Hechos 7:58 - TÄ̧DO Ä̧CUÄ̧ I̧HUȨNȨ

⁵⁸ Ötahuiyättö rä'epö icuinätödo. Inädu icuähuinätödo cuä'ö tticuarö pä'ö. Estebanrö yapareu ji'ähuäjätömä ttö̧'ca̧tä̧huä̧ti̧yu̧ rötinätödo ya̧tȩ mö̧ä̧ya̧, Saulo pä'ö mi̧cua̧, ä'ca jo̧mȩ.

Nuevo Testamento Uwotjüja

⁵⁸ Ja̧'wa̧nü̧ jȩpü̧ ütawiyättü rä'epächü, ido'kiyänä̧ ikuäu ttikuinä̧ku̧; ja̧'wa̧nü̧ ja̧'a̧ yapareu ji'äu jua̧u̧ru̧ iyü ikuäjätümä̧ tti̧ä̧rȩti̧yu̧ kko̧sä̧u̧ rütinä̧tü̧, mü̧ä̧ya̧ Sauro ü̧jä̧pi̧yä̧ kkada'ka.

Hechos 7:58 ပူးပေါင်းရင်းမြစ်များ

San Lucas 4:29

Ä̧rä̧mä̧cuä̧hui̧pi̧nä̧tö̧do. Ja̧'hua̧nö̧ ja̧'a̧ Jesúsru ötahuiyä u̧mi̧ rä'epö icuinätödo. Ja̧u̧ ötahuiyä möä'canä huȩji̧nö̧do. Ja̧'hua̧ ja̧'a̧ jahuä'cattötä ki'opö tticuarö pä'ö ȩpi̧nä̧tö̧do.

Hechos 22:20

Ja̧'hua̧ta̧nö̧ ucu cui̧huȩnȩ ji'äuru Estebanrö cuä'ö tticuomenä, ttö ju̧huȩnȩtä̧ eseunu ki̧nö̧sä̧, ja̧u̧ru̧ cuä'ö icuätö ttö̧'ca̧tä̧huä̧ti̧yu̧ tta̧'ä̧rö̧.”

Hechos 22:23

Jahuätö ttö̧'ca̧tä̧huä̧ti̧yu̧'i̧nä̧, rȩjȩ i̧sa̧ppȩ'i̧nä̧ ju'tojucu icuäu, yabocutä huopinätö.

Hechos 22:4

Adiu kä̧cuä̧huä̧ huȩnȩ esetätörö suronä jȩpi̧nö̧sä̧ bettipächönä cuä'ö chicua pä'ö. U̧mä̧tö̧rö̧'i̧nä̧, nä̧tö̧rö̧'i̧nä̧ cuoräusanä nö̧'cä̧rö̧ ȩpi̧'ä̧ji̧nö̧sä̧ cärenä chöta pä'ö.

Hechos 26:10

Ja̧'hua̧nö̧ jȩpi̧nö̧sä̧ Jerusalén ötahuiyättö. Sacerdotes tturuhuotö huettomenä, recuätö Jesucristorö esetätörö cärenä rötinösä. Yotöcunärö cuä'ö tticuomenä, ttö'inä “Huäinä 'corupätti'ä”, pä'inösä.

Hechos 6:11

Ja̧'hua̧nö̧ ja̧'a̧ korotörö pärätä mitinätödo, yapareu ucuocu jittähua pä'ö. —Pide Esteban suronä ucuocua'a ä̧ju̧cuä̧jä̧tö̧jä̧ Moisésrö'inä, Diosrö'inä.

Hechos 6:13

Ja̧'hua̧nö̧ ja̧'a̧ korotörö usinätödo ji̧nä̧ iso ruhuotö ttä'ca jo̧mȩttö̧ Estebanrö yapareu jittähua pä'ö. Pä'inätödo: —Pide 'cuäopönä ji'äu Diosrö ucuocuäcuähuodemä surojode pä'ö, hueähuä huȩnȩ'i̧nä̧ suroja'a pä'ö.

Hechos 7:57

Esteban ja̧'hua̧nö̧ päa'a ttä̧ju̧cuo̧mȩnä̧, ttä̧ja̧ mö̧'ȩcui̧nä̧tö̧do. Pä̧i̧cu̧nä̧ huopö, Esteban ö̧ja̧'a̧cu̧ jopinätödo.

Hechos 8:1

Saulo eseunu topinö, Estebanrö cuä'ö tticuomenä. Ja̧u̧nu̧tä̧ mo̧ro̧ Jesucristorö esetätömä Jerusalén ötahuiyänä ka̧cuä̧tö̧mä̧ usurä isotö juo'inätödo, ttö̧ja̧ suronä jȩtto̧mȩnä̧. Jesucristorö esetätörö o'ca toi'önä ya'opö tticuomenä, dö'ecuächinätödo Judea rȩjȩra̧'a̧'i̧nä̧, Samaria rȩjȩra̧'a̧'i̧nä̧. Ja̧'hua̧nö̧ ja̧'a̧nä̧ Jesús hue'ähuotötä Jerusalén ötahuiyänä ka̧cui̧pi̧nä̧tö̧do.