Hechos 5:13 - TÄ̧DO Ä̧CUÄ̧ I̧HUȨNȨ

¹³ Korotö ye'ecu ca̧ca̧cuo̧co̧tö̧ pi̧nä̧tö̧do jahuätöcu. Ja̧'hua̧nö̧ ja̧'a̧nä̧ korotö Jerusalén ötahuiyänä ka̧cui̧nä̧tö̧mä̧ adiu ucuocuinätödo jahuätörö.

Nuevo Testamento Uwotjüja

¹³ Ja̧'wa̧nü̧ ja̧'a̧ kkorotümä̧ ya̧tȩ'i̧nä̧ juätuku ppättächi'amä̧ pä'okotü pinä̧tü̧; ja̧'wa̧nü̧ jo̧mȩnä̧ ttü̧ja̧mä̧ rü̧ȩnä̧ ttukuotinä̧u̧.

Hechos 5:13 ပူးပေါင်းရင်းမြစ်များ

San Lucas 19:48

Ja̧'hua̧nö̧ ja̧'a̧nä̧ yoröiso po̧cui̧po̧co̧tö̧ pi̧nä̧tö̧do. O'ca toi'önä ttö̧ja̧ Jesús jiäu o'ca juiyönä ttä̧ju̧cuä̧jä̧ ja̧'a̧.

San Juan 12:42

Ja̧'hua̧nö̧ ja̧'a̧ recuätö judíos ttö̧ja̧ Jesúsru esetinätödo. Korotö judíos ttö̧ja̧ tturuhuotö'inä ttesetomenä, korotö ttä'ca jo̧mȩttö̧ yoröiso ji'ähuocotö pi̧nä̧tö̧do, fariseos huotörö ye'ecu. Jahuätö fariseos huotö Jesúsru tteseta'a ttä̧ju̧cu̧ttu̧mä̧, judíos ttu̧huo̧jui̧'i̧nodettö 'quȩ'ȩpö̧ tticua pä'inätödo Jesúsru esetätörö.

San Juan 19:38

Ja̧u̧nu̧ o'ca'a, José pä'ö mi̧cua̧, Arimatea ötahuiyä i̧sa̧, Pilatorö jä'epinödo Jesús o'co jähuä, ȩmi̧pa̧ pä'ö. Chutä José, judíos ttö̧ja̧rö̧ ye'ecu, korotörö jiähuoca'anä esetinödo Jesúsru. Pilato hueäji o'ca'a, Jesús o'co jähuä ȩmi̧pi̧nö̧do.

San Juan 9:22

Jä'o'inä, ja̧ju̧'i̧nä̧ judíos ttö̧ja̧rö̧ ye'ecu, ja̧'hua̧nö̧mä̧ pä'inätödo. Jahuätö judíos ttö̧ja̧ ä'canä ji̧nä̧ yo̧mȩtȩ amöcuädö, pä'inätödo: —Ya̧tȩ Jesús iso päi'önä Cristodo pä'örömä, judíos ttu̧huo̧jui̧'i̧nodettö i̧mi̧cu̧nä̧ 'quȩ'ȩpö̧ ticuäcuotöjä.

Hechos 19:17

O'ca toi'önä Efeso ötahuiyänä ka̧cuä̧tö̧mä̧, judíos ttö̧ja̧'i̧nä̧, judíos huocotö'inä jahuätörö 'cuäopinömä jittähua'a ttä̧ju̧cuo̧mȩnä̧, rö̧ȩnä̧ ye'ecuinätödo. Rö̧ȩnä̧ ucuotinätödo Jesúsru.

Hechos 2:47

Diosrö adiu amöcuädö ucuocuinätödo. Korotö Jesucristorö esetätörö ucuotönö topinätödo. Mo̧ro̧ji̧nö̧ a̧'u̧cuä̧ korotö'inä Tu̧ru̧hua̧rö̧ esetö recuächinätödo, Dios ȩma̧'a̧ttö̧.

Hechos 4:21

Ja̧'hua̧nö̧ ja̧'a̧ ruhuotö Pedrorö, Juanrö pä'äji ta'anö ra̧huä̧rö̧ ro̧'ȩpi̧nä̧tö̧do. Cuäcuättoca'a rä'epö tticuinä̧u̧do, ttö̧ja̧ o'ca toi'önä Pedrocu, Juancu jȩttä̧ji̧mä̧ amöcuädö Diosrö ttesehua'attö.

Hechos 5:26

Ja̧'hua̧nö̧ ttä̧ju̧cuo̧mȩnä̧, Diosrö ucuocuäcuähuode su̧ro̧da̧u̧ ttu̧ru̧hua̧, korotö su̧ro̧da̧u̧cu̧ Jesús hue'ähuotörö cuäcuättoca'a i'cächinätödo. Jesús hue'ähuotörö suronä jȩtö̧ttö̧mä̧, ttö̧ja̧ inädu tticuätö pä'ö amöcuädö, ye'ecuinätödo su̧ro̧da̧u̧mä̧.

Hechos 5:5

Ananías ja̧'hua̧nö̧ ä̧ju̧cu̧, 'corupä'i'ö rȩjȩ ma̧'i̧nö̧do. O'ca toi'önä Ananías 'corupäi'äja'a jittähua'a ä̧ju̧cu̧ ye'inätödo.

2 Corintios 10:15

Ja̧'hua̧ta̧nö̧: “Ja̧u̧mä̧ ujutu taditähuä” pä'ocotöjä korotö ttaditömä. Pärocua'acu, tta̧'ä̧rä̧tö̧jä̧ ucutu juhua'a yabonö cuesetätucua pä'ö, ji̧nä̧ isocu Dios hueinö ta'anö tadita pä'ö ucutucu.