Hechos 8:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ ja̧'a̧ Jesús hue'ähuotö Jerusalén ötahuiyänä ka̧cuä̧tö̧mä̧ Samaria ötahuiyä ttö̧ja̧ Dios i̧huȩnȩ esetinätödo pä'ö jittähua'a ttä̧ju̧cuo̧mȩnä̧, Pedrocu, Juancu Samaria ötahuiyära̧'a̧ tti̧'cha̧ pä'ö hue'inätödo.

Nuevo Testamento Uwotjüja

¹⁴ Ja̧'wa̧nü̧ ja̧'a̧, apótore-mä̧ Jerusarȩ́-nä̧ ttü̧ja̧kua̧'a̧ ja̧'a̧, Samaria ttü̧ja̧'i̧nä̧ Dio i̧wȩnȩ esetäjätüdo pätta'a ä̧ju̧ku̧, Peduru-rü'i̧nä̧, Ju̧a̧-rü̧'i̧nä̧ jua'a we'inä̧tü̧;

Hechos 8:14 ပူးပေါင်းရင်းမြစ်များ

San Mateo 13:23

Ja̧'hua̧ ja̧'a̧nä̧ koro rȩjȩ adihuome ma̧ä̧chi̧nö̧mä̧, korotö Dios i̧huȩnȩ adiunä ä̧ju̧cu̧ u̧huä̧ju̧ rö̧ȩnä̧ ku̧nä̧rä̧tö̧ jä̧'i̧nö̧'a̧nö̧ huotö. Korotömä koro jacuä jähuä ya'ute cien jo̧mȩnä̧ huȩji̧nö̧ ta'anö huotö. Korotömä sesenta jo̧mȩnä̧ huȩji̧nö̧ ta'anö huotö. Korotömä treinta jo̧mȩnä̧ huȩji̧nö̧ ta'anö huotö, —pä'inödo Jesús.

San Lucas 22:8

Jesús Pedronörö, Juannörö hue'ö pä'inödo: —Pascua fiesta mo̧ro̧ cuäcuähuä tucua pä'ö, jo̧mȩ päi'önä jȩpä̧jä̧tu̧cui̧.

San Juan 12:48

Ya̧tȩ ttörö'inä ucuotocömä, chi̧huȩnȩ'i̧nä̧ ä̧ju̧cuo̧cö̧mä̧, ja̧u̧ru̧ pä̧cuȩ ku̧nä̧rö̧. Ttötä chi̧huȩnȩ chucuocuinömä ja̧u̧ru̧ päcua'a röji mo̧ro̧ päi'omenä.

Hechos 11:1

Jesús hue'ähuotö'inä, ja̧'hua̧ta̧nö̧ korotö Jesucristorö esetätö'inä Judea rȩjȩnä̧ ka̧cuä̧tö̧mä̧ ä̧ju̧cui̧nä̧tö̧do, judíos huocotö'inä Dios i̧huȩnȩ esetinätö pä'ö jittähua'a.

Hechos 15:4

Pablocu, Bernabécu, ahuaruhuäcu Jerusalén ötahuiyära̧'a̧ 'chä̧hui̧'ö̧ Jesús hue'ähuotö'inä, ancianos huotö'inä, korotö Jesucristorö esetätö'inä esehuinätödo jahuätörö. Pablocu, Bernabécu ji'ähuinätödo o'ca juiyönä Dios jahuätöcu jȩi̧nö̧.

Hechos 17:11

Judíos ttö̧ja̧mä̧ Berea ötahuiyänä ka̧cuä̧tö̧mä̧ Tesalónica ötahuiyä ttö̧ja̧ttö̧'i̧nä̧ abonänö adiu ä̧ju̧cui̧nä̧tö̧ Jesucristo i̧huȩnȩ. Berea ötahuiyä ttö̧ja̧ Pablo jiäumä adiu ttä̧ju̧cua̧ pä'inätödo. Mo̧ro̧ji̧nö̧ a̧'u̧cuä̧ Huȩyu̧cuä̧ Huȩnȩ adiu topinätödo, Pablo jiähuäjimä iso päi'önä jueö jiähuäja pä'ö.

Hechos 2:41

Ja̧'hua̧nö̧ ja̧'a̧ Pedro jiäumä esetö, bautizado pä'i'inätödo recuätö ttö̧ja̧, tres mil jo̧mȩnä̧, korotö Jesucristorö esetätöcu ttö̧ja̧cua̧ pä'ö.

Hechos 8:1

Saulo eseunu topinö, Estebanrö cuä'ö tticuomenä. Ja̧u̧nu̧tä̧ mo̧ro̧ Jesucristorö esetätömä Jerusalén ötahuiyänä ka̧cuä̧tö̧mä̧ usurä isotö juo'inätödo, ttö̧ja̧ suronä jȩtto̧mȩnä̧. Jesucristorö esetätörö o'ca toi'önä ya'opö tticuomenä, dö'ecuächinätödo Judea rȩjȩra̧'a̧'i̧nä̧, Samaria rȩjȩra̧'a̧'i̧nä̧. Ja̧'hua̧nö̧ ja̧'a̧nä̧ Jesús hue'ähuotötä Jerusalén ötahuiyänä ka̧cui̧pi̧nä̧tö̧do.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

1 Tesalonicenses 2:13

Ja̧'hua̧nö̧ ja̧'a̧ttö̧ ujutumä 'cuäopönä eseunu ucuocuätöjä Diosrö. Dios i̧huȩnȩ jitähuomenä, ucutu adiu ä̧ju̧cu̧ esetinätöjä. Pi̧yȩ huȩnȩ iso päi'önä Dios i̧huȩnȩ, pi̧jä̧ ttö̧ja̧ tti̧huȩnȩmä̧cö̧. Ja̧u̧ huȩnȩ cuesetätucuomenä, cuamöcuädätucumä pärohua'attö, iso päi'önä huȩnȩ ja̧'a̧.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

2 Tesalonicenses 2:10

O'ca juiyönä suronä jȩä̧cua̧, totte'äcuotömä ttesetarö pä'ö. Jahuätö totte'äcuotö, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ttesetoca'attö.