Hechos 4:24 - TÄ̧DO Ä̧CUÄ̧ I̧HUȨNȨ

²⁴ Jittähuäji ä̧ju̧cu̧, o'ca toi'önä ji̧nä̧ yo̧mȩtȩ amöcuädö, Diosrö ucuocuinätödo. Pä'inätödo: —Tu̧ru̧hua̧, ucutä Diosjä, o'ca juiyönä aditinöjä, mo̧ro̧jä̧'i̧nä̧, pi̧jä̧'i̧nä̧, dubora rö̧ora'inä, o'ca juiyönä aditinöjä.

Nuevo Testamento Uwotjüja

²⁴ Ja̧'wa̧nü̧ ja̧'a̧ jua̧u̧ ä̧ju̧kuo̧po̧'ü̧mä̧ o'katoi'ünä̧ yo̧mȩtȩnä̧ Dio-rü ukuokuinä̧tü̧, pa̧'a̧nü̧: Tü̧ä̧nä̧wa̧ Dio u̧wä̧mȩnä̧ wa̧jä̧, mo̧ro̧jä̧'i̧nä̧ pi̧jä̧'i̧nä̧, rü̧ä̧ dubora'i̧nä̧ jua̧u̧nä̧ kka̧ku̧'i̧nä̧ o'kajuiyünä̧ aditinü̧jä̧;

Hechos 4:24 ပူးပေါင်းရင်းမြစ်များ

Hechos 14:15

Huopinätödo: —¡Chahuaruhuä! ¿Dä̧bö̧ ja̧'hua̧nö̧ jȩcu̧'ä̧tu̧cua̧'a̧ttö̧? Ujutumä ucutu ta'anö u̧mä̧tö̧jä̧. Ujutumä ucuturu ji'äu ichäjätöjä adihuä huȩnȩ, ja̧u̧ juäi, micuähuocö juäimä jȩcu̧'ä̧tu̧cumä̧, jarocu'ipätucu'a̧nö̧ ja̧'a̧, kö̧ Diosrö cuesetätucua pä'ö. Kö̧ Diosmä mo̧ro̧jä̧'i̧nä̧, mo̧ro̧jä̧nä̧ ka̧cu̧'i̧nä̧, pi̧jä̧'i̧nä̧, pi̧jä̧nä̧ ka̧cu̧'i̧nä̧, ajehuiyä'inä, ajehuiyänä kä̧cu̧'i̧nä̧, o'ca juiyönä aditinödo.

Hechos 16:25

Yodo kä'co Pablocu, Silascu Diosrö ucuocuinätödo. Ja̧'hua̧ta̧nö̧ ra̧'i̧nä̧tö̧do. Korotö cärenä pȩjä̧tö̧mä̧ jahuätörö ä̧ju̧cui̧nä̧tö̧do.

Hechos 4:23

Pedrorö, Juanrö ruhuotö rä'epö tticuäji o'ca'a, ttahuaruhuä ttö̧jo̧mȩ ppa̧'ä̧chö̧, jahuätörö ji'ähuinätödo o'ca juiyönä sacerdotes tturuhuotö'inä, judíos ttö̧ja̧ ancianos huotö'inä pättäjimä.