Hechos 8:39 - TÄ̧DO Ä̧CUÄ̧ I̧HUȨNȨ

³⁹ Jacuotottö ttuhuämi'ächomenä, Espíritu Santo ȩmi̧pi̧nä̧cu̧do Felipemä. Espíritu Santo ȩmi̧pä̧ji̧ o'ca'a, ruhuaju kippeyä ru̧hua̧mä̧ topocö pi̧nö̧do Feliperö. Mä̧nä̧nä̧ eseunu 'chi̧nö̧do.

Nuevo Testamento Uwotjüja

³⁹ Jua̧u̧ o'ka'a, ajettü ttu̧wä̧mi̧'i̧'o̧mȩnä̧, Epíritumä̧ Felipe-rü ȩmi̧pi̧nü̧ ja̧'wa̧nü̧ ja̧'a̧ttü̧ tookoku pinü̧, ja̧'wa̧nü̧ ja̧'a̧nä̧ Etiopía i̧sa̧mä̧ rü̧ȩnä̧ esewä̧ya̧ i̧wi̧nü̧.

Hechos 8:39 ပူးပေါင်းရင်းမြစ်များ

San Mateo 13:44

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ Dios hueömä koro juäi rö̧ȩnä̧ micuäu juäi rȩjȩ jacuä pa̧'a̧ jä̧'i̧nö̧'a̧nö̧ ja̧'a̧. Ya̧tȩ ja̧u̧ juäi rö̧ȩnä̧ micuäu juäi po̧cui̧pö̧'ca̧, juhuorötä pä'äji ta'anö dajö icu. Ja̧'hua̧nö̧ jȩpö̧ eseunu iyö icu o'ca juiyönä u̧ju̧nä̧rö̧mä̧ ju̧huä̧jä̧, rö̧ȩnä̧ micuäu juäi pä̧jo̧mȩ, ȩma̧ pä'ö.

San Mateo 3:16

Jesúsru bautizando päji o'ca'a, yotäcu huämi'inödo jacuotottö. Ja̧'hua̧ päi'omenä mo̧ro̧jä̧mä̧ bahuecuächina'ado. Jesús topinödo Espíritu Santorö unucu ta'anö hua̧, i̧mȩyȩhui̧'a̧'a̧. Ja̧u̧tä̧ kä̧mä̧di̧nö̧do Jesúsru.

San Marcos 1:10

Yotäcu jacuotottö huä̧mi̧'ö̧, mo̧ro̧jä̧ bahuecuächa'a topinödo Jesús. Ja̧'hua̧ta̧nö̧ Espíritu Santorö, unucu ta'anö hua̧ i̧mȩyȩhua̧'a̧ topinödo. Ja̧u̧tä̧ kä̧mä̧di̧nö̧do Jesúsru.

Hechos 13:52

Ja̧'hua̧nö̧ ja̧'a̧nä̧ Jesucristorö esetätömä juiyo esehuinätödo. Ttami iso'quinä Espíritu Santo ujuru rö̧ȩnä̧ ku̧nä̧ri̧nä̧tö̧do.

Hechos 16:34

Ja̧'hua̧nö̧ ja̧'a̧ cärenä ttö̧'a̧'a̧ tta̧'ä̧rö̧mä̧ jahuätörö ojusode jacuoju o'ipö, ttu̧cuȩ ttucua pä'ö iyinödo. Chutä'inä, o'ca toi'önä ojusodenä ka̧cuä̧tö̧'i̧nä̧ juiyo esehuinätödo Diosrö esetäjä'cotö.

Hechos 8:29

Ja̧'hua̧nö̧ ja̧'a̧ Espíritu Santo Feliperö pä'inödo: —Juhuäcä carucänä tö'cönänö täi'i.

Hechos 8:38

Ja̧'hua̧nö̧ ja̧'a̧ ruhuaju kippeyä ru̧hua̧mä̧ carucä ttö̧'ä̧mä̧da̧ pä'ö hue'inödo. Ta̧ju̧, Felipecu, ruhuaju kippeyä ru̧hua̧cu̧ mȩyȩhuä̧chö̧ 'chi̧nä̧tö̧do aje iso'ucu. Juhuo'uttutä ruhuaju kippeyä ru̧hua̧rö̧ bautizando jȩpi̧nö̧do Felipemä.

Hechos 8:8

Ja̧'hua̧nö̧ ja̧'a̧ ja̧u̧ ötahuiyä ttö̧ja̧ juiyo rö̧ȩnä̧ esehuinätödo.

Romanos 5:2

Cristorö tesetomenä, Diosttö ppädäcuähuä tȩma̧ pä'ö ppä'ädö. Ja̧u̧ ppädäcuähuänä ka̧cuä̧tö̧jä̧ jitämä. Ja̧'hua̧nö̧ ja̧'a̧ttö̧ eseunu tta̧'ä̧rö̧ ka̧cuä̧tö̧jä̧, adihuä Dioscu mo̧ro̧jä̧ra̧'a̧ tö̧ja̧cuä̧cuo̧tö̧jä̧ pä'ö.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

Santiago 4:16

Ja̧'hua̧nö̧ päcuhuä'inätucu juäimä, ucututä cuamöcuädätucutä ucuocuätöjä. Ja̧'hua̧nö̧ cucuocuätucuomenä, suroja'a.