Hechos 7:56 - TÄ̧DO Ä̧CUÄ̧ I̧HUȨNȨ

⁵⁶ Esteban pä'inödo: —¡Topätucui! Mo̧ro̧jä̧ bahuecuächa'a topösä. Ubo I̧tti̧mä̧ Dios u̧huo̧jua̧'a̧nä̧ kö̧.

Nuevo Testamento Uwotjüja

⁵⁶ Ja̧'wa̧nü̧ topü pä'inü̧: —Mo̧ro̧jä̧ bawekuächa'a topüsä ja̧'wa̧ta̧nü̧ ubo I̧tti̧rü̧'i̧nä̧ Dio u̧wo̧jua̧'a̧ku̧nä̧ ü̧ja̧'a̧.

Hechos 7:56 ပူးပေါင်းရင်းမြစ်များ

San Mateo 25:31

Juhua'a yabonö pä'inödo Jesús: —Ubo I̧tti̧ o'ca toi'önä umöhuäyotö ángelescu, adihuä Ru̧hua̧ päi'önä ichomenä, chutä adihuä i̧dȩä̧cä̧nä̧ ö̧'ä̧mä̧dä̧cua̧.

San Mateo 3:16

Jesúsru bautizando päji o'ca'a, yotäcu huämi'inödo jacuotottö. Ja̧'hua̧ päi'omenä mo̧ro̧jä̧mä̧ bahuecuächina'ado. Jesús topinödo Espíritu Santorö unucu ta'anö hua̧, i̧mȩyȩhui̧'a̧'a̧. Ja̧u̧tä̧ kä̧mä̧di̧nö̧do Jesúsru.

San Mateo 8:20

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

San Marcos 1:10

Yotäcu jacuotottö huä̧mi̧'ö̧, mo̧ro̧jä̧ bahuecuächa'a topinödo Jesús. Ja̧'hua̧ta̧nö̧ Espíritu Santorö, unucu ta'anö hua̧ i̧mȩyȩhua̧'a̧ topinödo. Ja̧u̧tä̧ kä̧mä̧di̧nö̧do Jesúsru.

San Lucas 3:21

Ja̧'hua̧nö̧ 'cuäopäcua'a ä'canä Juan ttö̧ja̧rö̧ bautizando jȩo̧mȩnä̧, Jesúsru'inä bautizando jȩpi̧nö̧do. Ja̧'hua̧ ja̧'a̧ ji̧nä̧ Diosrö ucuocua'anä mo̧ro̧jä̧mä̧ bahuecuächina'ado.

San Juan 1:51

Ja̧'hua̧ta̧nö̧ Jesús pä'inödo: —Iso päi'önä pä'ösä ucuturu, mo̧ro̧jä̧ bahuecuächa'a, ángeles, Dios umöhuäyotö, Ubo I̧tti̧rö̧ tti̧mȩyȩhuo̧mȩnä̧'i̧nä̧, 'chattächomenä'inä tocu'äcuotöjä, —pä'inödo Jesús.

Hechos 10:11

Mo̧ro̧jä̧ bahuecuächa'a topinödo. Pi̧jä̧ra̧'a̧ mȩyȩhua̧'a̧ sabana'cua rö̧ä'cua jä̧'i̧nö̧'a̧nö̧ kara'anä'inä pätecu ti̧ä̧dä̧cuä̧hua̧'a̧ topinödo.

Hechos 10:16

Ja̧u̧tä̧ huäbodäcuänä 'cuäopina'ado. Ja̧'hua̧ ja̧'a̧ pä'äji ta'anö mo̧ro̧jä̧ra̧'a̧ cäecuächina'ado sabana'cuamä.

Hechos 7:57

Esteban ja̧'hua̧nö̧ päa'a ttä̧ju̧cuo̧mȩnä̧, ttä̧ja̧ mö̧'ȩcui̧nä̧tö̧do. Pä̧i̧cu̧nä̧ huopö, Esteban ö̧ja̧'a̧cu̧ jopinätödo.

Apocalipsis 11:19

Ja̧'hua̧ ja̧'a̧ttö̧ mo̧ro̧jä̧ra̧'a̧ttö̧ Diosrö ucuocuäcuähuode bahuecuächina'a. Hueähuä huȩnȩ ȩcä̧ca̧, adihuä i̧sä̧ca̧, Diosrö ucuocuäcuähuodettö uhuähuina'a. Ja̧u̧nu̧ pä̧nä̧mä̧ cu'upä'inä rohuinö. Koro juäi'inä rö̧ȩnä̧ ucuocuina'a. Cu'upä'inä cöröächina'a. Rȩjȩ'i̧nä̧ ttö̧ä̧hui̧na̧'a̧. Diyahuo'qui'inä ju'tojuttu ma̧i̧na̧'a̧.

Apocalipsis 19:11

Ja̧'hua̧ ja̧'a̧ttö̧ mo̧ro̧jä̧ bahuecuächa'a topinösä. Ya̧tȩ caballo tȩ'a̧rö̧ topinösä. Ja̧u̧ caballorö huä̧mä̧di̧nö̧mä̧ i̧mi̧mä̧ Adiunätä Jȩpö̧'i̧nä̧, Iso Päi'önä Pä'ö'inä todärenä mi̧cui̧nö̧. Ja̧u̧mä̧ jueönä huea'attö'inä, korotörö örohuähua'attö'inä ja̧'hua̧nö̧ mi̧cui̧nö̧.

Apocalipsis 4:1

Ja̧u̧nu̧ o'ca'a tochomenä, mo̧ro̧jä̧ra̧'a̧ttö̧ äpate bahuecua'a topinösä. Ja̧u̧ huȩnȩ, trompeta ucuocu'a̧nö̧ rä̧mi̧pö̧ huȩnȩ, ttörö äcuomenä ucuocuinö huȩnȩ, ttörö ucuocuina'a: —Pocu 'cha'ächi. Pi̧yȩ 'cuäopö o'ca'a 'cuäopä̧cuȩmä̧ chi̧jȩpa̧cu̧.