San Juan 11:45 - TÄ̧DO Ä̧CUÄ̧ I̧HUȨNȨ

⁴⁵ Ja̧'hua̧nö̧ 'cuäopa'a topö, recuätö judíos ttö̧ja̧ Maríacu ka̧cuä̧tö̧ Jesús jȩa̧'a̧ tottomenä, esetinätödo Jesúsru.

Nuevo Testamento Uwotjüja

⁴⁵ Ja̧'wa̧nü̧ ja̧'a̧, María-rü kkajuäwa'a topü ichäjätü judío-mä̧ rekuätü Jesú-ru esetinä̧tü̧, jua̧u̧ jȩü̧ topü.

San Juan 11:45 ပူးပေါင်းရင်းမြစ်များ

San Juan 10:41

Recuätö ttö̧ja̧ ja̧u̧ru̧ topö 'chi̧nä̧tö̧do. Pä'inätödo: —Iso päi'önä, Juan ttö̧ja̧ ttieru juäi jȩo̧ca̧'a̧nä̧, piderö o'ca juiyönä päinömä iso päi'önä pä'inö, —pä'inätödo.

San Juan 11:19

Lázaro 'corupäi'omenä, recuätö judíos ttö̧ja̧ Martarö'inä, Maríarö'inä tta̧'cua̧ tta̧nö̧ amöcuädö topö 'chi̧nä̧tö̧do.

San Juan 11:31

Jahuätö judíos ttö̧ja̧ tta̧'cua̧ tta̧nö̧ amöcuädö ichäjätömä, Maríacu isodenä ka̧cuä̧tö̧mä̧, yajutä o'ca päi'önä ä̧rä̧mi̧'ö̧ räjopächomenä topö, jahuäju ko'ca'anä 'chi̧nä̧tö̧do. Kö̧jä̧hua̧rö̧ ttötäjome ajuäu 'chä̧jä̧ju̧cö̧ pä'ö amöcuädinätödo.

San Juan 12:42

Ja̧'hua̧nö̧ ja̧'a̧ recuätö judíos ttö̧ja̧ Jesúsru esetinätödo. Korotö judíos ttö̧ja̧ tturuhuotö'inä ttesetomenä, korotö ttä'ca jo̧mȩttö̧ yoröiso ji'ähuocotö pi̧nä̧tö̧do, fariseos huotörö ye'ecu. Jahuätö fariseos huotö Jesúsru tteseta'a ttä̧ju̧cu̧ttu̧mä̧, judíos ttu̧huo̧jui̧'i̧nodettö 'quȩ'ȩpö̧ tticua pä'inätödo Jesúsru esetätörö.

San Juan 2:23

Pascua fiesta jȩpö̧, Jesús Jerusalén ötahuiyära̧'a̧ kä̧nö̧, ttö̧ja̧ ttieru juäi jȩo̧mȩnä̧ topö, recuätö ttö̧ja̧ esetinätödo ja̧u̧ru̧.

San Juan 7:31

Ja̧'hua̧ta̧nö̧ recuätö ja̧u̧ru̧ esetö pä'inätödo: —Cristo ichomenä, ¿pidettö'inä abonänö rö̧ȩnä̧ ttö̧ja̧ ttieru juäi jȩä̧cua̧ tä̧ji̧? —pä'inätödo.