tti̧mö̧mä̧, adiu tamöcuädö'a̧nö̧ ja̧'a̧. Su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, ujutu'inä Diosrö adiu esetö, tahuaruhuärö repe'ö jȩtö̧'a̧nö̧ ja̧'a̧. Ja̧'hua̧ta̧nö̧ su̧ro̧da̧u̧ i̧sa̧ unä 'quiyö juäi u̧huä̧nä̧hua̧'a̧ jä̧'i̧nö̧'a̧nö̧, ujutu'inä suronä jȩtö̧ jȩpö̧ icuatö pä'ö, Diosrö tta̧tä̧rö̧'a̧nö̧ ja̧'a̧.