San Juan 1:10 - TÄ̧DO Ä̧CUÄ̧ I̧HUȨNȨ

¹⁰ Ja̧u̧mä̧ Dios i̧huȩnȩmä̧, pi̧jä̧nä̧ ki̧nö̧do. Ja̧'hua̧ta̧nö̧ Dios ja̧u̧ru̧ aditinödo pi̧jä̧. Ja̧u̧tä̧ pi̧jä̧ ttö̧ja̧ ttu̧huo̧juo̧co̧cu̧ pi̧nö̧do.

Nuevo Testamento Uwotjüja

¹⁰ Jua̧u̧ I̧wȩnȩ ji̧nü̧mä̧ pi̧jä̧nä̧ kki̧na̧'a̧; ja̧'wa̧ta̧nü̧ pi̧jä̧'i̧nä̧ jua̧u̧nä̧tä̧ aditinä̧jä̧ ja̧'a̧nä̧, pi̧jä̧ ttü̧ja̧mä̧, ttu̧wo̧juo̧ko̧ku̧ pinü̧.

San Juan 1:10 ပူးပေါင်းရင်းမြစ်များ

San Mateo 11:27

“Chä'omä o'ca juiyönä iyinäcusä. Yoröiso ya̧tȩ'i̧nä̧ jȩru̧pa̧ Dios I̧tti̧rö̧mä̧. Chä'otä I̧tti̧rö̧ huo̧jua̧. Ja̧'hua̧ta̧nö̧ yoröiso jerupätö Chä'orömä. Ttötä I̧tti̧tä̧ huo̧jua̧sä̧. Ja̧'hua̧ta̧nö̧ chutä I̧tti̧rö̧ pä̧huä̧ rö̧jä̧u̧cu̧tä̧ ttu̧huo̧juä̧cu̧.

San Juan 1:11

Pi̧jä̧ aditinö topö ichinödo. Ahuaruhuä aditinä̧u̧ ja̧u̧ru̧ ttöjö'cococu pi̧nö̧do.

San Juan 1:18

Diosrö topinömä, yoröisotä toa'a. Ja̧'hua̧nö̧ ja̧'a̧nä̧ chutä I̧tti̧, chu ä̧cua̧tä̧, Jä'ocu tö'cö kö̧tä̧, ujuturu huo̧juȩtö̧ Dios ö̧jö̧ huȩnȩ.

San Juan 1:3

Dios o'ca juiyönä aditinömä, ja̧u̧tä̧cu̧ aditinödo. Ja̧u̧ toönä yoröiso aditocö pi̧nö̧do.

San Juan 1:5

Pi̧yȩ tȩa̧u̧mä̧ yo̧ö̧ jacuänä tȩa̧hua̧'a̧. Ja̧'hua̧nö̧ pi̧jä̧ yo̧ö̧mä̧ yoröiso na̧huȩpo̧ca̧'a̧ ja̧u̧ tȩa̧u̧mä̧.

San Juan 17:25

Adihuä Chä'o, pi̧jä̧ ttö̧ja̧mä̧ ucuru jerupätö. Ja̧'hua̧nö̧ ja̧'a̧nä̧ ttötä ucuru huo̧jua̧sä̧. Ja̧'hua̧ta̧nö̧ pitö täcö huo̧juä̧tö̧ ttörö hue'inöjä pä'ö.

San Juan 5:17

Ja̧'hua̧ ja̧'a̧ttö̧ Jesús pä'inödo jahuätörö: —Ttö Chä'o jitä mo̧ro̧ päi'önä aditö. Ttö'inä jitä aditösä.

Hechos 14:17

Ja̧'hua̧nö̧ ja̧'a̧nä̧'i̧nä̧ chutä adihuä i̧sa̧ päi'önä kö̧ tu̧huo̧jua̧ pä'ö, 'cuäopönä ttö̧ja̧rö̧ adiu jȩpö̧ kö̧. Mo̧ro̧jä̧ttö̧ hue'ö ajiya icha pä'ö. Pi̧jä̧ttö̧'i̧nä̧ hue'ö cuähuä adiu huȩja̧ pä'ö. Ja̧'hua̧nö̧ tu̧cuȩ iya'attö eseunu ka̧cuä̧tö̧jä̧, —pä'inätödo Jesús hue'ähuotö.

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

1 Corintios 8:6

Ja̧'hua̧nö̧ pätta'anä, ujutumä huo̧juä̧tö̧jä̧ ya̧tȩä̧tä̧ Tä'o Diostä kö̧. Ja̧u̧ Tä'o o'ca juiyönä aditinödo. Ujutu'inä ja̧u̧ru̧ pä̧huä̧ rö̧jo̧mȩnä̧ ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧mä̧ ya̧tȩä̧tä̧ kö̧. Ja̧u̧mä̧ Tu̧ru̧hua̧ Jesucristo. Ja̧u̧ru̧ pä̧huä̧ rö̧jo̧mȩnä̧, ujutu'inä ka̧cuä̧tö̧jä̧, pi̧jä̧nä̧ ka̧cu̧'i̧nä̧ o'ca juiyönä ka̧cua̧'a̧.

Colosenses 1:16

Ja̧u̧mä̧, o'ca juiyönä mo̧ro̧jä̧nä̧ ka̧cu̧'i̧nä̧, pi̧jä̧nä̧ ka̧cu̧'i̧nä̧ aditinödo. Ja̧'hua̧ta̧nö̧ o'ca juiyönä totocö'inä, totö'inä aditinödo. Ja̧'hua̧ta̧nö̧ o'ca juiyönä hueähuä'inä, hue'ähuotö'inä, pi̧jä̧ isoppanä huȩ'ä̧rä̧tö̧rö̧'i̧nä̧ aditinödo. Ja̧u̧ o'ca juiyönä aditinödo esehua pä'ö.

Hebreos 11:3

Diosrö esetö, huo̧juä̧tö̧jä̧ chutä Dios i̧huȩnȩ päö'a̧nö̧ pi̧jä̧ aditinö pä'ö. Ja̧'hua̧ ja̧'a̧ttö̧ jitä totömä, totocö juäittö adicuina'ado.

1 Juan 3:1

Adiu amöcuädätucui. Dios ujuturu rö̧ȩnä̧ repea'attö “chi̧tti̧mö̧” pä'ö. Iso päi'önä Dios i̧tti̧mö̧jä̧. Ttö̧ja̧ pi̧jä̧ jähuä amöcuädätömä Tä'o Diosrö ttu̧huo̧juo̧ca̧'a̧ttö̧, ujuturu'inä huo̧juo̧co̧tö̧.