Hechos 9:19 - TÄ̧DO Ä̧CUÄ̧ I̧HUȨNȨ

¹⁹ Ja̧u̧nu̧ o'ca'amä u̧cuȩ cuinödo ujuru ȩma̧ pä'ö. Ja̧'hua̧ ja̧'a̧ a̧'u̧cua̧'a̧tä̧ ki̧nö̧do Damasco ötahuiyänä Jesucristorö esetätöcu.

Nuevo Testamento Uwotjüja

¹⁹ Ja̧'wa̧nü̧ jä̧ji̧ o'ka'a u̧kuȩ kui'ipü ujuru ȩmi̧nü̧. Juȩnȩ Damasco-nä̧mä̧, a̧'u̧ku̧nä̧tä̧ mo̧ro̧ kki̧nü̧ Jesucrito-rü esetätukumä̧.

Hechos 9:19 ပူးပေါင်းရင်းမြစ်များ

Hechos 11:26

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Hechos 11:29

Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

Hechos 26:20

Äcuomenä Damasco ötahuiyänä ka̧cuä̧tö̧rö̧ ji'ähuinösä. Ja̧u̧nu̧ o'ca'a Jerusalén ötahuiyänä o'ca juiyönä Judea rȩjȩnä̧'i̧nä̧ ka̧cuä̧tö̧rö̧, judíos huocotörö'inä ji'ähuinösä: “Pärocuäcutä amöcuädö, Diosrö cuesetätucu'a̧nö̧ ja̧'a̧. Cuesetätucua'attö, adiu jȩcu̧'ä̧tu̧cu̧'a̧nö̧ ja̧'a̧, korotö cu'ärohuächätucua'a tottäcua'a̧nö̧”, pä'inösä.

Hechos 9:18

Yotäcu po̧i̧ i̧sa̧ i̧jȩ'o̧bi̧ jä̧'i̧nö̧'a̧nö̧ jö̧ o̧bi̧ Saulo ö'ärettö ma̧i̧na̧'a̧do. Ja̧u̧nu̧ o'ca'a adiu topinödo. Ja̧u̧nu̧tä̧ ä̧rä̧mi̧'ö̧ Saulo bautizado pä'i'inödo.

Hechos 9:26

Saulo Jerusalén ötahuiyära̧'a̧ i̧rȩbȩhuo̧mȩnä̧, Jesucristorö esetätöcu ji̧nä̧ yo̧mȩtȩ ö̧ja̧ pä'inödo. Ja̧'hua̧nö̧ ja̧'a̧nä̧ o'ca toi'önä yettecuinäcudo. Ja̧u̧ Jesucristorö esetinömä jarode'ö esetocotö pi̧nä̧tö̧do.

Hechos 9:38

Jope ötahuiyä tö'cönänö ji̧na̧'a̧do Lida ötahuiyämä. Ja̧'hua̧nö̧ ja̧'a̧ttö̧ Jesucristorö esetätömä Pedro Lida ötahuiyänä kö̧do pä'ö jittähua'a ttä̧ju̧cuo̧mȩnä̧, u̧mä̧tö̧ ta̧ju̧ru̧ hue'inätödo Pedrorö jittähuäja pä'ö: —Ujutucu jurunä cuicha pä'ö ji'äu ichäjätöjä Jope ötahuiyära̧'a̧.

Gálatas 1:17

Ttö ä'canä Jesús hue'ähuotö pi̧nä̧tö̧rö̧'i̧nä̧ topö 'cho̧cö̧ pi̧nö̧sä̧ Jerusalén ötahuiyära̧'a̧. Ja̧'hua̧nö̧ ja̧'a̧nä̧ recuo tta̧huä̧rä̧cuä̧huä̧ juiyönä Arabia rȩjȩra̧'a̧tä̧ i̧huä̧ji̧nö̧sä̧. Ju̧huȩnȩ o'comenä, Damasco ötahuiyära̧'a̧ ppa̧'ä̧chi̧nö̧sä̧.