Hechos 7:25 - TÄ̧DO Ä̧CUÄ̧ I̧HUȨNȨ

²⁵ Moisés amöcuädinödo: “Chahuaruhuä Israel ttö̧ja̧mä̧ huo̧juä̧tö̧ Dios ttörö hue'inö ppädädatö pä'ö, ubara ttuttomettö rä'epö chicuatö pä'ö.” Ja̧'hua̧nö̧ amöcuäda'anä, huo̧juo̧co̧tö̧ pi̧nä̧tö̧do.

Nuevo Testamento Uwotjüja

²⁵ Ja̧'wa̧nü̧ ja̧'a̧ Moisé-mä̧, awaruwä Irae ttü̧ja̧mä̧, chunä̧tä̧ Dio-mä̧ juorü rä'epü i̧kuä̧kuä̧u̧jä̧ pä'ü ttu̧wo̧jui̧pä̧kuo̧tü̧kü̧ pä'ü amükuädinü̧; ja̧'wa̧nü̧ ja̧'a̧nä̧ juätümä̧ yoriso wo̧jui̧'o̧ko̧tü̧ pinä̧tü̧.

Hechos 7:25 ပူးပေါင်းရင်းမြစ်များ

San Marcos 9:32

Ja̧'hua̧nö̧ ja̧'a̧nä̧ jahuätö huo̧juä̧chi̧'o̧co̧tö̧ pi̧nä̧tö̧do ja̧u̧ jiäumä. Ja̧'hua̧ta̧nö̧ jättepa pätta'anä ye'ecuinätödo.

San Lucas 18:34

Pi̧yȩmä̧ yoröiso huo̧juä̧chi̧'o̧co̧tö̧ pi̧nä̧tö̧do. Yoröiso ucuocumä jerupinätödo. Ja̧u̧mä̧ ttu̧huo̧juä̧chi̧'ö̧ juiyönä ji̧nö̧do.

San Lucas 9:45

Ja̧'hua̧nö̧ ja̧'a̧nä̧ u̧huo̧juȩtä̧u̧ huo̧juä̧chi̧'o̧co̧tö̧ pi̧nä̧tö̧do ja̧'hua̧nö̧ päa'anä. Ttu̧huo̧juä̧chi̧'ö̧ juiyönä jȩi̧nä̧u̧do. Ja̧'hua̧ta̧nö̧ päji adiu jiähuatö pä'ö jäecuänä ye'ecuinätödo.

Hechos 14:27

Antioquía ötahuiyära̧'a̧ 'chä̧hui̧'ö̧, iglesia ruhuärö ji̧nä̧ yo̧mȩtȩ ca̧ca̧tö̧ ji'ähuinätödo o'ca juiyönä Dios jahuätöcu jȩi̧nö̧mä̧. Dios jähuä ba'epö i̧jȩpi̧nö̧ judíos huocotö'inä ttesetarö pä'ö ji'ähuinätödo.

Hechos 15:4

Pablocu, Bernabécu, ahuaruhuäcu Jerusalén ötahuiyära̧'a̧ 'chä̧hui̧'ö̧ Jesús hue'ähuotö'inä, ancianos huotö'inä, korotö Jesucristorö esetätö'inä esehuinätödo jahuätörö. Pablocu, Bernabécu ji'ähuinätödo o'ca juiyönä Dios jahuätöcu jȩi̧nö̧.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

Hechos 21:19

Pablo jahuätörö te'ähuäji'ca̧, judíos huocotö ttö̧'quȩtȩnä̧ chutä aditähuänä Dios jȩi̧nö̧mä̧ o'ca juiyönä pa̧ja̧cuä̧chö̧nä̧ ji'ähuinödo.

Hechos 7:24

I̧'cho̧mȩnä̧, Moisés topinödo Egipto ttö̧ja̧ i̧sa̧ suronä jȩa̧'a̧ Israel ttö̧ja̧ i̧sa̧rö̧. Moisés a̧hua̧ru̧hua̧rö̧ ppä'ädö, cuä'ö icuinödo Egipto ttö̧ja̧ i̧sa̧rö̧, Israel ttö̧ja̧ i̧sa̧rö̧ suronä jȩä̧ji̧ micuä.

Hechos 7:26

Moisés Egipto ttö̧ja̧ i̧sa̧rö̧ cuä'ö icuäji o'ca'a koro mo̧ro̧, Moisés Israel ttö̧ja̧ ta̧ju̧ru̧ ttörohuähua'a topinödo. Ttörohuähuoca'a eseunu ttö̧ja̧cua̧ pä'inödo: “Chahuaruhuä, ucutu ji̧nä̧ yotöte isotöjä. ¿Dä̧bö̧ curohuähuätucuä cua̧hua̧ru̧hua̧cu̧?” pä'inödo Moisés.

Romanos 15:18

Yecuäcuähuä juiyönä ji'äusä Cristo ppäda'anä jȩchi̧nö̧mä̧, judíos huocotö Diosrö tteseta pä'ö. Ja̧'hua̧nö̧ jȩpi̧nö̧sä̧ ucuocuäcuähuänä'inä, jȩä̧cuä̧huä̧nä̧'i̧nä̧.

1 Corintios 15:10

Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

1 Corintios 3:9

Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Colosenses 1:29

O'ca juiyönä chujuru Cristo iya'attö, ja̧'hua̧nö̧ aditö rohuäusä.